TUI

O BNG-AA LEVA ADIANTE UNHA RECOLLIDA DE SINATURAS PARA QUE O NOVO CENTRO DE SAÚDE LEVE O NOME "DOUTOR ALEJO DIZ JURADO"

BNG-AA / Tui

 O doutor Alejo Diz Jurado foi un destacado médico de cabeceira. A súa laboura profesional levouna a cabo en Tui onde tamén mantivo unha comprometida actividade política chegando a ser  alcalde entre 1918 até 1922.  

 Nos anos trinta, un proxecto nacional levouno a Dinamarca para realizar unha investigación sobre o seguro de enfermidade que posteriormente defendeu xerando un amplo debate na clase  médica. 

 Fundou e dirixiu o  semanario político satírico La Tetera, no que asinaba co pseudónimo Criticón B.   

 Logo da sublevación do 18 de xullo de 1936 foi detido. Xulgado o 13 de outubro  en Vigo, en consello de guerra por rebelión militar, foi condenado a pena de morte. Fusilárono o 30 do mesmo mes, xunto á Alameda de Tui con Darío Álvarez Limeses.  

 Así pois, desde o BNG-AA  estamos a levar adiante unha recollida de sinaturas para que o novo centro de saúde de Tui leve o nome do doutor Alejo Diz Jurado, coñecido popularmente como  o médico dos pobres. Polo que facemos un chamamento a todas as veciñas e veciños que concordan con esta proposta a participar asinando  a petición que as nosas compañeiras están a levar polas rúas de Tui, comezando este sábado e domingo na praza da Inmaculada, máis información en bngtui@bng-galiza.org

A GUARDA

O CLUB CICLISTA GUARDÉS ORGANIZA UNHA SAÍDA DE CICLOTURISMO POLO BAIXO MIÑO E VAL MIÑOR

O domingo día 23 de abril, ás 9:00 h., desde á Alameda

A GUARDA

CONVERXENCIA GALEGA DENUNCIA Á DEGRADACIÓN DO ENTORNO DO CENTRO CULTURAL

Celso R. Fariñas: “Dende CONVERXENCIA GALEGA vimos a reclamar unha intervención urxente e inmediata por parte do Concello, a fin de adecentar este espazo que é fiel reflexo da deixadez e abandono ao que está condeado o noso pobo”

Así se atopa o Monumento a Manuel Díaz González “Ligero”

Infogauda / A Guarda

 Adxunto unha reportaxe fotográfica, Celso R. Fariñas, concelleiro de Converxencia Galega, ven de facer pública súa valoración sobor do estado no que se atopa o entorno do Centro Cultural, en plena centro da vila de A Guarda, e faino do seguinte xeito:

DESTROZOS NO CENTRO CULTURAL

  

Un banco de pedra co respaldo esnaquizado

O pasado 14 de abril, recibimos distintas imáxenes das condicións en que se atopaban as instalacións do Centro Cultural, donde a degradación dese lugar se reflexa e aumenta dando vergonza escoitar os comentarios das persoas que nos visitan e acuden a ese lugar por diversos motivos, sociais, culturais ou de xogo “infantil”, a desfeita é integral.

Os xardíns de Manuel Díaz González “Ligero” adoecen de calquer ornato que poida facer referencias a idea orixinal, e o mantemento e limpeza deste espazo fai tempo que foi abandoado polas nosas autoridades municipais.

Deficiencias no equipamento de alumeado público

O alumeado, fai tempo que si prende unha, hai tres non fundidas senon “desaparecidas” e sin ser repostas dende tempo inmemorial, cableado cortado e pendurado por calquer lado, a carencia de tapas de seguridade se convirten en trampas perigosas para quen se atreve a pasear polo lugar, bancos rotos que xa non importan e amosan as nosas miserias, e pola outra banda, os arredores do busto de “Ligero” non só xa non recorda cando foi lavado a última vez, senon que o sistema de bombeo,…¿Quén sabe del…? Xa poucos do lugar teñen memoria de ollalo funcionando.

As pintadas no inmoble dan unha penosa imaxe 

As pintadas no edificio e manchas de todo tipo, son a tarxeta de visita das persoas que nos visitan en vacacións, pero tamén para todos aqueles que asisten a estas instalación para acudir a actos culturais, informativos ou as vodas que alí se celebran.

Dende CONVERXENCIA GALEGA vimos a reclamar unha intervención urxente e inmediata por parte do Concello, a fin de adecentar este espazo que é fiel reflexo da deixadez e abandono ao que está condeado o noso pobo. 

A Guarda, a 19  de abril  do 2.017 

Celso R. Fariñas

Concelleiro de CONVERXENCIA GALEGA                                                                                                                   

BAIXO MIÑO

Tomiño, A Guarda, O Rosal e Tui, entre os concellos de especial vixiancia na prevención da gripe aviar  

 Infogauda / Baixo Miño

 Os concellos do Baixo Miño, A Guarda, O Rosal, Tomiño e Tui, comezarán a recibir notificacións da Consellería do Medio Rural onde se lles insta a colaborar coa elaboración do censo dos galiñeiros ou aves de curral domésticas no seu respectivo municipio.  

 O departamento de Medio Rural da Xunta, cumpre así coa orde dada polo Ministerio de Agricultura hai un mes pola que se obriga a este rexistro como medida de prevención no caso de que se producise un foco de gripe aviaria na zona e para dispor así dos datos sobre o número de animais, a súa saúde e características.  

 O Goberno central toma precaucións e reactiva unha orde publicada no BOE en 2006 pola que se establecen “medidas específicas de protección en relación coa influenza arranxar” tras a eliminación de miles de aves en Francia, Cataluña e Castela e León.  

 Así, os Concellos de O Baixo Miño, A Guarda, O Rosal, Tomiño e Tui atópanse na zona de especial vixilancia. En todos estes Concellos instarase aos veciños e veciñas con aves de curral a cubrir un formulario no que deberán identificarse o propietario e a súa dirección, o número de aves e especies ás que pertencen. Tamén terán que mostrar o sistema de cría, especificando se é pechado, aberto ou mixto.  

 O rexistro de galiñeiros, tal e como explica a Consellería do Medio Rural, non é necesario se son de carácter familiar, non comercial, xa que tan só cénsanse periodicamente as explotacións industriais incluídas no Reaga (Rexistro de Explotacións Agrarias de Galicia).  

 Desde a Consellería de Medio Rural apuntan que “o máis importante para loitar contra esta enfermidade é a vixilancia pasiva, é dicir, a observación das aves para a detección, o máis precoz posible, da existencia de síntomas que poidan indicar a presenza da enfermidade”. 

 En toda a comunidade galega son 30 os municipios que ven afectados por estas medidas e terán que censar os seus galiñeiros. Os Concellos do Val Miñor non se vén afectados. 

GOIÁN (TOMIÑO)

Avento Producións chega o sábado a Tomiño coa obra “Como sobrevivir a unha apocalipse zombi”  

A actuación está dentro da programación cultural de primavera do Concello de Tomiño,  e terá lugar no auditorio de Goián, o sábado 22 de abril, ás 22.00 horas     

Infogauda / Goián

 Avento Producións Teatrais chega o vindeiro sábado a Tomiño (Auditorio de Goián) co espectáculo “Como sobrevivir a unha apocalipse zombi”, unha obra en ton de comedia, que se desenvolve a modo de máster class. Con moita participación do público, ensináselle ao público, a sobrevivir ante a proximidade dun apocalipse zombi.     

 Avento Produccións, unha das tres compañías viguesas que colaboraron na produción, baixo a dirección de Manuel Pombal, trae este espectáculo, cos seus actores Marcos Alonso e Xoán Abreu, acompañados ademais por Bea Campos, de Triatreros, e Suso Pando, de Fulano, Mengano e Citano.     

 Trátase dunha obra interactiva, na que os actores precisan da participación do público. Así, dividen o aforamento en dous grupos. Os espectadores deciden que nome reciben e despois loitan entre si. É un xogo no que os actores van facendo preguntas e probas, repartindo un programa de sala no que se realizan as puntuacións que o propio público se outorga.     

 Como sobrevivir a unha apocalipse zombi é unha versión do aclamado éxito británico “How to Survive a Zombie Apocalypse”. A produción galega é a primeira montaxe do texto que se fai na Península.  

 A actuación está dentro da programación cultural de primavera do Concello de Tomiño. A función terá lugar no auditorio de Goián, o vindeiro sábado 22 de abril, a partir das 22.00 horas, podéndose adquirir as entradas dende unha hora antes en taquilla.   

CAMINHA

CÂMARA MUNICIPAL VAI ASSINALAR OS 43 ANOS DE ABRIL COM VÁRIAS INICIATIVAS

Comemorações do 25 de Abril arrancam sábado

Infogauda / Caminha

 Este ano comemoram-se os 43 anos da democracia em Portugal. O concelho de Caminha vai assinalar a efeméride com a exposição ‘Viver Abril’, o hastear da Bandeira Nacional nas duas vilas do concelho, a cerimónia protocolar do 25 de Abril da Assembleia Municipal e o concerto “A Festa da Vida”, com Carlos Mendes.   

 As comemorações dos 43 anos de Abril começam no sábado, dia 23 de abril, com a abertura da exposição coletiva de fotografia sobre o 25 de Abril e a Liberdade ‘Viver Abril’. A mostra estará patente na Galeria de Arte Caminhense até 19 de maio.  

 As comemorações prosseguem no dia 25, em Caminha e Vila Praia de Âncora. Pelas 09H30, na Praça Conselheiro Silva Torres, em Caminha, terá lugar o hastear solene da Bandeira Nacional, com Guarda de Honra dos Bombeiros Voluntários de Caminha e Banda Musical Lanhelense. A cerimónia prossegue em Vila Praia de Âncora. Pelas 10H30, na Praça da República, vai decorrer o hastear solene da Bandeira Nacional, com Guarda de Honra dos Bombeiros Voluntários de Vila Praia de Âncora, Banda Musical Lanhelense e Orfeão de Vila Praia de Âncora. Pelas 11H00, o renovado Cineteatro dos Bombeiros Voluntários de Vila Praia de Âncora vai acolher a Cerimónia Protocolar da Assembleia Municipal – 43º Aniversário do 25 de Abril, que conta com a participação do Orfeão de Vila Praia de Âncora.  

 O dia termina com o concerto ‘A Festa da Vida’ com Carlos Mendes em quarteto, pelas 22H00, no Valadares, Teatro Municipal de Caminha. Os bilhetes têm o preço de €7,50 e podem ser adquiridos nos Postos de Turismo de Caminha e de Vila Praia de Âncora e no próprio dia no Valadares, Teatro Municipal de Caminha.   

 Carlos Mendes vai apresentar no Valadares “um espetáculo intimista para comemoração dos seus 50 anos de carreira. A solo, ao piano, Carlos Mendes convida-nos à partilha sincera de uma vida cheia de histórias, de risos e celebrações que marcaram, inevitavelmente, a história da música popular portuguesa. A ‘Festa da Vida’ é um espetáculo diferente do habitual, mais próximo do público, onde se canta e se conta, onde se ouvem risos e libertam emoções; onde se brinca com o passado e se sonha com o futuro. Uma voz. Um piano. Juntos, no grande palco da vida, da alegria e dos afetos”. 

CAMINHA

CAMINHA ENTRE OS CONCELHOS DO PAÍS COM MAIOR RECUPERAÇÃO DE PREÇOS NO IMOBILIÁRIO

No Norte além do nosso concelho, só Porto e Braga figuram na short-list das melhores performances

Infogauda / Caminha

 Caminha é o 17º concelho português (entre 308) que regista uma maior recuperação de preços no imobiliário, depois da profunda crise que atingiu o país. O semanário Expresso publicou recentemente uma short-list de 18 municípios. Nas melhores performances de saída da crise económica e imobiliária, Caminha é o único concelho do distrito a integrar esta seleção, que o jornal baseia num estudo do Confidencial Imobiliário, que reuniu informação das 400 mediadoras imobiliárias de todo o país.   

 De acordo com o estudo do Confidencial Imobiliário, divulgado pelo jornal Expresso, o concelho de Caminha surge na 17ª posição a nível nacional, com uma recuperação de 15%, com o preço por metro quadrado de 868 euros. Nesta short-list, o Norte apenas surge representado, além de Caminha, pelos concelhos do Porto e de Braga.   

 Com melhores resultados nacionais estão, respetivamente, Lisboa, Faro, Olhão, Cascais, Loulé, Oeiras; Lagoa, Silves, Albufeira, Portimão, Lagos, Tavira, Porto, Braga, Vila Real de Santo António, Vila do Bispo, Caminha e Odivelas.   

 Este estudo foi realizado, como referimos, a partir da informação cedida ao semanário Expresso por quatro centenas de empresas mediadoras imobiliárias de todo o país. A partir do preço mínimo que foi atingido nos vários municípios (no 2º semestre de 2013 e no 1º semestre de 2014) a recuperação em 2016 verifica-se sobretudo nos grandes centros -  de Lisboa e do Porto – assim como no Algarve. Caminha foge à regra, pela positiva, com uma recuperação extraordinária, com um destacado lugar entre os concelhos do país com maior recuperação de preços no imobiliário.

ARBO

A exposición ‘Cela. O eloxio do viño dun Nobel’ aborda a relación do escritor co mundo da vinicultura

Promovida por Bodegas Marqués de Vizhoja en colaboración coa Fundación Pública Camilo José Cela, a mostra reúne diversos obxectos persoais do escritor, entre eles, botellas dedicadas por figuras como Picasso, Miró ou Hemingway

Anxo Lorenzo na presentación da exposición

Infogauda / Arbo

 A exposición ‘Camilo José Cela. O eloxio do viño dun Nobel’ aborda a representación da cultura do viño na obra do escritor, ao tempo que se achega á súa figura a través do perfil de embaixador dos viños galegos e españois. Promovida por Bodegas Marqués de Vizhoja, a mostra conta co apoio da Fundación Pública Camilo José Cela, que cedeu para a ocasión diversos obxectos persoais do escritor, entre eles, varias botellas do propio Cela dedicadas por personaxes como Picasso, Miró, Celso Emilio Ferreiro, Vicente Aleixandre ou Hemingway.

 Ata o vindeiro 18 de xuño, a exposición, comisariada por Ceres Serea, poderá visitarse en Arbo, nas instalacións da Moireira de Bodegas Marqués de Vizhoja, onde tivo lugar hoxe a inauguración. Durante o acto, o secretario xeral de Cultura, Anxo Lorenzo, salientou o interese do proxecto para dar a coñecer entre a cidadanía as diversas facetas do escritor padronés, así como para a difundir a súa obra desde perspectivas diferentes.

Así mesmo, o secretario xeral agradeceu a implicación de Marqués de Vizhoja na celebración do centenario de Cela, que, segundo recordou, contou coa colaboración de numerosas institucións públicas e tamén privadas. Tamén interviron no acto de inauguración o presidente de Marqués de Vizhoja, Jorge Peláez, e o alcalde de Arbo, Horacio Gil.

“O eloxio do viño”

 A partir de “O eloxio do viño”, título empregado por Cela en varias das súas creacións dedicadas a gabar as múltiples calidades dos produtos extraídos da vide, a exposición ofrece unha análise dos distintos aspectos nos que a cultura do viño inflúe na sociedade da súa época, poñendo como exemplo vivencias do propio autor.

 Plumas estilográficas de Cela, uns anteollos do escritor e unha réplica en bronce da man dereita do premio Nobel son algunhas das pezas que conforma a exposición, unha iniciativa que se enmarca na ampla programación de actividades que ao longo de 2016, e con continuidade neste ano, se veñen realizando para conmemorar o centenario do nacemento do premio Nobel galego.

MOS

Ángeles Vázquez avalía coa alcaldesa de Mos a colaboración en materia de mellora de infraestruturas rurais neste concello

A conselleira do Medio Rural, Ángeles Vázquez, mantivo esta tarde un encontro coa alcaldesa de Mos, Nidia Arévalo

Infogauda / Mos

 A conselleira do Medio Rural, Ángeles Vázquez, mantivo esta tarde en San Caetano un encontro coa alcaldesa de Mos, Nidia Arévalo. Ambas avaliaron diferentes vías de colaboración en materia de impulso ás infraestruturas do agro neste concello pontevedrés. En particular, analizaron as necesidades de Mos en materia de mellora de camiños rurais.

 O pasado ano, este municipio recibiu axudas de Medio Rural por importe de preto de 109.000 euros para obras de acondicionamento de camiños dentro dos plans Marco e de Emerxencias.

LABORAL

A asemblea de delegados/as da CIG-Vigo chama a participar nas mobilizacións do 1º de Maio 

No encontro analizouse a situación socioeconómica do país e o papel das mulleres no mercado laboral 

Varios centos de delegados/as da CIG de Vigo participaron hoxe na asemblea

Foto: CIG

Infogauda / Vigo

 Varios centos de delegados/as da CIG de Vigo participaron hoxe na asemblea celebrada no salón de actos da parroquia do Cristo da Vitoria, en Coia, para analizar a situación socioeconómica do país e o papel das mulleres no actual mercado de traballo. No encontro abordouse tamén a próxima conmemoración do Primeiro de Maio, Día Internacional da Clase Obreira, e fíxose un chamamento a participar nas mobilizacións convocadas pola central. O encargado de abrir a asemblea foi o secretario comarcal da CIG-Vigo, Alberto Gonçalves, que lembrou que nesta ocasión a celebración do 1º de Maio estará centrada na campaña pola recuperación dos dereitos laborais e sociais roubados coa escusa da crise. “Temos que saír á rúa para facerlle frente á brutal ofensiva capitalista contra a clase traballadora que está a provocar perda de dereitos e empobrecemento porque o noso obxectivo é a conquista dunha sociedade mellor: máis xusta, democrática e igualitaria”, lembrou. 

 A continuación tomou a palabra Antolín Alcántara, secretario confederal de Negociación Colectiva da CIG, para facer un repaso sobre a actual situación socioeconómica do país e a progresiva perda de dereitos laborais e sociais. Alcántara analizou as sucesivas reformas antiobreiras aprobadas por PP e PSOE e as súas consecuencias para a clase traballadora, así como o proceso de concentración de capital que se está a agudizar nos últimos anos. “É imprescindíbel que sigamos a loitar para frear todos estes ataques”, rematou. 

 Ester Mariño, técnica de Igualdade da CIG de Vigo, foi a encargada de abordar a situación das mulleres no mercado de traballo e repasar as principais problemáticas ás que se enfrontan cando acceden a un emprego. A súa intervención centrouse na diferenza salarial entre homes e mulleres e na análise das súas principais causas. “As mulleres queremos conseguir novos dereitos e loitar pola igualdade real, pero non renunciamos a manter os dereitos xa conquistados”, dixo en alusión ao que están a facer moitas empresas coa escusa da crise: igualar as condicións laborais entre homes e mulleres pero por abaixo, rebaixando as dos homes. 

 Ao remate da asemblea tomou a palabra un representante da asociación Solidariedade Galega co Pobo Saharaui para explicar a iniciativa 'Vacacións en paz', que cada ano trae a un grupo de nenos/as ao noso país durante a época estival. Dende o colectivo fixeron un chamamento ás familias para acoller a estes menores durante dous meses para apartalos da súa dura realidade alomenos durante o verán. 

A GUARDA

A Deputación de Pontevedra impulsa o certificado de calidade SICTED entre o sector turístico de A Guarda 

Superan as 50 novas empresas que pediron a súa inclusión no selo de calidade turística dende o inicio da campaña 

Sesión informativa sobor do certificado de calidade SICTED

Foto: D.P.

Infogauda / A Guarda

 A Deputación de Pontevedra impulsa ao longo deste ano un plan de asesoramento gratuíto entre as empresas turísticas da provincia para implantar o certificado de calidade SICTED. O deputado de Turismo, Santos Héctor Rodríguez Díaz, subliñou hoxe nunha sesión informativa sobre o proxecto, que se celebrou na Casa dos Alonso, de A Guarda, que xa son máis de 50 as empresas de toda a provincia que teñen solicitado a súa inclusión no certificado de calidade turística dende que se comezou a campaña. Santos Héctor estivo acompañado na presentación polo alcalde de A Guarda, Antonio Lomba Baz; a deputada provincial e concelleira de Turismo, María Montserrat Magallanes Álvarez e por Tania Abalde da consultora que implanta o SICTED.  

 Segundo destacou Santos Héctor "queremos converter esta comarca nun referente  como destino turístico e implantar sistemas que certifiquen a calidade dos nosos establecementos e servizos turísticos suporá dar un plus de excelencia para unha localidade tan turística como A Guarda".  

 O deputado de Turismo destacou que neste intre existen 203 empresas na provincia que contan co certificado SICTED e que a previsión é que este ano se incremente a cifra ate case acadar as trescentas empresas. De feito, Santos Héctor subliñou que nestes primeiros encontros co sector a demanda dos interesados está sendo moi importante achegándose a máis de 50 empresas que solicitaron a súa inclusión no SICTED.  

 Tania Abalde, responsable da empresa consultora que vai implantar a certificación, insistiu en que a metodoloxía e os requisitos son esixidos pola Secretaría de Turismo do goberno de España, que é quen finalmente outorga a distinción.  

 Para poder optar á certificación, as empresas deben estar englobadas nalgún dos 32 oficios que identifica o SICTED, que son  praias; bares e cafeterías; axencias de viaxe; guías turísticos; seguridade cidadá; comercios; cámpings; adegas; portos deportivos; palacios de congresos; hoteis e apartamentos; turismo industrial; servizos de limpeza; taxis; albergues; convention bureaux; outros servizos; aloxamentos rurais; artesáns; atraque de cruceiros e ferries; servizos turísticos de saúde; empresas de transporte turístico; estacións de esquí e montaña; espazos naturais protexidos; oficinas de información turística; museos e centros de interese turístico; empresas de turismo activo; escolas de español para estranxeiros; aluguer de vehículos e embarcacións de recreo; campos de golf e campos de pitch&putt; restaurantes e empresas turísticas de catering. 

 As empresas terán ate o próximo día 14 de setembro para adherirse ao proxecto. Posteriormente, abrirase un proceso de formación e asesoramento individual a cada empresa para concluír coa avaliación final. Por último, será Turismo Rías Baixas quen valora as propostas que finalmente obteñan a certificación .

A GUARDA

A Ruta do Pincho da Lamprea do Miño 2017 conclúe co sorteo de agasallos e a elección do pincho máis valorado 

O restaurante Bitadorna foi elexido como o establecemento que ofreceu o mellor pincho nesta edición

O restaurante Bitadorna foi elexido como o establecemento que ofreceu o mellor pincho nesta edición

Foto: C.A.G.

Infogauda / A Guarda

 Onte mércores día 19 de abril tivo lugar, no Concello da Guarda, a realización do sorteo de agasallos entre os participantes da Ruta do pincho da lamprea do Miño 2017 e o previo reconto do Concurso ao mellor pincho da ruta. Esta iniciativa celebrouse na Guarda as dúas primeiras fin de semanas deste mes de abril e tivo unha gran acollida.  

 A ruta, que naceu por iniciativa dos viveiristas e pescadores da lamprea da Guarda para dar a coñecer e promocionar este produto, contou con 8 establecementos que ofreceron pinchos coa lamprea como protagonista a un prezo único de 2 euros. Ademais de degustar a lamprea, esta ruta permitiu aos clientes valoralos e ser xurado do concurso cos votos depositados nas urnas dos establecementos, puntuando do 1 ao 6 cada pincho.  

 Tras facer o reconto, o resultado foi a elección do restaurante Bitadorna como o establecemento que ofreceu o mellor pincho nesta edición. Ademais, o reconto de papeletas tamén achega un número estimado de pinchos servidos, que nesta edición rondou os 500. As procedencias foron do máis diversas, dende os que viñan da Guarda ou localidades veciñas como O Rosal ou Oia; pasando por xente de concellos de toda a provincia como O Porriño, Nigrán ou Redondela e ata doutras provincias de Galicia ou de fóra, como Madrid ou a vila portuguesa de Braga.  

 Entre todos os participantes que cubriron e entregaron as papeletas sorteáronse mañá tres lotes de viño, que serán entregados o vindeiro mércores 26 de abril, ás 12:00 horas, no Concello da Guarda. Os gañadores foron:  

1º- Felipe Vicente González (A Guarda): 3 botellas Rectoral de Umia (Albariño). 

2º- Benedicto Sousa Álvarez (O Rosal): 3 botellas Rectoral de Amandi (Mencía). 

3º- Rafael Pablo Rodríguez Amenedo (A Guarda): 3 botellas de Alanís (Ribeiro).  

 Con este sorteo dáse por rematada unha ruta que tivo unha gran acollida e que esperase poder repetir o vindeiro ano, xa que deixou unha gran satisfacción e un bo sabor de boca tanto aos establecementos como aos clientes que participaron e permitiu que moita xente puidera descubrir ou volver a desfrutar dun recoñecido produto local como é a lamprea.

CAMINHA

CINEMA

Boletim da Sessão nº 293 

 "Hair", de Milos Forman (1979)

Sexta-feira, 21 de abril às 21:45 no Auditório do Museu Municipal de Caminha

Locus Cinemae / Caminha

 Momento gostoso aquele em que podemos rever os bons filmes do passado. Recentemente, tive a oportunidade de re-assistir um dos meus favoritos, o filme musical Hair (1979) do diretor tcheco Milos Forman (premiado por Amadeus), baseado na peça musical homônima, de grande sucesso no final dos anos 1960. Apesar da enorme diferença com a peça teatral, quando muitas músicas foram eliminadas (cerca de dez), o roteiro (de Michael Weller) muito alterado e os personagens com papéis diferentes do original, o filme, mesmo assim, é encantador e, além de comovente, representa, instrutivamente, o mais fiel retrato do Movimento Contracultura mostrado no cinema até hoje, com uma primorosa ambientação nos anos 1960.

 Enquanto a peça musical, cuja estreia aconteceu na Broadway em 29 de Abril de 1968, depois alcançando um monstruoso sucesso internacional, focava mais em mostrar o movimento pacifista dos hippies, o roteiro do filme se ocupa mais com o seu cotidiano, através de uma trama cujo teatro não é capaz de reproduzir, pois não tem os recursos do cinema. No filme, o movimento pacifista é mostrado apenas com cenas de fundo, nunca através de imagens protagonistas. Talvez este tenha sido o motivo pelo qual o filme não recebeu grandes premiações, talvez em razão da proximidade da produção cinematográfica logo após o giro internacional da peça musical, que não permitiu aos críticos descolarem a relação desta com o filme, vendo assim na versão cinematográfica uma distorção da peça musical.

FONTE

FICHA TÉCNICA:

Título original: Hair, 1979, EUA/RFA

Realização: Miloš Forman

Produção: Michael Butler e Lester Persky

Companhia produtora: CIP Filmproduktion GmbH

Argumento: Michael Weller, baseado em “Hair”, de Gerome Ragni e James Rado

Música: Galt MacDermot

Fotografia: Miroslav Ondříček

Montagem: Alan Heim e Stanley Warnow

Distribuidora: United Artists

Duração: 121 minutos

FICHA ARTÍSTICA:

John Savage …. Claude

Treat Williams …. Berger

Beverly D’Angelo …. Sheila Franklin

Annie Golden …. Jeannie

Dorsey Wright …. Hud

Don Dacus …. Woof

Trailer de "Hair" de Milos Forman

Programação:
 

Abril 2017

Ciclo Cinema e Música

28 de Abril, “Através da Noite”, Woody Allen, EUA, 1999, Sessão 294 (M/12)

Ciclo Grandes Realizadores

05 de Maio, “O Vale era Verde”, John Ford, 1941, EUA, Sessão 295(M/12)

12 de Maio, “Alemanha Ano Zero”, Roberto Rossellini, 1948, Itália/França/Alemanha, Sessão 296 (M/12)

19 de Maio, “Noite de Estreia”, John Cassavetes, RFA/EUA, 1977, Sessão 297 (M/12)

26 de Maio, “Vencidos pela Lei”, Jim Jarmusch, EUA, 1986, Sessão 298 (M/12)

Ciclo Cinema Italiano
 

02 de Junho, “O Milagre de Milão”, Vittorio de Sica, 1951, Itália, Sessão 299(M/12)

09 de Junho, “As Noites de Cabíria”, Federico Fellini, 1957, Itália/França, Sessão 300 (M/12)

16 de Junho, “Uma Vida Difícil”, Dino Risi, Itália, 1961, Sessão 301 (M/12)

23 de Junho, “Estrelas Vagas de Ursa Sandra”, Luchino Visconti, Itália, 1965, Sessão 302(M/12)

30 de Junho, “Deserto dos Tártaros”, Valerio Zurlini, Itália/França/R.F. Alemanha, 1976, Sessão 303(M/12)

A GUARDA

O BNG insta á Xunta e ao Concello á solucionar os problemas xabarín na Guarda  

Ángel Luis Baz Vicente (voceiro municipal do BNG no Concello de A Guarda): “O BNG presentou iniciativas no concello da Guarda e no Parlamento galego na procura dunha solución definitiva”  

Ángel Luis Baz Vicente, portavoz municipal do BNG, no concello de A Guarda

Infogauda / A Guarda

 O Bloque Nacionalista Galego segue a denunciar “a presenza do xabarín en zonas habitadas no concello da Guarda”.  

 Segundo afirman desde o BNG,  “o pasado martes 18 de abril, varias persoas atoparon xabarín na zona da Sangriña, dentro da contorna dunha zona escolar.  

 Dende o BNG vese con preocupación a falta de interese que está amosando a Xunta de Galiza no control desta especie no concello da Guarda.  

 O BNG ten realizado unha campaña para que se tomen medidas serias sobre o control do xabarín na Guarda”.  

 “A Xunta do PP e o Goberno municipal do PSOE teñen que tomarse este tema en serio, falamos de animais salvaxes en zonas escolares, habitadas ou de cultivos. Esperemos non ter que lamentar unha desgraza”, comentou Ángel Luis Baz Vicente, portavoz municipal do BNG, no concello de A Guarda.  

 Ángel Luis Baz relembra finalmente: “O BNG presentou unha moción no concello aprobada por unanimidade na que insta ao Goberno galego do PP á busca dunha solución definitiva. O BNG, tamén, presentou unha iniciativa no Parlamento galego no mesmo sentido pola deputada nacionalista Montse Prado”.

A GUARDA

CELSO R. FARIÑAS, CONCELLEIRO DE CONVERXENCIA GALEGA, FAISE ECO DAS QUEIXAS DOS USUARIOS DO PARQUE INFANTIL DO CENTRO CULTURAL

As imaxes reflicten ás instalacions existentes na parte traseira do Centro Cultural de A Guarda, para uso e disfroite da poboación infantil

Fotos: C.G.

Infogauda / A Guarda

  Adxuntando ás correspondentes fotografías do lugar o que se refire na súa comunicación, Celso R. Fariñas, concelleiro de Converxencia Galega, ven de faer pública, a seguinte nota:

 ESTADO DO PARQUE INFANTIL DO CENTRO CULTURAL   

 Tendo en conta que ainda que se ampliaron as instalacións do Parque Infantil existente na Alameda do século XXI, a asistencia de criaturas é bastante alta, e nestas datas pasadas da Semana Santa, diversas familias se desplazaron as existentes na proximidade, como é o caso das do Centro Cultural, e dende alí, nos transmitiron as queixas e as imaxes do que alí a toparon para “uso e disfrute” das criaturas.                                                                                                                                                                       

 A Guarda, a 10  de abril  do 2.017        

Celso R. Fariñas 

Concelleiro de CONVERXENCIA GALEGA