O BAIXO MIÑO

Alcaldes de Baixo Miño piden o apoio da subdelegada do Goberno para a urbanización dunha senda fluvial  

· A proposta supramunicipal significaría un investimento de máis dun millón e medio de euros

· A subdelegada  do  Goberno en Pontevedra, Maica Larriba, recibiu aos alcaldes da comarca de Baixo Miño para retomar o proxecto de urbanización da senda fluvial do río Miño desde Tui ata A Guarda, cunha extensión de 15 quilómetros  

A subdelegada  do  Goberno en Pontevedra, Maica Larriba recibiu hoxe aos alcaldes da Mancomunidade Intermunicipal do Baixo Miño para presentarlle o proxecto de senda fluvial ao longo do río Miño
Foto: S.G.

Infogauda / O Baixo Miño 

 A subdelegada  do  Goberno en Pontevedra, Maica Larriba recibiu hoxe aos alcaldes da Mancomunidade Intermunicipal do Baixo Miño para presentarlle o proxecto de senda fluvial ao longo do río Miño. En concreto estiveron presentes o  alcalde de Tui, Enrique Cabaleiro, Antonio Lomba, alcalde da Guarda, Anxela Fernández, alcaldesa do Rosal, e Sandra González, alcaldesa de Tomiño. Acompañados polo xefe provincial de Costas, Enrique Menéndez, presentaron o proxecto de urbanización da senda peonil e cicloturista no tramo fluvial do río Miño na súa extensión comarcal.  

 O proxecto inicial, elaborado polos concellos mancomunados, ascendería a un investimento de 1,6 millóns de euros, estendéndose desde a Ponte Internacional de Tui ata a desembocadura do río Miño, afectando a aproximadamente uns 15 quilómetros. 

 Os responsables municipais pediron a implicación da subdelegada do Goberno para impulsar esta mellora demandada desde fai máis dunha década para esta comarca pontevedresa.   

 Pola súa banda, Maica Larriba expresou o seu interese por este proxecto, valorándoo como “un investimento de futuro que melloraría o atractivo turístico para esta comarca, especialmente sensible á riqueza e equilibrio ambiental”. Por este motivo, Larriba comprometeuse a presentar este proxecto ao propio Delegado do Goberno en Galicia, Javier Losada, para que promova  o seu estudo por parte da Dirección Xeral de Costas e a procura de financiamento administrativo. 

 Hai que lembrar que esta ribeira goza xa dunha senda cicloturística e peonil na beira portuguesa e conseguiu un recoñecemento europeo pola súa calidade ambiental. 

 A subdelegada do Goberno realizará, proximamente, unha visita á comarca para comprobar in situ algunhas das melloras que se realizaron en pequenos tramos por parte dos concellos e que necesitan agora do impulso dun proxecto supramunicipal para esta beira do río Miño.  

 Os alcaldes tamén confían na implicación da Xunta de Galicia xa que esta marxe pertence á Rede Natura e por tanto, está dentro das competencias ambientais da administración autonómica.

OIA

PATRIMÓNIO

Considerações paisagistas em Oia 

(83ª parte) 

 ENCONTROS POLIORCÉTICOS /Oia 

       

 Uma dita Avaliação Ambiental Estratégica que dê asas à futura concretização de um Talasos em Oia é um primeiro passo para o esquecimento da LPCG (Lei do Património Cultural de Galiza) numa propriedade privada. Unilateralidade das posições da Xunta relativamente a esta temática é gritante, querendo "separar o trigo do joio" afastando essa LPCG e pondo de parte a questão urbano-paisagista. Nesse sentido, posição de "Movemento Oia" pôs contra a parede os sempre insuficientes argumentos do executivo municipal oiense concernientes ao Talasos Atlántico, que é o mesmo que falar do implante, da carimbada física de un Spa na morfologia primigénia de um mosteiro. Cabal interpretação da lei escrita impede a muitos deixarem de ser batoteiros.    

 Leis de Avaliação Ambiental ou do Solo de Galiza são hoje em día ferramentas dos poderes contratuais para fazerem das suas. O qué é que são esses poderes contratuais? Muito simples, uma máquina de concertação de soluções patuadas, de sempre duvidosa legalidade, para dar a volta ao que era, no início, ponto assente e legalidade. Por exemplo, Artigo 37.1.b. da Lei 21/2013, de 9 de dezembro, de Avaliação Ambiental pede um informe específico do impacte sobre o Património cultural. Todavia, Artigo 34.2., letras g) e h) da Lei 2/2016, de 10 de fevereiro, do Solo de Galiza, no seu texto consolidado, fala sobre supostos relativos à paisagem e património. Na Xunta e na "RMO" interpretam isso como bem lhes apetece, num permanente e falso "fala bonito". Poderes contratuais são determinados sindicatos, patronato, empreendedores ou forças políticas locais; atores sempre prestes ao fecho de um contrato "adicional", de uma "adenda" complementar que acabe por deformar intenções iniciais.    

 Corresponsabilidade dos particulares na sustentabilidade e manutenção de uma paisagem é sempre tarefa inglória. Campo visual do mosteiro de Oia mantém ainda uma envolvente que acarinha e preserva esse outro "land" cultural. Cá conta cada metro quadrado, cada valado ou cada sebe, de molde a criar uma certa zona de salvação. Estamos a referir um amplo MANTO VEGETAL PREEXISTENTE que não pode violentar-se nem no seu res-do-chão, nem em altura ou projeção espacial. Trata-se de preservar última paisagem que assim se possa chamar em redor de um mosteiro. Na origem disto tudo estarão dois fatores que nada abonam a ideia de um urbanismo civil verdadeiramente fiscalizado. Promotores ou particulares estão sujeitos a normas não precisamente regradas pelas "falinhas mansas". Um galpão, uma altura ou umas escalas desaconselháveis, criam precedência; tal ou qual tecto ou empena podem não condizer com áreas imediatas. Tais fatores em Oia regem-se pela inminência da FUNILIZAÇÃO (efeito funil, constrangedor) e a não desejada FAVELIZAÇÃO de edificações que nunca foram chamadas para isso. Numa paisagem geral caracterizada pelo íngreme não se podem descurar as prevenções paisagistas. Asistimos, impávidos e serenos, ao triunfo de uma unilateralidade oficial escandalosa, onde é suposto ficarmos todos caladinhos. Últimas respostas  dadas sobre um talasos, pela Direção Geral de Qualidade Ambiental e Câmbio Climático, destroem claramente princípio do contraditório e direito de resposta. 

 Artigo precedente.

A GUARDA

Unha proposta gastronómica especial para celebrar o Entroido 2020 

• O Menú de Entroido consta dun primeiro prato de caldo ou empanada, un segundo prato de Lacón con Grelos e unha sobremesa con filloas ou orellas de Entroido

• Esta oferta gastronómica estará dispoñible do sábado 22 ao martes 25 de febreiro en 6 restaurantes do municipio ao prezo de 18€. 

Fonte: Concello A Guarda

Infogauda / A Guarda

 Ao igual que en anos anteriores, a Concellería de Turismo do Concello de A Guarda, organiza en colaboración cos diferentes restaurantes da localidade o Menú de Entroido. 

 Ao longo dos catro días do Entroido, o devandito Menú de Entroido inclúe un primeiro prato de caldo galego ou empanada, un segundo prato de lacón con grelos, unha sobremesa con filloas ou orellas de Entroido, viño e café. O prezo é de 18€ por persoa.  

 Nesta edición participan os seguintes restaurantes:

· Arruaz (986 614 571)

· Camping Santa Tecla (986 685 461) 

· The Celtic Harp (986 611 679)

· La Pizzicata (986 611 534)

· O Cangrexal (986 611 107) 

· Xantar (986 611 814 ) 

 Recoméndase reservar con antelación chamando directamente ao restaurante.

SALCEDA DE CASELAS

A Deputación de Pontevedra recupera para as persoas o antigo Campo da Feira da Devesa 

E mellora a mobilidade da EP-2505 ao seu paso polo concello cun investimento dun millón de euros  

Carmela Silva: "Son dúas actuacións que falan ás claras do noso modelo de recuperación dos espazos públicos para a xente e da mobilidade do século XXI"

A presidenta da Deputación de Pontevedra coa alcaldesa de Salceda de Caselas, e outras autoridades, supervisando o acabado das obras de urbanización do antigo Campo da Feira da Devesa
Foto: D.PO.

Infogauda / Salceda de Caselas 

 A presidenta da Deputación de Pontevedra, Carmela Silva Rego, visitou hoxe xunto á alcaldesa de Salceda de Caselas, Dolores Castiñeiras; os deputados de infraestruturas e Cooperación, Gregorio Agís e Santos Héctor, ademais da tenente de alcaldesa Verónica Tourón e integrantes do goberno local, dúas obras levadas a cabo con achegas da institución provincial neste concello cun investimento próximo ao millón de euros, a urbanización do antigo Campo da Feira da Devesa, incluída no Plan DepoRemse, e a actuación de mobilidade sostible na estrada provincial EP-2505 ao seu paso polo núcleo urbano. En ambos casos, como destacou Silva, son obras destinadas a mellorar a seguridade viaria e a accesibilidade peonil, dentro da aposta da Deputación por un modelo de mobilidade "do século XXI, onde as persoas teñen que ser o centro, e as decisións máis relevantes para que isto sexa verdade pasan pola recuperación do espazo público para a xente, para que sinta que o pobo é dela".  

 Carmela Silva destacou que a reforma levada a cabo no antigo Campo da Feira da Devesa (a zona de entrada e saída da localidade), que fora o centro neurálxico e histórico da vila, permitiu habilitar "un espazo totalmente distinto e aberto, onde as e os peóns son os protagonistas e os vehículos son accesorios, porque é a xente a que vai desfrutar de todo esta zona". A obra, cun orzamento de máis de 480.000 euros, permitiu dotar á vila, como engadiu a alcaldesa Dolores Castiñeiras, dunha nova praza "de estética fermosa" de 4.000 metros cadrados, que conta cunha área de xogos infantís e equipamentos para maiores. Ademais, renováronse as redes de abastecemento e electricidade, e dotouse ao entorno dunha nova iluminación en LED. Carmela Silva destacou así mesmo que neste novo espazo "pódense realizar múltiples actividades" e resaltou a iniciativa do Concello de dotalo dun punto de Libro Viaxeiro "para que as nenas e os nenos poden levar e deixar os seus libros". "É unha gran idea do que se pode facer nun espazo público", apuntou.  

MELLORA NA EP-2505

 A presidenta da Deputación de Pontevedra tamén visitou a mellora realizada na EP-2505 ao seu paso polo núcleo urbano de Salceda (rúa Gándara), na que a Deputación investiu medio millón de euros. O obxectivo era humanizar este entorno, habilitando espazos seguros para os/as peóns. A actuación realizouse nun tramo de 350 metros e incluíu tamén a reordenación da intersección entre a rúa Gándara e a avenida de Galicia cunha glorieta. A obra, conecta de maneira segura o centro urbano co espazo de lecer nas beiras do río Landres. Silva destacou de xeito especial a transformación que está a vivir Salceda de Caselas, "que ten un modelo de pobo" para o seu territorio e cun "goberno en feminino" que é un referente en cuestións como "a loita pola igualdade, as políticas sociais, en seguir traballando para ser un deses concellos que ten ratios de natalidade que son un exemplo a seguir, e unha referencia a nivel cultural e medio ambiental". "Salceda parece outra Salceda e a provincia parece outra provincia, porque hai un proxecto de transformación do territorio –indicou–. Espero que a Deputación poida seguir sendo esa administración que permite dotar de recursos aos proxectos que queren transformar os pobos".  

A obra, conecta de maneira segura o centro urbano co espazo de lecer nas beiras do río Landres

 A presidenta provincial volveu a insistir que a Comunidade Autónoma "entenda que é imprescindible que os concellos teñan recursos incondicionados, que haxa un Fondo Local dotado con recursos suficientes que permita que os gobernos locais poidan facer os investimentos que decidan eles, que son os que a xente votou para transformar os seus pobos, porque a verdade nesta provincia hai moitísimas ideas". "Que todos aqueles e todas aquelas que queiran gobernar este grande pais que é Galicia –engadiu– teñan en conta que un Fondo local incondicionado é fundamental. Cousas como as que hoxe vemos aquí ocorren cando hai recursos. Deberiamos apostar por este modelo de que os gobernos locais teñan máis capacidade de poder transformar".  

 Pola súa banda, a alcaldesa Dolores Castiñeiras, agradeceu a colaboración da institución provincial para "seguir dotando aos concellos pequenos como o noso dos recursos suficientes para transformar a nosa vila". Destacou que a nova praza do antigo Campo da Feira da Devesa presta especial atención a colectivos como os maiores e a infancia, ademais das persoas con mobilidade reducida: "A infancia para nós é un baluarte –destacou–, con máis de 1.600 nenos e nenas en idade pediátrica que garante que Salceda sexa un pobo con garantía de futuro. Sabemos que por parte da Deputación esa aposta vai estar garantida".

DEPORTES

BALONMÁN FEMININO

COPA DA RAÍÑA

Para disputar o encontro de volta

O MECALIA ATLÉTICO GUARDÉS RECIBIRÁ AO BALONMANO SALUD TENERIFE

O sábado 15 de febreiro ás 18:00 horas no pavillón da Sangriña (A Guarda)

IGUALDADE

A presidenta da Deputación de Pontevedra anuncia a posta en marcha dun novo proxecto para fomentar "o gusto polo coñecemento científico e inspirar ás nenas" 

No Día da Muller e da Nena na Ciencia, a presidenta amosa a súa preocupación polo descenso do número de mulleres matriculadas nas STEM e apela á necesidade de visibilizar referentes femininas no ámbito científico 

A presidenta da Deputación de Pontevedra, Carmela Silva, no Día da Muller e da Nena na Ciencia, que conmemorou na sede provincial en Vigo xunto á xunta directiva do Colexio de Enxeñería
Foto: D.PO.

Infogauda / Vigo

 "Si, hai mulleres, pero temos que traballar moito para que as mozas decidan estudar carreiras STEM". Foi a reivindicación da presidenta da Deputación de Pontevedra, Carmela Silva, no Día da Muller e Nena na Ciencia, que conmemorou na sede provincial en Vigo xunto á xunta directiva do Colexio de Enxeñería, paritaria por vez primeira, "o que é de celebrar porque o mundo ten que ser de nosoutras e de nosoutros, de homes e mulleres traballando xuntas e xuntos para cambiar o mundo".  

 A presidenta provincial amosou a súa preocupación porque "ten descendido o número de mulleres matriculadas nas STEM" xa que a día de hoxe "non representamos o 25% das persoas matriculadas o que significa que o mundo vai seguir en mans dos homes, que supoñen o 75% das persoas matriculadas nas STEM". Ao respecto, Carmela Silva informou que "imos poñer en marcha un proxecto xunto ao Colexio de Enxeñería, que complemente a outros xa existentes, para ser capaces de sumar sinerxías e poder xerar o gusto polo coñecemento tecnolóxico, científico e innovador e inspirar ás nenas e mozas".  

 Silva apelou a que a escasa matrícula de mozas neste campo débese, en parte, "a que non teñen referentes".  Así, a presidenta aproveitou a ocasión para facer fincapé na necesidade de "visibilizar ás mulleres, facer campañas, visitar centros educativos para espertar a paixón e vocación polas STEM" e nomeou, neste eido, a mulleres da talla de María José Alonso, a investigadora española máis influínte na área de farmacoloxía; Miriam Pena, unha das doce enxeñeiras con maior proxección en Silicon Valley; África González, unha das mulleres referentes en nanotecnoloxía; Marisol Soengas, especialista en microbioloxía; ou María Teresa Miras, catedrática en Bioquímica.  

 A presidenta da Deputación aproveitou a ocasión para enxalzar o importante papel da enxeñería, e destacou o elevado nivel formativo e técnico das enxeñeiras e enxeñeiros e o papel da enxeñería que "transforma o espazo público, as infraestruturas, mellora as edificacións e o medio ambiente". Neste aspecto, Silva instou ás administracións competentes para que "aposten polas enxeñerías, por unha política industrial, enerxética, de edificación, de mobilidade, que poña en valor todo este coñecemento" así como para que "se tomen moi en serio a creación do marco para que este coñecemento acabe converténdose en proxectos económicos de futuro".

PONTEVEDRA

A Deputación de Pontevedra publica as bases de "Depotermal 2020" e abre o prazo de solicitudes para os concellos  

O goberno provincial destinará este ano case 130.000 euros ao impulso de accións que potencian o envellecemento activo e dinamizan a economía da provincia

Infogauda / Pontevedra

 O Boletín Oficial da Provincia de Pontevedra vén de publicas as bases reguladoras do programa "Depotermal 2020" que, este ano, conta cun orzamento de 128.667,84 euros. Nesta nova edición do programa de termalismo da deputación ofértanse case 4.500 prazas, das cales 434 están reservadas a persoas en situación ou risco de exclusión social.

 Todos os concellos da provincia de Pontevedra poderán sumarse a este programa de termalismo mediante a solicitude de adhesión dispoñible na sede electrónica da Deputación de Pontevedra (https://sede.depo.gal). As solicitudes presentaranse obrigatoriamente por medios electrónicos e o prazo de presentación será de 10 días hábiles que comezarán a contar a partir do día seguinte ao da súa publicación no BOPPO, que tivo lugar este martes día 11 de febreiro de 2020.

 Unha vez publicada no BOPPO e na web institucional a lista de concellos adheridos, comezará o prazo de presentación de solicitudes das persoas beneficiarias, que será de 20 días hábiles a partir do día seguinte á devandita publicación. Estas solicitudes presentaranse preferiblemente por vía electrónica a través do formulario normalizado dispoñible na sede dixital da Deputación de Pontevedra. Poderán beneficiarse de "Depotermal 2020" todas as persoas empadroadas na provincia de Pontevedra nadas antes do 1 de xaneiro de 1970, pensionistas, cun recoñecemento do grao de diversidade funcional igual ou superior ao 65% ou que precisen dun respiro familiar.

 Este ano "Depotermal 2020" oferta 4.434 prazas distribuídas na modalidade de asistencia diaria aos establecementos termais durante cinco días consecutivos e na de pernoita con pensión completa. Na primeira das modalidades, a Deputación de Pontevedra oferta 1.248 prazas das cales 248 (4 por cada concello adherido ao programa) resérvanse a persoas en situación ou risco de exclusión social. No caso da modalidade de pernoita con pensión completa, o goberno provincial oferta 3.186 prazas das que 186 (3 por concello) resérvanse a persoas en situación ou risco de exclusión social.

 Deste xeito, a través de "Depotermal 2020" a Deputación de Pontevedra pretende fomentar o envellecemento activo e mellorar a calidade de vida das persoas, establecendo novas relacións sociais e favorecendo a participación en actividades que melloren o seu estado anímico, promovendo espazos de encontro e intercambio de experiencias co fin de evitar o illamento e as situacións de soidade que poidan levar á vulnerabilidade. Amais, o programa da institución provincial tamén está a facilitar o acceso ao turismo de saúde e a dinamizar a economía da provincia, impulsando a creación e o mantemento de postos de traballo no sector turístico durante os períodos de menor actividade.

A GUARDA

NOVA REUNIÓN DO SECTOR COMERCIO

Este mércores día 12 de febreiro, ás 20:45 horas, na Casa dos Alonso

Infogauda / A Guarda

 O pasado mércores día 29 de xaneiro de 2020, máis dunha vintena de comerciantes guardeses, xunto con representantes das asociacións ACIGU e Mercaguarda, participaron nunha reunión convocada dende a Concellería de Desenvolvemento Local do concello de A Guarda. 

 A concelleira Fátima Rodríguez Marcos, quixo comprobar de primeira man os resultados da pasada Campaña de Nadal 2019/20 de cara a avaliar os resultados e as repercusións sobre o tecido comercial da vila.

  Tal e como indicou Fátima Rodríguez “a implicación e participación dos empresarios e comerciantes da vila é fundamental para concretar accións que repercutan directamente sobre os negocios da vila, e é por esta razón que se convoca novamente a unha reunión de seguimento o vindeiro mércores día 12 de febreiro ás 20:45h na Casa dos Alonso, de cara a analizar os resultados das enquisas realizadas, propoñer unha estratexia a seguir, así coma as oportunidades existentes co Camiño de Santiago e o ano santo 2021”.

ARCOS DE VALDEVEZ

Conselho Municipal de Educação  

Reforço do Apoio às Famílias e mais modernização das instalações 

  

Reunião do Conselho Municipal de Educação

Foto: C.M.A. de V.

María Joâo Brito / Arcos de Valdevez

 No passado dia 23 de Janeiro decorreu a reunião do Conselho Municipal de Educação, órgão que tem por objetivo promover, a nível municipal, a coordenação da política educativa, articulando a intervenção no âmbito do sistema educativo. 

 Presidida pelo Presidente da Câmara Municipal, João Manuel Esteves, a reunião iniciou com o plano de atividades com as escolas. 

 Foram também abordados neste Conselho Municipal de Educação os apoios no âmbito da ação social escolar, promovidos pelo Município, nomeadamente a atribuição de fichas escolares aos alunos do 1º e 2º ciclo do ensino básico, a atribuição de transportes escolares gratuitos para todos os alunos do pré-escolar ao ensino secundário, bem como, a intensificação das atividades proporcionadas no Apoio à Família. 

 Ao nível da requalificação dos equipamentos educativos, foram apresentadas as obras a concurso e a executar no ano de 2020, no valor de cerca de 500mil euros. 

 Também se abordaram os temas da Educação, Formação e Emprego e a constante necessidade de se articular estas realidades entre os diferentes parceiros.

ARCOS DE VALDEVEZ

Mais de 500 mil euros na rede viária Arcuense  

María Joâo Brito / Arcos de Valdevez

 Foram assinados os autos de consignação de empreitadas de obra, visando a intervenção em nove freguesias e uniões de freguesia.    

 A presente ação conta com três empreitadas e tem como finalidade realizar obras de reabilitação, construção e beneficiação de vias municipais em nove freguesias e uniões de freguesia num investimento global de 528.968,75 euros. 

 As três empreitadas são divididas em três lotes. O Lote 1, abrange as freguesias de Aboim das Choças, Vale, Giela (União de Freguesias de S. Paio/Giela) e união de freguesias de Eiras/Mei; Lote 2, com as freguesias de Gondoriz, Miranda, Cendufe, e Padreiro Stª Cristina (União de Freguesias de Padreiro Salvador e Padreiro Stª Cristina), e por fim, o Lote 3, intervém nas freguesias de Aboim das Choças e Álvora (União de Freguesias de Álvora/Loureda).  

 A intervenção prevista no Lote 1, adjudicada à empresa Sebastião da Rocha Barbosa, Lda., pelo montante de 172.274,00 euros, numa extensão de, aproximadamente, 1.100 m. Esta obra visa a beneficiação de vários troços municipais, como CM1300-2 (Aboim das Choças), CM1280 (Eiras), Caminho do Eirado (Mei), Caminho do Meijoeiro (Mei), Caminho da Igreja (Mei), Caminho da Escola (Giela) e o Caminho da Escola (Vale).  

 A intervenção prevista para o Lote 2, adjudicada à empresa Martins e filhos, S.A., pelo valor de 162.690,50 euros, conta com um período de execução de 240 dias, e prevê, numa extensão de, aproximadamente, 1.700 m, o melhoramento em quatro vias, nomeadamente no CM1309 (Caminho do Cotão - Miranda), Caminho de Cabanas (Gondoriz), Caminho da Casa do Pe. Himalaya (Cendufe) e Caminho de Ligação entre Salvador e Stª Cristina.  

 No Lote 3, a intervenção prevista consiste na repavimentação, em cubo granito, da via EM505. Adjudicada à empresa Predilethes Construções, Lda., pelo montante de 195.634,80 euros, a obra será realizada por um período de 365 dias, numa extensão de, aproximadamente, 710 metros.  

 Estas empreitadas visam melhorar a circulação e a segurança rodoviária no concelho e consequentemente melhorar a mobilidade e a qualidade da vida da população.