DEPORTES

BALONMÁN

DHF FEMININA

O Mecalia Atlético Guardés visita ao Super Amara Bera Bera, campión da Supercopa Ibérica  

• O encontro terá lugar mañá sábado 16 de setembro, ás 19:00 horas, no Polideportivo Municipal José Antonio Gasca, en Donostia 

• O Mecalia Atlético Guardés tratará de manter as boas sensacións que mostrou ante o Motive.Co Xixón BM A Calzada 

• Elena Amores: “Sabemos que o Bera Bera é un equipo forte, pero co que podemos competir” 

Foto: M.A.G.

Redacción / Deportes

 O Mecalia Atlético Guardés enfrontarase mañá sábado, 16 de setembro, ao Super Amara Bera Bera no duelo correspondente á terceira xornada da liga Guerreiras Iberdrola. O partido terá lugar ás 19:00 horas no Polideportivo Municipal José Antonio Gasca.  

 Ambos os dous equipos chegan igualados a puntos na clasificación (o Bera Bera disputou un único partido) e tras cultivar unha vitoria nos seus últimos enfrontamentos. O conxunto de A Guarda venceu con suficiencia ao Motive.Co Xixón BM A Calzada e o cadro vasco proclamouse campión da Supercopa Ibérica o pasado sábado.  

 O conxunto do Baixo Miño tentará lograr a súa primeira vitoria do curso como visitante e seguir coas boas sensacións do último encontro.  

 Cristina Cabeza poderá contar con todas as súas xogadoras para este esixente choque, fóra de Andreza Almeida, que aterrará en España a próxima semana, e da catalá Júlia Nuez, que continúa recuperándose da súa lesión.  

 A capitá, Míriam Sempere, incorpórase ao equipo tras xogar estes últimos días os Xogos Mediterráneos de Praia, en Heraklion (Grecia), unha competición na que se levou o ouro coa Guerreiras Area.  

Elena Amores: “Sabemos que o Bera Bera é un equipo forte, pero co que podemos competir” 

 Elena Amores, unha das xogadoras destacadas do último partido ligueiro, móstrase ambiciosa antes do duelo fronte ao Bera Bera: “Sabemos que o Bera Bera é un equipo forte, pero co que podemos competir”.  

 A xogadora de Petrer destaca as “boas sensacións” que tiveron fronte ao Motive.Co Xixón e o “bo sabor de boca” que lles deixou o partido. Por último, sinala que ve ao equipo “adestrando moi ben e con moitas ganas de competir contra todos”.  

AXENDA  

Liga Guerreiras Iberdrola 

Xornada 3 

Super Amara Bera Bera – Mecalia Atlético Guardés 

Sábado, 16 de setembro, ás 19:00 horas, no Polideportivo Municipal José Antonio Gasca. 

En directo, pola canle de YouTube do Bera Bera.

DEPORTES

A Xunta de Galicia destaca o impulso á desestacionalización do turismo e á promoción internacional que supón o Mundial J80 en Baiona  

Desde este domingo e ata o sábado 23 de setembro se disputará en augas das Rías Baixas esta cita mundialista que chega por vez primeira a Galicia  

O director de Turismo de Galicia destacou o impacto internacional que supón para Galicia apoiar estes eventos.

Participantes na presentación que tivo lugar esta mañá do Mundial de J80

Foto: X.G.

Infogauda / Baiona

 O director de Turismo de Galicia, Xosé Merelles, participou xunto co secretario xeral para o Deporte, José Ramón Lete Lasa, entre outras autoridades, na presentación que tivo lugar esta mañá do Mundial de J80 que a partir do próximo domingo celébrase Baiona baixo a organización do Monte Real Club de Iates.

 Trátase da primeira ocasión en que esta cita mundialista chega a Galicia que se converte así en sede dun evento náutico de primeiro nivel e un dos máis importantes do calendario regateiro español. “Que Galicia acolla este tipo de eventos deportivos do máis alto nivel nos permite non só seguir situando a Galicia como destino ideal para acoller estas competicións deportivas se non que, ademais, contribúe a desestacionalizar e internacionalizar máis o noso destino”, destacou o director de Turismo de Galicia, “un obxectivo no que se están marcando excelentes resultados, tal e como o pon de manifesto ter acadado 2 millóns de noites por vez primeira nos primeiros 7 meses do ano”.

80 veleiros e preto de 400 deportistas

 Un total de 400 deportistas aos que acompañan técnicos, adestradores, equipo deportivo e familiares, farán que preto dun milleiro de persoas se dean cita no Val Miñor durante toda unha semana, desde este domingo, 17 de setembro, ata o sábado 23 de setembro.

 Os 80 veleiros que chegarán a Baiona de 43 países dos 5 continentes farán posible un espectáculo deportivo que, ao mesmo tempo, suporá un importante impacto económico e de promoción turística do territorio fóra da tempada alta, promocionando así a navegación durante todo o ano grazas ás características das súas rías e a ás instalacións náuticas de excelencia coas que conta Galicia.

CAMPOSANCOS (A GUARDA)

A ENTIDADE LOCAL MENOR DE CAMPOSANCOS AFRONTA A  RESTAURACIÓN DA SIMBOLOXÍA CASTREXA NO PUNTAL  

 

As imaxes reflicten o antes e o agora, logo da restauración e novo pintado realizado recentemente por Xosé Cabaleiro

Fotos: X.C.

Infogauda / Camposancos

 A Entidade Local Menor patrocina a obra de restauración e pintado coa aportación de pinturas e materiais necesarios, novamente empregando pintura totalmente inocua e ecolóxica para protexer a integridade das árbores, facendo coidado no trato respectuoso do seu entorno.     

 A obra realizada polo artista multidisciplinar Xosé Cabaleiro Santos, redondelán e veciño - desde fai varios anos - de A Guarda, foi acometida por este de  xeito  altruísta. 

    

 

 Esta é unha obra única na Galiza onde só participou a Entidade Local Menor camposina, sen aportacións  doutras administracións como a Xunta de Galicia, a Deputación ou o mesmo Concello de A Guarda.    

 Segundo refire o artista, “debería existir máis implicación por parte destas institucións para conservar a obra no tempo. 

 Esta obra, cando menos debería ter como referencia a obra pictórica do Monte de Oma, no País Vasco, no municipio vizcaíno de Kortezubi, onde Deputación e Goberno vasco fanse cargo do seu regular mantemento”.

CAMINHA

Ilse, a Menina Andarilha

Espetáculo para maiores de seis anos, a partir da vida e obra de Ilse Losa

16 setembro no Valadares, Teatro Municipal de Caminha  

    

Foto: C.M.C.

Infogauda / Caminha

 Neste espetáculo estamos sempre a percorrer caminhos. Entre a aldeia e a cidade, a montanha e a planície, a memória da infância e o desejo de futuro traçam os lugares que permitem encontrar a Maria Ana e a D. Emília, as vizinhas de Flor Azul, que vivem numa rua estreitinha. Também encontramos Um Artista chamado Duque, o cavalo vindo de Shetland, que trabalha com uma trupe de saltimbancos ou O Bonifácio, o papagaio – cantor do taxista Sr. Vicente. Cruzamo-nos com Dandy, o cão que roía toda a casa e se torna num estudioso do Império Romano. Caminhamos entre carvalhos, plátanos ou tílias, respirando os tempos da terra. São caminhos de memória, que ajudam a nunca esquecer como voltar a casa e a fazer nascer a vontade de continuar a andar.

Ficha Artística e Técnica

Direção Isabel Craveiro | Elenco João Santos; Margarida Sousa; Sofia Coelho | Cenário e Figurinos Filipa Malva | Desenho de Luz Jonathan Azevedo | Ilustração Ana Biscaia | Banda Sonora Pedro Fonseca | Grafismo Studio And Paul | Fotografia Carlos Gomes | Direção de Produção Isabel Craveiro | Produção Executiva Mariana Pereira | Construção de Cenário José Baltazar | Costureira Fernanda Gonzaga Tomás | Cabeleireiro Carlos Gago; Ilídio Design Cabeleireiros | Montagem e Operação de Luz e Som Jonathan de Azevedo; Nuno Pompeu

Duração 45 min.

O TEATRÃO

 O TEATRÃO é uma companhia de teatro com sede em Coimbra, que procura intervir artisticamente no quotidiano das comunidades, criando espetáculos e atividades paralelas aos mesmos que inspiram os diferentes públicos à participação. A sua atividade desenvolve-se em três linhas principais: a Criação, investigando a linguagem teatral na relação entre interpretação, dramaturgia e encenação; a Pedagogia, desenvolvendo um sofisticado e multifacetado projeto na cidade e região onde se insere e a Programação da Oficina Municipal de Teatro, equipamento financiado pela Rede de Teatros e Cineteatros Portugueses (RTCP), que acolhe outros projetos de áreas artísticas diversas em diálogo com a criação da Companhia.

CAMINHA

Mercado Municipal de Caminha recebeu comitiva francesa no âmbito do III Congresso Internacional de Enogastronomia Amar o Minho 

Congresso decorre dias 25 e 26 em Caminha, com a participação de especialistas de vários países

No Mercado Municipal de Caminha, o grupo foi recebido pelo Presidente da Câmara, Rui Lages

Foto: C.M. C.

Infogauda / Caminha

 Caminha recebeu ontem à tarde a visita de uma comitiva francesa multidisciplinar, da cidade de Avignon, composta por representantes do Município, investigadores e profissionais da área alimentar. No Mercado Municipal de Caminha, o grupo foi recebido pelo Presidente da Câmara, Rui Lages, reunindo a seguir com a Associação Profissional de Pescas do Rio Minho e do Mar. Nesta reunião participou também a vereadora Liliana Ribeiro, responsável do Município pelas compras, gestão e fornecimento das refeições escolares.

 O grupo está a realizar uma visita ao território do Alto Minho, no âmbito do projeto FEAST - Food systems that support transitions to healthy and sustainable diets, que está a ser dinamizado pela Comunidade Intermunicipal do Alto Minho (CIM Alto Minho) e pelo Instituto Politécnico de Viana do Castelo (IPVC), em conjunto com outros parceiros europeus.

 De acordo com a CIM, a comitiva de Avignon inclui Christian Rocci, vereador da Agricultura e Compras Públicas do Município de Avignon; Esther Sanz-Sanz e Claude Napoleone, investigadores do INRAE - Instituto Nacional Francês de Agricultura, Alimentação e Meio Ambiente; Jennifer Macia, representante da Direção da Cozinha Central do Município de Avignon; e Elsa Chiffard-Carricaburu, investigadora do projeto FEAST do Living Lab Avignon.

 O objetivo desta visita alargada é “partilhar boas práticas do território do Alto Minho e o modus operandi em matéria de compras públicas ‘verdes’ dos municípios, bem como visitar várias cozinhas e cantinas escolares com diferentes modelos de gestão e fornecimento de refeições, com destaque para modelos que incorporam as dietas locais, sustentáveis e os produtos locais produzidos em regimes de qualidade (variedades vegetais regionais e raças autóctones). A comitiva pretende também entrevistar produtores que fornecem cantinas escolares (valorizando assim a produção e os produtos locais), bem como responsáveis pelas compras públicas e gestão das cantinas”.

 O projeto FEAST foi aprovado pelo programa Horizonte Europa Pilar II – Cluster 6: Alimentação, bioeconomia, recursos naturais, agricultura e ambiente e está a ser desenvolvido por um consórcio de 36 entidades europeias, entre instituições públicas, empresas, universidades e atores políticos, liderado pela Universidade de Heidelberg, na Alemanha.

 A visita está inserida no projeto "PA9. Enogastronomia: Sabores, ofertas e conhecimento”, do PROVERE Minho Inovação – Programa de Valorização Económica de Recursos Endógenos, aprovado pelo Norte 2020, do qual faz parte o III Congresso de Enogastronomia "Amar o Minho”, que ocorrerá nos próximos dias 25 e 26 de setembro, em Caminha.

III CONGRESSO INTERNACIONAL DE ENOGASTRONOMIA AMAR O MINHO

III International Congress of Enogastronomy Amar o Minho

Caminha - Portugal

25 - 26 SET'23

SETEMBRO'23 DIAS 13 | 14 VISITAS AO TERRITÓRIO

DIA 25

FOOD DESIGN THINKING

Incubadora Verde

DIA 26

CONGRESSO ABERTO AO PÚBLICO

Museu Municipal de Caminha

Aberto ao público mediante inscrição gratuita/obrigatória

Transmissão online: www.facebook.com/amarominho

PROGRAMA 26 SET 2023

Museu Municipal de Caminha

8h30 - Receção de boas-vindas e registo dos participantes

9h00 - ABERTURA OFICIAL DO 2º DIA DO CONGRESSO

Rui Lages - Presidente da Câmara Municipal de Caminha

Manoel Batista - Presidente da Comunidade Intermunicipal do Alto Minho

António Cunha - Presidente da Comissão de Coordenação e Desenvolvimento Regional do Norte (CCDR-N)

9h30 - Keynote Speaker Anant Jani Scientist - Heidelberg Institute of Global Health, University of Heidelberg; University of Oxford

10h00 - PITCH DO LABORATÓRIO DE IDEIAS MINHO FOOD DESIGN THINKING

REFLEXÃO SOBRE OS RESULTADOS

Chair: José Paulo Queiroz - Coordenador Executivo do Consórcio Minho Inovação

Bruno Caldas - Primeiro Secretário do SEI da CIM Alto Minho

Rafael Amorim - Primeiro Secretário do SEI da CIM do Cávado

Marta Coutada - Primeira Secretária do SEI da CIM do Ave

Júlio Pereira - Autoridade de Gestão do PO 2030

11h10

Giorgia Dalla Libera Marchiori - Health Scientist and Systems Thinker - The Australian National University

11H40 - MINHO: UM TERRITÓRIO VIVO

Chair: Ana Sofia Rodrigues - Vice-Presidente IPVC e Investigadora do Centro de Investigação e Desenvolvimento em Sistemas Agroalimentares e Sustentabilidade - CISAS-IPVC

Speakers:

Rita Pinheiro - Subdiretora ESTG-IPVC e Investigadora do Centro de Investigação e Desenvolvimento em Sistemas Agroalimentares e Sustentabilidade - CISAS-IPVC

Nuno Brito - Coordenador do Núcleo Tecnológico para a Sustentabilidade Agroalimentar - CISAS-IPVC

Andreia Afonso - R&D Director & CO-Founder - Deifil - Green Biotechnology

Rui Dantas - Presidente da Federação Nacional das Associações de Raças Autóctones - FERA

ALMOÇO

14h00

Samuele Tonello - Research Coordinator - EuroHealthNet - European partnership for health, equity & wellbeing - Brussels

14H30 - COMMUNITIES/CITIES TAKING ACTION: THE INFLUENCE OF HEALTHY AND SUSTAINABLE SCHOOL MEALS

Chair:

Amalia Ochoa - Project Coordinator for the Food Cluster Europe - ICLEI - Local Governments for Sustainability - Brussels

Speakers:

Elsa Chiffard-Carricaburu

Chargée de mission Foodshift 2030 Ville d’Avignon - France

José Luis Cruz Maceín - Researcher and Head of Rural Development Department in the Agriculture Research Institute of Madrid Region (IMIDRA) - Spain

15H30 - CAPACITAÇÃO E TRANSFERÊNCIA DE CONHECIMENTO PARA A ENOGASTRONOMIA

Chair:

Manuela Vaz Velho - Diretora do Centro de Investigação e Desenvolvimento em Sistemas Agroalimentares e Sustentabilidade - CISAS- IPVC

Speakers:

Carlos Fernandes - Coordenador da Licenciatura de Gastronomia e Artes Culinárias - IPVC

Helena Cardoso - Diretora da Escola de Hotelaria e Turismo de Viana do Castelo

Carlos Antunes - Diretor do Aquamuseu

Maria Isabel Valin - Diretora da ESA-IPVC e Coordenadora Centro de Tecnologia e Inovação do Agroalimentar CISAS-IPVC

17h00 - ENCERRAMENTO

Carlos Rodrigues - Presidente do Instituto Politécnico de Viana do Castelo

Rui Lages - Presidente do Município de Caminha

Manoel Batista - Presidente da Comunidade Intermunicipal do Alto Minho

Gonçalo Rodrigues - Secretário de Estado da Agricultura

O ROSAL

Homenaxe ás rosaleiras co concurso de fotografía ‘Mulleres que inspiran’  

O Concello convoca un certame para visibilizar e recoñecer o labor de avoas, nais... como piares das familias  

As propostas poderán presentarse ata o vindeiro 15 de outubro  

Infogauda / O Rosal

 O Rosal ten nome de muller e quere retratalo. O Concello convoca o concurso de fotografía ‘Mulleres que inspiran’, un certame que busca facer unha homenaxe ás avoas, nais... e recoñecer o labor destas mulleres como piares das familias e da sociedade, ao tempo que se fomenta a creatividade artística e a participación cidadá.  

 A alcaldesa, Ánxela Fernández Callís, anima a toda a veciñanza a participar nesta iniciativa “coa que poñer en valor o traballo que realizan todas as rosaleiras, un traballo que moitas veces permanece invisible a pesar de ser fundamental para o funcionamento das nosas vidas e das nosas vilas a cotío e en todos os ámbitos”. 

 Poderán participar neste concurso rosaleiros e rosaleiras de todas as idades cunha fotografía na que aparezan mulleres do Rosal que marcaran dun xeito ou outro as súas vidas. As imaxes deberán recoller ás mulleres de máis idade da familia xunto con persoas descendente, cun mínimo de dúas xeracións, nun contexto artístico.  

 Presentarase un máximo de unha fotografía orixinal que deberá enviarse por correo electrónico a participacion@orosal.gal, indicando no asunto Concurso Mulleres que Inspiran e co título da fotografía; un breve texto explicativo sobre as persoas que aparecen na imaxe, o vínculo que as relaciona e por que se elixiu a esas persoas ou a historia que hai detrás; nome e apelidos do autor ou autora, DNI, enderezo completo e teléfono de contacto; e o Anexo I cuberto e firmado.  

 O prazo para enviar as imaxes remata o 15 de outubro ás 23.59 horas. O xurado elixirá a obra gañadora e outras 49 fotografías que formarán parte da exposición que se poderá ver o 25 de novembro con motivo do Día Internacional en Contra da Violencia contra as Mulleres. Só por participar, as persoas que envíen as súas fotografías recibirán a imaxe impresa. 

 O Concello pon en marcha esta iniciativa ao abeiro do proxecto ‘Mulleres que inspiran', un programa posto en marcha para continuar revolucionando mentes, promocionar a igualdade real e previr a violencia de xénero a través de referentes femininos en todos os eidos.  

 Financiado pola Deputación de Pontevedra, o proxecto ‘Mulleres que inspiran’ busca achegar referentes femininos en todos os ámbitos a través de diferentes liñas de actuación, como encontros con profesionais, dando visibilidade ás xornalistas deportivas e deportistas profesionais de disciplinas historicamente masculinas ou a través da arte. 

O ROSAL

PROXECTO RÍOS 

“Móllate polos ríos” 

XVI LIMPEZA SIMULTÁNEA DE RÍOS EN TODA GALICIA 

Asociación Forestal e de Educación Ambiental “A Jalleira” / O Rosal

 Unha ano máis, e despois do éxito das xornadas de limpeza simultánea destes anos pasados, presentamos a XVI limpeza simultánea que será o domingo 24 de setembro de 2023. 

 Grazas á colaboración de 63 entidades, o pasado ano se retiraron máis de 8 Tn. de lixo de orixe diverso e participaron un total de 955 voluntarias/os de 41 concellos en toda Galicia. O máis importante é que ano tras ano conseguimos concienciar un pouco máis á sociedade da necesidade de manter limpos os nosos ríos de residuos como premisa para a conservación da súa saúde. 

 A Asociación Forestal e de Educación Ambiental “A Jalleira” en colaboración co Concello do Rosal e ca asociación ADEGA, realizará a coordinación da limpeza no río da Soberbia no Concello do Rosal, o punto de encontro será na ponte do Urgal ás 09:45h. 

 A actividade está aberta a todos os públicos. 

 Todas as persoas interesadas en participar poderán inscribirse enviando un correo electrónico a: ajalleira@gmail.com

TOMIÑO

PRESENTACIÓN DO LIBRO ‘O MIÑO SERENO’ 

Venres, 22 de setembro, ás 20:30 horas, no Auditorio de Goián 

Infogauda / Tomiño

 O auditorio municipal de Goián vai acoller o venres día 22 de setembro, ás 20:30 horas, a presentación e proxección de pezas documentais do libro interactivo ‘O Miño sereno’, de Lucía Laín. 

 Contarase coa participación de Sandra González, alcaldesa de Tomiño; Rui Teixeira, presidente da Câmara Municipal de Vila Nova de Cerveira; e Lucía Laín, documentalista, guionista e comisaria de exposicións.

 Trátase dun acto para todos os públicos, con entrada de balde.

 Tratando de facer realidade o soño de Unamuno, o proxecto responde ao desexo de seguir o curso do río Miño, navegando polas súas páxinas dun xeito interactivo. Un diálogo enriquecedor entre as primeiras fotografías que se tomaron arredor do leito do río e os versos e reflexións que sobre el se depositaron.  

TUI

Visitas guiadas, xornada de debuxo, e concerto de Marta Quintana 

Esta fin de semana na programación de ‘Setembro Xudeu en Tui’   

Amais catorce establecementos tudense participan nas “Xornadas gastronómicas sefardís: o bacallau”

Porta da memoria, no concello de Tui

Foto: C.T.

Infogauda / Tui

 Tui vivirá esta fin de semana unha ampla actividade dentro do programa “Setembro Xudeu en Tui” organizado polo Concello de Tui para pór en valor  o amplo legado patrimonial das comunidades xudías e criptoxudías na cidade.  

 A concelleira de Turismo e Patrimonio, Ana Núñez Álvarez, convida a acudir esta fin de semana a Tui para gozar do amplo e diversificado programa de actividades previsto para coñecer o patrimonio xudeu e para gozar do conxunto histórico tudense, o segundo en superficie de Galicia e que atesoura un amplo acervo patrimonial.  

 Así mañá sábado 90 debuxantes chegados de toda Galicia e do Norte de Portugal participarán na xornada de debuxo sobre o Tui xudeu organizada polos colectivos Urban Sketchers de Galicia e o Norte de Portugal. Ás 10 h presentaranse os grupos participantes na porta da Casa do Concello, para realizar a continuación, de forma opcional, unha visita guiada polo patrimonio xudeu, que dará paso xa ao tempo de debuxo da xudería por parte dos participantes. Ás 13.30 h tomarán unha foto na praza de San Fernando, e tras atoparse de novo ás 16.30 h na Oficina de Turismo debuxarán o conxunto histórico. O encontro rematará ás 18.30 h coa foto final do grupo diante da Oficina de Turismo.  

 Amais mañá sábado, ás 12.30 h, terá lugar unha  visita guiada pola Ruta Xudía de Tui a cargo de Sara Quintana, historiadora da arte e guía oficial. A asistencia é libre e comezará diante da Oficina de Turismo de Tui no Paseo da Corredoira.  

 O domingo as actividades comezarán ás 11.30 h na Oficina de Turismo, cunha nova visita ao patrimonio ligado as comunidades xudías e de “cristiáns novos” de Tui titulada “Ourives xudeus e criptoxudeus tudenses” a cargo de José Ramón Fernández Fernández, historiador da arte.  

 Pola tarde, ás 20 h, na igrexa de San Domingos terá lugar un concerto a cargo da arpista Marta Quintana, que interpretará diversas pezas do seu repertorio así como música sefardí. Marta Quintana posúe unha ampla traxectoria musical, formada no Conservatorio de Música Tradicional da Escola de Artes e Oficios de Vigo, na aula de Arpa dirixida por Rodrigo Romaní. Estudou no Conservatorio Histórico de Santiago de Compostela. Fundou o dúo Sete Saias co que realizou un traballo discográfico (2006) considerado unha das mellores iniciativas musicais dese ano. Como arpista e cantante compartiu escenario con Budiño, Mercedes Peón, tocando para o Xacobeo, no Festival Intercéltico de Lorient (Francia) representando a Galicia (2009). No ano 2011 autoedita e produce "Amable" e representa a España no Festival Mundial de Arpa de Paraguai, continúa tocando en numerosos escenarios. No 2014 produce e edita “Lus” baseado en textos do poeta Díaz Castro. Na actualidade é directora do Colexio Rural Agrupado “Mestra Clara Torres” de Tui.  

 Dentro da programación “Setembro Xudeu en Tui” continúa a ampla oferta gastronómica  centrada no Menú Sefardí que o Parador de Tui ofrece ao longo ao longo de todo o mes de setembro conformado por Cebola rechea de cabaza especiada, pistachos e melaza de granada, “Albondiguillos” de pescado con salsa de limón  e “Ginestada”.  

 Amais catorce establecementos tudense participan nas “Xornadas gastronómicas sefardís: o bacallau”.  

Restaurante “O novo Cabalo Furado”: Taquiños de bacallau en tempura con cebola caramelizada e lombo de bacallau á prancha ou á galega. 

Restaurante e cafetería “Puro sabor”: empanadilla de bacallau Restaurante “Casa Pote”: Bacallau ao forno sobre pataca panadeira, pementos e cebola. 

Tapería “O Albergue”: tosta de grelos e bacallau e croquetas de bacallau e pementos “piquillo” “Emma Tapas & Brunch”: Bacallau con xudías brancas e salsa romesco. 

Restaurante “Monte Aloia”: empanada de bacallau e bacallau ao forno e á brasa. 

Restaurante “O vello Cabalo Furado”: Bacallau asado, arroz con bacallau e boliños de bacallau. 

Restaurante “El Molino”. 

Albergue “Ideas Peregrinas”. 

Mesón “Tapas e viños”. 

Restaurante “Jacqueyvi”. 

Taperia “Santiamén”. 

Restaurante taperia “Época”.

Restaurante “Cruceiro do Monte”. 

 Por outra parte cómpre lembrar que na Praza do Concello está instalado durante todo o mes de setembro un  espazo para facerse fotos, de gran tamaño, denominado ‘Porta da Memoria’ convidando facerse unha fotografía, subila a instagram e etiquetala como #memoria #redjuderias ou enviala a descubridores@redjuderias.org para entrar en diversos sorteos de agasallos entre os participantes.  

 Por último, recordar que o Concello de Tui dispón dunha visita autoguiada á ruta xudía de Tui que se pode descargar nesta ligazón: https://rutajudia.turismotui.mobi

TUI

Presentación do Concurso Nacional de Saltos 

Que se celebrará en Tui, do 22 ao 24 de setembro

Infogauda / Tui

 O próximo luns, 18 de setembro, ás 12:30 h, no salón de plenos do Concello de Tui, terá lugar a presentación do Concurso Nacional de Saltos, evento organizado polo Club Hípico Equigalia, en colaboración coa Secretaría Xeral para o Deporte da Xunta de Galicia e o Concello de Tui. Esta proba deportiva celebrarase do venres día 22 ao domingo día 24 de setembro, nas instalacións deportivas de Equigalia, sitas en Marco de Friande (Tui).  

 Participarán na presentación o alcalde de Tui, Enrique Cabaleiro González; o delegado de Deportes da Xunta de Galicia en Pontevedra, Daniel Benavides; a presidenta do Club Hípico Equigalia, Elvira Crespo Conde; a directora do Concurso, Paula López Crespo; a secretaria do Club Hípico Equigalia, Natalia Blanco Díaz; e o vicepresidente da Federación Hípica Galega, Gonzalo Autran Castel.

TOMIÑO

Tomiño levanta o pano do novo curso na súa Escola de Teatro  

As clases comezarán o 3 de outubro. As persoas interesadas poden facer xa a súa inscrición a través da web do Concello  

Foto: C.T.

Infogauda / Tomiño

 Tomiño levanta un ano máis o pano da súa Escola Municipal de Teatro con novas clases para achegar á veciñanza ao mundo da interpretación. O curso arrancará o vindeiro martes 3 de outubro para todos os grupos dispoñibles esta tempada, que recolle dende a cativada ata a mocidade.  

 Con esta actividade o Concello busca “introducir no mundo teatral ás persoas participantes ao tempo que se estimula a imaxinación e a capacidade creativa, fomentando o traballo en equipo e mellorando os recursos expresivos e habilidades comunicativas”, como explica a concelleira de Cultura, Ana Isabel Fernández.    

 Impartida por Migallas Teatro, a formación será eminentemente práctica con clases nas que se estudarán e traballarán aspectos básicos da creación escénica como a expresión dramática, a improvisación, a expresión oral, o movemento expresivo, o ritmo e a creación de personaxe. O alumnado aplicará todas as técnicas aprendidas nas aulas nas pezas teatrais que representarán ao final de curso en xuño. 

 As clases serán todos os martes pola tarde en diferentes horarios dependendo dos grupos de idade. O grupo de 4 a 8 anos, que xa está completo, terá clase de 17.30 a 18.45 horas, mentres que o de rapazas e rapaces de 8 a 12 anos será de 16.00 a 17.15 horas. Os tomiñeses e tomiñesas maiores de 13 anos terán a súa cita co teatro de 19.00 a 20.30 h.  

 As persoas interesadas en participar poden facer xa a súa inscrición nos grupos de 8 a 12 e de máis de 13 anos da Escola de Teatro a través da web do Concello.  

TOMIÑO

Tomiño rehabilita o Muíño do Ferreiro, na parroquia de Forcadela  

O Concello continúa co seu labor de recuperación do patrimonio etnográfico e arquitectónico do municipio  

A renovación contou cunha subvención de case 14.000 euros da Deputación de Pontevedra 

 

Muíño do Ferreiro, na parroquia de Forcadela

Foto: C.T.

Infogauda / Tomiño

 Tomiño dá novos pasos para a recuperación do patrimonio etnográfico e arquitectónico do municipio. Nos últimos meses, o Concello procedeu á rehabilitación e arranxo do Muíño do Ferreiro, na parroquia de Forcadela, co obxectivo de protexer o seu valor patrimonial e recuperar na medida do posible o seu aspecto orixinal.  

 Esta obra de recuperación do patrimonio supuxo un investimento de máis de 21.300 euros, dos que 13.819,58 euros foron financiados ao abeiro dunha subvención da Deputación de Pontevedra para a rehabilitación e sinalización do patrimonio histórico-cultural e a supresión da simboloxía franquista nos espazos públicos.  

 O Concello agradece a colaboración da Comunidade de Montes de Forcadela, que cedeu o edificio para a súa rehabilitación. Para acadar esta renovación do espazo procedeuse á demolición da cuberta, que se atopaba en mal estado, así como á colocación de madeira e tellas novas no teito, a limpeza de axentes ambientais e terras acumuladas no inferno e no cubo do muíño. Substituíronse ademais a porta e xanela de madeira anteriores, que presentaban unhas condicións deficientes. 

 Deste xeito, Tomiño avanza na recuperación e dignificación do seu patrimonio. Unha aposta do Goberno local que é de vital importancia “para conservar e poñer en valor o noso patrimonio, difundilo e perpetuar a identidade do noso municipio a través da historia”, como sinala a alcaldesa, Sandra González. 

 Nesta mesma liña de actuación, a Concellería de Cultura e Patrimonio dirixida por Ana Isabel Fernández levou a cabo a rehabilitación do Lavadoiro do Ramo, tamén na parroquia de Forcadela, así como o inventariado e documentación do patrimonio de carácter etnográfico ligado á arquitectura tradicional e relixiosa, coa sinalización das igrexas e capelas románicas do concello.  

VIGO

O Museo do Mar de Galicia acollerá durante os próximos meses a exposición en homenaxe a Fernández del Riego  

O secretario xeral de Política Lingüística e a delegada territorial da Xunta en Vigo participan na apertura da mostra enmarcada na programación

Francisco Fernández del Riego

Fonte: : RAG. Colección Castro-París

Infogauda / Vigo

 O secretario xeral de Política Lingüística, Valentín García, e a delegada territorial da Xunta en Vigo, Ana Ortiz, participaron hoxe na inauguración da exposición Francisco Fernández del Riego. Cos ollos do seu espírito, impulsada pola Xunta de Galicia e producida por Editorial Galaxia coa colaboración da Fundación Penzol e a Real Academia Galega para dar a coñecer a figura do homenaxeado nas Letras Galegas 2023.

 Os representantes do Goberno galego quixeron deixar constancia de que as Letras Galegas non son exclusivas dun único día, “senón que durante todo este ano celebramos a lingua galega e a don Paco, que tanto fixo por ela, agora desde Vigo, desde onde axudou a crear a Editorial Galaxia e a Fundación Penzol, da que tamén se conmemora o 60 aniversario”.

 No acto celebrado no Museo do Mar de Galicia, que acollerá a exposición durante os próximos meses, tamén participaron, Marta Lucio, directora do dito Museo; Malós Cabrera e Malores Villanueva, co-comisarias da mostra; Manuel Puga, vicepresidente primeiro de Editorial Galaxia e presidente da Fundación Penzol; Xesús Alonso Montero, académico da Real Academia Galega, familiares de Fernández del Riego e representantes institucionais.

 Esta exposición enmárcase na programación de máis dun centenar de accións que o Goberno galego, a Real Academia Galega, o Consello da Cultura Galega e a CRTVG, en colaboración con numerosas empresas, entidades, administracións locais e editoriais, impulsan para celebrar durante todo o ano o 60 aniversario das Letras Galegas e homenaxear a Francisco Fernández del Riego.

Repaso pola vida e obra do autor

 Francisco Fernández del Riego. Cos ollos do seu espírito repasa a traxectoria vital e profesional do autor homenaxeado, permitíndolle ao visitante asistir a un percorrido rigoroso e ameno para comprender quen foi, que legado nos deixou e o que implica a súa figura no proceso de consolidación do galego e da súa cultura nos tempos recentes.

 A mostra, comisariada por Malós Cabrera e Malores Villanueva, consta de 14 paneis informativos e didácticos e mesas-vitrina con material gráfico e documental pertencente a Del Riego. Tras o seu paso por Lourenzá, onde se inaugurou o pasado 10 de maio, permanecerá os próximos meses en Vigo para pechar a súa itinerancia a finais de ano en Santiago de Compostela.

GALICIA

26 concellos galegos fanse co ouro no marco do programa Praias Sen Fume da Xunta de Galicia

Cabanas e Oleiros súmanse por primeira vez a esta categoría, tras declarar todos os seus areais libres de fume

Na provincia de Pontevedra, os concellos que acadan este galardón son, A Guarda, Baiona, Cerdedo-Cotobade, Ponteareas, Ponte Caldelas, Redondela, Sanxenxo, Tui e Vilaboa

O conselleiro de Sanidade, no acto celebrado en Ponteceso, que contou coa presenza da directora xeral de Saúde Pública, Carmen Durán Parrondo, e do alcalde deste concello, José Manuel Mato Martínez, así como as/os representantes dos concellos premiados

Foto: X.G.

Infogauda / Ponteceso (A Coruña)

 Un total de 26 concellos galegos fanse co diploma de ouro no marco do Programa Praias sen Fume da Xunta de Galicia, que leva a cabo a Dirección Xeral de Saúde Pública da Consellería de Sanidade. Así o destacou o conselleiro de Sanidade, nun acto que tivo lugar no concello de Ponteceso, e que contou coa presenza da directora xeral de Saúde Pública, Carmen Durán Parrondo, e do alcalde deste concello, José Manuel Mato Martínez.

 O conselleiro remarcou o compromiso dos concellos que se fixeron co ouro ao incluír todas as súas praias na Rede. Este ano súmanse a esta categoría, Cabanas e Oleiros.

 Os 26 concellos recoñecidos con esta distinción son, na provincia da Coruña, Bergondo, Boiro, Cabana de Bergantiños, Cabanas, Cedeira, Corcubión, Dumbría, Laxe, Mañón, Noia, Oleiros, Ponteceso, Pontedeume, Rianxo e Valdoviño. Na provincia de Lugo, Cervo e Barreiros. Pola súa banda, na provincia de Pontevedra, os concellos que acadan este galardón son, A Guarda, Baiona, Cerdedo-Cotobade, Ponteareas, Ponte Caldelas, Redondela, Sanxenxo, Tui e Vilaboa.

 Esta iniciativa botou andar no 2016 cun fin educativo e de sensibilización social. Comezouse con 26 praias, -dixo o conselleiro-, “e a día de hoxe xa son 224 os areais galegos libres de fume, e isto é posible grazas á colaboración dos 80 concellos que participan activamente no programa, e que son exemplo do que se pode acadar cando unha comunidade se fixa un obxectivo común”.

 O titular da carteira sanitaria puxo en valor que Galicia sexa un referente en temas de saúde, “servindo de modelo a outras comunidades, que xa valoran o carácter atractivo e innovador desta iniciativa”.

 Tamén subliñou Comesaña o compromiso da Xunta de seguir ampliando os espazos libres de fume. Así, “xa está activa a Rede Galega de Parques sen Fume e, en maio, deste ano presentamos o Plan Inspira Saúde”, no marco do que o Goberno galego decretou o 31 de outubro como Día Galego Sen Tabaco e fixou a creación dunha Rede Cidadá Inspira Saúde.

 Para rematar a súa intervención, Comesaña dixo que “a promoción de espazos libres de tabaco é unha chamada á acción para salvagardar a saúde e o benestar da cidadanía galega”.

PONTEVEDRA

O PLENO DA DEPUTACIÓN DE PONTEVEDRA APROBOU 3,7 MILLÓNS DE EUROS PARA INVESTIMENTOS EN CONCELLOS E OBRAS DE SEGURIDADE VIARIA NAS ESTRADAS DA PROVINCIA 

O pleno da Deputación aprobou unha modificación de crédito por valor de 1,3 millóns de euros para investimentos, a prórroga para obras de cunetas de seguridade en estradas por 2 millóns de euros e desbloquea proxectos paralizados en Baiona e Vilanova por 350.000 euros

O pleno da Deputación de Pontevedra aprobou este venres a mobilización de 3,7 millóns de euros para a execución diferentes obras na provincia

Fotos: D.PO.

Infogauda / Pontevedra

 O pleno da Deputación de Pontevedra aprobou este venres a mobilización de 3,7 millóns de euros para a execución diferentes obras na provincia. O executivo provincial deu luz verde a unha modificación de crédito por valor de 1,3 millóns de euros para investir na mellora de dotacións e equipamentos de infraestruturas do territorio, así como dunha prórroga por valor de 2 millóns de euros do acordo marco para obras de cunetas de seguridade na rede viaria da Deputación.  

 A sesión serviu tamén para certificar o cambio de titularidade de varias estradas provinciais en Tui, A Illa de Arousa, Marín e Valga que agora pasan a ser de titularidade municipal, así como a modificación de proxectos para executar diversas actuacións en Covelo, Lalín, Mondariz, Pontecesures, Sanxenxo ou Vila de Cruces financiados con recursos do programa provincial ReacPon.  

 Así mesmo, o presidente Luis López deu conta do período medio de pago da Deputación de Pontevedra a provedores que foi no mes de xuño de 7,36 días e en xullo, de 8,8 días. Unha cifra significativamente menor dos 37 días de media que arroxan o resto de entidades locais do Estado.  

 Do mesmo xeito, o pleno informou da resolución presidencial para o desbloqueo de 350.000 euros que se destinarán a mellorar a seguridade viaria das estradas EP-9702 entre As Sinas e Vilanova de Arousa e a mellora urbana da EP-2202 entre Baiona e Loureza.  

 No concello arousano mobilízanse 220.000 euros para reparar o firme dun tramo de 800 metros da devandita estrada. Mentres que o municipio do Val Miñor recibirá 130.000 euros para actuar nunha pasarela de madeira deteriorada que se mellorará cun novo muro de contención e unha nova beirarrúa para fomentar a mobilidade peonil.  

 O primeiro punto da orde do día foi o relativo á modificación de crédito, que saíu adiante cos votos favorables dos deputados do PP e o BNG e abstención do PSOE. Dun total de 1,3 millóns, 490.000 corresponden a créditos extraordinarios, mentres que os 811.000 restantes fináncianse con remanentes líquidos de tesourería.  

 “A tramitación deste expediente está motivada pola necesidade de realizar gastos que non poden demorarse ata o exercicio seguinte por non existir consignación suficiente no estado de gastos do orzamento corrente”, explicou o voceiro do goberno provincial, Jorge Cubela.  

 O seguinte punto da orde do día consistiu na aprobación da primeira prórroga do acordo marco que regula as obras de cunetas de seguridade na rede viaria da Deputación. Unha prórroga por valor de 2 millóns de euros dividida en tres zonas: norte (665.125 euros), centro (738.228 euros) e sur (595.975 euros).  

 Igualmente aprobado por maioría saíron os puntos da orde do día referidos á modificación de proxectos adscritos ao programa provincial ReacPon para os concellos de Covelo, Lalín, Mondariz, Pontecesures, Sanxenxo e Vila de Cruces. 

 “Son modificación dos proxectos técnicos das obras, incluídas no marco do Programa ReacPon, que non alteran nin a finalidade nin o obxecto para o que se outorgou a axuda económica da Deputación”, xustificou o voceiro Jorge Cubela o motivo da inclusión destes asuntos no debate da sesión.  

 Pola contra, o pleno acordou tamén por maioría desestimar os recursos dos Concellos do Rosal e Soutomaior para sumarse ao Programa Pon 2030 porque non acadaban 50 % da puntuación requirida. Tampouco prosperou o recurso de Vilanova de Arousa porque o seo proxecto non se acollía ao obxecto subvencionable.  

 O debate plenario rematou co rexeitamento da moción presentada polo grupo socialista pola que esixían a destitución de Rafael Louzán como presidente da Real Federación Galega de Fútbol polo comportamento de Luis Rubiales coa futbolista Jennifer Hermoso.

ARCOS DE VALDEVEZ

Câmara Municipal apoia as famílias no arranque do novo ano escolar  

O Município continua a investir uma grande fatia do seu orçamento na área da educação

Foto: C.M. A. de V.

María Joâo Brito / Arcos de Valdevez 

 O Município de Arcos de Valdevez vê a Educação como prioritária, um direito fundamental e um pilar essencial para o desenvolvimento social, cultural e económico da sociedade. 

 O Município continua a investir uma grande fatia do seu orçamento na área da educação, tendo terminado recentemente diversas intervenções nos equipamentos escolares com um investimento global de cerca de 1,2 M€, a que se juntam os cerca de 6 milhões de euros em obras nos últimos anos. 

 Há investimentos que continuam a ser concretizados ao nível dos edifícios, das instalações e dos equipamentos, e a estes, juntam-se diversas iniciativas do Município para apoiar os alunos e famílias neste regresso às aulas e no decurso do ano letivo. 

 A Câmara Municipal manteve o apoio financeiro de 54 mil euros aos cadernos de atividades dos 1312 alunos do 1º ao 9º ano de escolaridade do concelho, com a renovação do protocolo de colaboração com o Agrupamento de Escolas de Valdevez, a Associação de Pais e Encarregados de Educação do Agrupamento de Escolas de Valdevez e quatro livrarias do concelho para o ano letivo 2023/2024. 

 Assim, a Câmara Municipal, atribuiu para este ano letivo, cadernos de atividades de forma gratuita a todos os alunos com escalão A e B, e com a comparticipação em 50% para os restantes. 

 Os transportes escolares são gratuitos para todos os alunos desde o pré-escolar ao ensino secundário. Toda a rede de transportes escolares tem um investimento de cerca de 750 mil euros e transporta diariamente cerca de 1000 alunos. 

 Ao nível das refeições escolares o Municipio irá realizar um investimento da ordem dos 650 mil euros para garantir alimentação adequada e de qualidade a todos os alunos do Agrupamento de Escolas de Valdevez. 

 Para os alunos do 1º Ciclo, a autarquia disponibiliza as AEC´s - Atividades de Enriquecimento Curricular, atividades realizadas em parceria com o Ministério da Educação e Tecnologia, investindo cerca de 82 mil euros nas áreas de Inglês, Desporto, Música, Pilates e Yoga e Sons e Tons. De igual modo desenvolve atividades de Acompanhamento e Apoio à Família nos Jardins-de-infância da rede pública municipal, nomeadamente de Animação do Livro e da Leitura, Atividades de Expressão Plástica, Atividades Desportivas, Atividades de Expressão Musical e yoga. 

 Para a autarquia a aposta na Educação é estratégica para o Futuro, tratando-se de um pilar fundamental para o desenvolvimento e a competitividade do concelho. Por isso, esforça-se e empenha-se em ter uma oferta educativa de qualidade, não apenas através dos modelos de ensino/aprendizagem, mas também em relação aos equipamentos escolares, dotando-os das condições físicas necessárias para o conforto e o máximo desempenho dos alunos, em particular.