A GUARDA

ASÍ ESTÁ - A DÍA DE HOXE - A FOSA COMÚN DE SESTÁS

As imaxes - tiradas este luns, 28 de xullo de 2025 - reflicten o estado no que se atopa a fosa común de Sestás

Fotos: infogauda

Infogauda / A Guarda

 

 Nunha época na que a vila de A Guarda é visitada por centenares de persoas de diversas procedencias, entre elas, tamén dos lugares de onde eran naturais, os seres humanos que foron asasinados a carón das tapias do cemiterio de A Guarda, por individuos vencellados ao franquismo; o espazo coñecido como Fosa Común de Sestás, ao carón do cemiterio parroquial - que vén sendo un lugar a onde ao longo de todo o ano acoden familiares das vítimas da represión golpista -, non ofrece, a día de hoxe, o seu mellor estado de presentación. E iso, a pesares de estarmos en pleno estío e con temperaturas sensiblemente máis altas das que en anos precedentes viñan sendo habituais na nosa contorna. Dese xeito non estamos referíndonos a herbas que medraron dun día para outro.

 Por iso, suxerimos que por parte de quen corresponda, se proceda en consecuencia, en pro dunha mellor presentación dese lugar de respecto.