A GUARDA

FIN DO PERÍODO DE PAGAMENTO VOLUNTARIO DO IBI 2019

 

Francisco Alonso / A Guarda

 A Oficina de Xestión Tributaria do Concello de A Guarda fai público que o vindeiro día 9 de setembro de 2019 finaliza ó período voluntario de pagamento dos recibos correspondentes ós seguintes tributos: 

       

· Imposto sobre Bens Inmobles Urbanos exercicio 2.019 (CONTRIBUCIÓN URBANA).  

   

· Imposto sobre Bens Inmobles Rústicos exercicio 2.019 (CONTRIBUCIÓN RÚSTICA).        

 No caso de que algún contribuínte non recibira a carta de pagamento pode solicitar un duplicado da misma dirixíndose á Oficina de Xestión Tributaria (Rúa Jose M. Andreini, nº 6 Baixo – A Guarda - Teléfono: 986 609 067), xa que ó  tratarse de débedas de carácter periódico e notificación colectiva a non recepción no domicilio da mesma non exime da obriga de pago nin da vía executiva.                           

 Infórmase, ademáis, que a partir de dita data as débedas serán esixidas polo procedemento de prema e devengarán os recargos, xuros de demora, e demáis conceptos esixibles.  

A GÁNDARA (SALCIDOS) A GUARDA

Helen & Shanna pecharán na Guarda a edición 2019 de «Música nas  Prazas»

O venres 13 de setembro ás 22:00h na Praza dos Seixiños

Infogauda / A Gándara

 Tralos concertos de Caramelo Krew, o 14 de xuño na Praza de San Queitano e de Blues do País o día 16 de agosto na Praza de Avelino Vicente González, Música nas Prazas 2019 chegará o vindeiro venres día 13 de setembro ao seu fin.  

 Desta volta, o venres 13 de setembro ás 22:00 horas, na Praza dos Seixiños (A Gándara) será a quenda de Helen & Shanna, un grupo guardés nado no ano 2013 e que xa ten ofertado numerosos concertos en salas e pequenos festivais en toda Galicia. Cunha forte influencia folk, Helen & Shanna recolle aspectos doutras culturas, con instrumentos tan variados coma o sitar, a trompeta, o violín ou o ukelele.  

 Este é o cuarto ano desta actividade promovida dende a concellería de Cultura do Concello de A Guarda e que este ano conta cun total de 3 concertos nas Prazas de San Queitano, Avelino Vicente e Os Seixiños.  

 Desde o Concello de A Guarda relembran que "a programación de Música nas Prazas acadou na súa edición 2018 un notable éxito de afluencia de público, fomentando a música en diferentes espazos públicos do municipio, tentando dar visibilidade e dinamismo a todos eles por igual, levando a cultura musical a todas as parroquias da vila". 

 Ao longo dos tres anos de Música nas Prazas foron moitas as formacións musicais do panorama local e galego que teñen pasado polas prazas da vila guardesa, entre elas, De Vacas, Sonus de Gaya, Indomables, Argonat Band, Mbolo Mooye Doolé, Carmen Johns, entre outros. 

 O Música nas Prazas 2019 conta co apoio de Pontegal da Deputación de Pontevedra.

DEPORTES

O U. D. RIBERA GAÑOU O TROFEO VILA DO ROSAL  

Ánxela Fernández Callís, alcaldesa do Rosal, cos xogadores dos dous equipos que disputaron o Trofeo Vila do Rosal  

Fotos: C.O.R.

Infogauda / O Rosal

 Este domingo 1 de setembro ás 17:00 horas, no Campo Municipal da Mata, disputouse o Trofeo Vila do Rosal entre os equipos U.D  Ribera, do Rosal e o G.D. Miño, de Camposancos (A Guarda).

Presentación dos equipos das diferentes categorías do U. D. Ribera

 O partido tivo como resultado a victoria - por 4 goles a 1 -, para o equipo local que presentou neste mesmo día todos os xogadores - máis de 160 - de todas as súas categorías, nun acto que contou coa asistencia de numeroso público.  

Jose Antonio Juan Bento “Matute” - 2º pola esquerda - coa plantilla de xogadores e técnicos do U. D. Ribera

Jose Antonio Juan Bento “Matute” recibiu un agasallo pola súa adicación como delegado durante todos estes anos

 Así mesmo Jose Antonio Juan Bento “Matute” recibiu un agasallo pola súa adicación como delegado durante todos estes anos, e contou co agradecemento da directiva, xogadores, familias e afeccionados. Noraboa Matute, pola túa entrega e traballo no U.D. Ribera.  

 Desde o Concello do Rosal, aproveitan a ocasión para facer un recoñecemento público ao U.D. Ribera polo seu gran traballo no ámbito deportivo formando e adestrando a centos de nenos e nenas do noso Concello.

DEPORTES

XXIV Travesía a nado do Porto de A Guarda 

Últimos días para ás inscricións

Infogauda / A Guarda

 Este sábado día 7 de setembro, ás 12:00 hora no porto guardés celebrarase a XXIV edición da Travesía a Nado do Porto de A Guarda, un evento que congrega cada ano a un bo número de deportistas profesionais e amateurs.  

 Promovida e xestionada pola Concellería de Deporte de A Guarda e Noko Deporte y Salud.  Contará coa colaboración do Club de Remo Robaleira, Club ALAGUA e Confraría de Pescadores Santa Tecla.  

 As inscricións pechan este mércores día 4 de setembro ás 23:59h da noite a través da web www.galitiming.com contando con dous percorridos de 400m.(Categorías A, B, C e D) e de 1.200m. (Categorías E, F, G, H, I, J, K e L).  

 Como novidade esta edición estará cronometrada polo que a inscrición ten un custe: 

•    6€ inscritos ata o 31 de agosto. 

•    8€ inscritos entre o 1 e o 4 de setembro. 

•    As categorías de nenos (A, B, C e D) son de balde.  

 A inscrición inclúe: 

•    Gorro numerado 

•    Seguro accidentes 

•    Cronometraxe 

•    Avituallamento final  

 Os nadadores non federados menores de 18 anos precisan que o pai, nai ou titor autorice a súa participación. O impreso de autorización debe enviarse asinado previamente a info@noko.es ou, en último caso, pode entregarse no momento de recollida do gorro.  

 A proba terá súa saída dende as escaleiras do Muelle Alto.

 Os participantes farán un percorrido pola lámina de auga do recinto portuario, marcado por boias. 

 O neopreno só se poderá utilizar se a temperatura da auga e menor aos 18º ou por decisión da organización.

O ROSAL

XXX FESTIVAL MÚSICOS XOVES  

Esta fin de semana tivo lugar o Festival Músicos Xoves, cita anual de todos os veráns no Rosal 

Banda de Música da Agrupación Musical do Rosal

Fotos: Luis Dorado Senra

Infogauda / O Rosal 

 O sábado 31 de agosto, ás 20:30 horas, tivo lugar na Praza do Calvario o XXX Festival de Músicos Xoves, evento organizado pola Agrupación Musical do Rosal.

 Este ano participaron tres agrupacións da provincia:

· Banda de Música de Chapela
· Banda Escola de Música de Beade
· Agrupación Musical do Rosal 

 A banda anfitrioa estivo dirixida por Javier Alonso Pérez (Vigo, 1982), que debutou como novo director da Agrupación Musical do Rosal. 

 

 Desde a Agrupación Musical do Rosal lembran que “a idea deste evento xurdiu coa intención de reunir no noso concello diferentes bandas que se caracterizasen por contar cun bo número de xente nova entre os seus membros, e así levar adiante un proxecto con continuidade e recoñecemento na bisbarra do Baixo Miño. 

 Ademais, este festival pretende mostrar o importante labor que realizan as escolas de música na formación inicial dos músicos galegos e na mellora da calidade das bandas populares. 

 Parece que foi onte cando se empezou a celebrar e xa vamos pola 30 edición. Corría o ano 1989 cando se realizou a primeira edición, sendo un dos primeiros festivais de bandas que se organizaron en Galicia e consolidándose, co tempo, como un dos mellores, e polo cal levan pasado bandas de toda a nosa comunidade, España e Portugal.”  

                     David González Sobrino dirixiu a Coral da Agrupación Musical do Rosal

                                                 

 Onte domingo 1 de setembro ás 20:00 horas, na Igrexa Parroquial de Santa Mariña foi o turno das corais, actuando a Coral Frol Nova de Chapela, a Coral Polifónica Cantores de Arnoia (Ourense), rematando a xornada a Coral da Agrupación Musical do Rosal, dirixida por David González Sobrino.  

 Desde o executivo municipal do Concello do Rosal que preside á xoven alcaldesa Ánxela Fernández Callís, queren agradecer de xeito particular a Luis Dorado Senra pola cesión das súas imaxes do evento, así como facer un recoñecemento público á Agrupación Musical do Rosal polo seu gran traballo no ámbito musical no noso Concello.

EUROCIDADE CERVEIRA TOMIÑO

COMUNICADO DA EUROCIDADE CERVEIRA-TOMIÑO SOBRE O TRIATLETA DESAPARECIDO ONTE NO RÍO MIÑO 

A operación de busca está a ser coordinada pola Capitanía do Porto de Caminha e a Comandancia Naval do Miño 

  

 Este domingo, 1 de setembro de 2019, os concellos de Tomiño (Galicia) e Vila Nova da Cerveira (Portugal), acolleron unha nova edición (a 12ª) do Triatlón da Amizade, organizado conxuntamente pola Federação de Triatlo de Portugal e a Federación Galega de Tríatlon e Péntatlon Moderno, con apoio de Pedal´Arte.  

 Durante a proba de natación, un dos atletas participantes de nacionalidade portuguesa, desapareceu, malia todos os esforzos inmediatamente realizados polas embarcacións que daban apoio á proba. Tralo suceso toda a actividade competitiva foi suspendida.  

 As labouras de busca reanudáronse hoxe a primeira hora da mañá, con todos os esforzos para a súa localización, sendo utilizados todos os medios adecuados (mergulladores, barcos con sonar e helicópteros).  

 A operación está a ser coordinada pola Capitanía do Porto de Caminha e a Comandancia Naval do Miño.

(R.)

DEPORTES

O ATLETA OLÍMPICO CARLOS DE LA TORRE PECHOU O II CAMPUS DE ATLETISMO DE TOMIÑO

Carlos de la Torre - na 1ª fileira con camisa de raias -, concelleiras de Tomiño, participantes no II Campus de Atletismo, técnicos e directivos do club Sociedade Atlética do Trega, no acto de clausura do campus

Informa: (fotografías e redacción): Sociedade Atlética do Trega

 O pasado venres, a visita do olímpico Carlos de la Torre Allariz (Marín, Pontevedra, 18 de maio de 1966), pechou o II Campus de Atletismo de Tomiño. 

 Este atleta marinense de medio fondo e fondo, pertence á dinastía "Os irmáns da Torre", sendo 4 membros na súa familia e 3 deles olímpicos. 

 Carlos participou e representou a España nos Xogos Olímpicos de Barcelona 1992 e nos de Atlanta 1996; na proba de 10.000 m en pista ao aire libre, (facendo ese ano a súa mellor marca nos 10.000 m cun tempo de 27´49" 17), o cal, pode presumir de correr con grandes figuras mediáticas daquela era, como: Hail Gebrselassie (Etiopía)  Paul  Tegat (Quenia), Abel Antón, etc.., entre outros moitos. 

  Non podemos esquecernos do seu estupendo 4º posto no Campionato do Mundo de medio maratón no ano 1996 (crono:  1 hora 2 minutos e 3 segundos), proba gañada polo italiano Stefano  Baldini. 

 Este é un resumo dos máis importante na súa biografía deportiva. 

 De la Torre pasou a última hora cos participantes do campus, intercambiando preguntas e respostas, onde animou, aconsellou aos máis peques, para que fagan deporte nas súas vidas, para crear un hábito saudable. 

 Ensinoulles un cadro das súas medallas máis importantes, logradas na súa carreira de deportista. Os nenos  alucinaron co peso dalgunha delas. 

Carlos de la Torre, acompañado de concelleiras de Tomiño e dun adestrador da Sociedade Atlética do Trega, participou na entrega de diplomas

 E como remate final, faríase a entrega de diplomas aos participantes a cargo de 4 membros do concello de Tomiño, con axuda tamén do noso invitado. 

 Queremos agradecer ao concello de Tomiño pola súa organización e a todas as visitas, así como á masiva participación de nenos co broche, de sobresaliente un ano máis. 

 Esperámosvos para o ano que vén. 

 Moitas grazas a  todos! 

SALCEDA DE CASELAS

O ‘REVITALIZA’ COMPOSTARÁ PRETO DE 1.000 LITROS DE LIXO ORGÁNICO DA FESTA DOS CALLOS DE SALCEDA  

Mestras e mestres composteiros da Deputación repartiron agasallos e compost entre medio milleiro de persoas que se achegaron á carpa da compostaxe  

Mestres composteiros do Plan Revitaliza e persoal do Concello que participou na XXVII Festa dos Callos

Fotos: D.PO.

Infogauda / Salceda de Caselas

 Obxectivo acadado: a XXVII Festa dos Callos de Salceda non só foi un éxito de público e conseguiu vender todas as racións preparadas, senón que é tamén un evento gastronómico dos máis sustentables para o medio ambiente na provincia de Pontevedra. A cidadanía que acudiu onte a Salceda para comer unha ración de callos colaborou totalmente na iniciativa de reciclar o 100% do lixo e depositou nos colectores correspondentes os diferentes tipos de residuos.   

 Só no referido aos restos orgánicos recolléronse preto dunhs 1.000 litros (uns 250 de restos de callos e uns 750 de anacos de pan) que foron trasladados aos composteiros comunitarios que hai na vila -A Devesa, Raíña Aragonta e A Gándara- para producir compost baixo a supervisión das mestras e mestres composteiros do Plan Revitaliza da Deputación. Estes biorresiduos convertiranse en poucos meses, logo de misturalos con estruturante, en aproximadamente uns 200 litros de fertilizante natural.  

 O persoal técnico provincial destacou que a iniciativa, na que colaborou o Concello de Salceda a través das concellerías de Festas e de Medio Ambiente, foi todo un éxito e tivomoi boa acollida entre o público, xaque a práctica totalidade das e dos asistentes cumpriu coa separación do lixo xerado durante o xantar utilizando as sete illas de reciclaxe habilitadas, deixando os restos da comida no seu colector, o vidro noutro, e os envases noutro.  

O stand informativo do Plan Revitaliza estivo moi concorrido

  Tamén foi un éxito o stand informativo do Revitaliza, sempre ateigado de xente participando no coñecido como ‘Xogo da miñoca’, co que as mestras e mestres compostadores da Deputación explicaron as vantaxes da compostaxe e repartiron agasallos e uns 200 quilos de compost en bolsas. En total pasaron polo stand máis de medio milleiro de persoas, principalmente da provincia de Pontevedra, pero tamén doutras localidades galegas amosándose moi interesadas no proxecto da institución provincial para replicalonas súas vilas de orixe.

DEPORTES

A Deputación de Pontevedra adxudica 180.000 euros para as bolsas DEPO-DAN e DEPO-PROMESA que recibirán as e os mellores deportistas da provincia  

Estes recoñecementos realizaranse na Gala do deporte de elite que se celebrará o día 12 en Pontevedra

Carmela Silva Rego, presidenta da Deputación de Pontevedra

Foto: D. PO.

Infogauda / Pontevedra

  A Xunta de Goberno da Deputación de Pontevedra vén de aprobar este luns a adxudicación das bolsas para deportistas de alto nivel e deportistas promesa por un total de 180.600 euros destinados ás e aos 112 deportistas da provincia que teñen recoñecida a categoría DEPO-DAN e ás e aos 71 que son DEPO-PROMESA.  

 A presidenta da Deputación, Carmela Silva Rego explicou que "estas axudas van permitir a deportistas da provincia adestrar e preparar os seus obxectivos deportivos coa maior tranquilidade e coa maior dedicación posible". Tamén apuntou que "serven para apoiar e posibilitar a participación nas competicións internacionais e nacionais e así axudarlles na consecución dos logros que lles permitan acadar a súas futuras metas deportivas". Silva salientou "o bo estado do deporte pontevedrés, que durante este mes de agosto dounos moitas alegrías" e lembrou que "máis de 30 deportistas do noso programa foron podio mundial nas súas categorías". Na rolda de prensa, tamén apuntou que a entrega das bolsas DEPO-DAN e DEPO-PROMESA realizarase no decurso da gala que terá lugar o vindeiro xoves 12 de setembro ás 20h en Pontevedra. 

 Neste programa as e os deportistas están divididos en dous grupos, grupo A, para deportistas con recoñecemento de DEPO-DAN, e grupo B, para deportistas DEPO-PROMESA.  Máis polo miúdo, no grupo A hai catro categorías: A1, con 2.000 euros, para deportistas que acrediten un podio nun Campionato do Mundo; A2, con 1.250 euros, para deportistas do 4º posto en adiante no Campionato do Mundo ou podio no Europeo; A3, con 900 €, do 4º posto en adiante nun Campionato de Europa ou podio no Campionato de España, ou A4, 500 €, do 4º posto en adiante no Campionato de España ou podio no Campionato Galego. O mesmo ocorrerá co grupo B, deste xeito as e os do B1 recibirán 1.200 euros; do B2, 800 euros; do B3, 500 euros, e do B4, 300 €.  

 As bolsas foron concedidas en función dos resultados deportivos acadados nos anos 2017 e 2018. O campionato que se tivo que certificar tiña que ser o ultimo levado a cabo pola federación correspondente, posto que nalgunhas modalidades algunhas probas lévanse a cabo cada 2 anos.

LABORAL

Os bombeiros/as de Vigo denuncian o Concello por vulnerar o dereito de folga e poñer en perigo a súa seguridade 

Presentaron un escrito na Inspección de Traballo e realizaron un reparto informativo

Segundo explican dende a CIG o principal motivo da denuncia é o incumprimento reiterado das dotacións mínimas, xa que en moitas xornadas non se chega a cubrir o servizo con 20 efectivos

Foto: CIG

Infoguda / Vigo

  O comité de folga dos bombeiros/as do Concello de Vigo presentou hoxe unha denuncia na Inspección de Traballo contra o Goberno local por vulneración deste dereito fundamental e por poñer en perigo a seguridade dos traballadores/as. Os folguistas tamén levaron a cabo un reparto informativo nas inmediacións do consistorio para explicar os motivos da convocatoria indefinida.  

 Segundo explican dende a CIG o principal motivo da denuncia é o incumprimento reiterado das dotacións mínimas, xa que en moitas xornadas non se chega a cubrir o servizo con 20 efectivos, “polo que as intervencións non poden realizarse coas seguridade que establecen os protocolos de actuación”. Isto provoca que se estean a realizar intervencións omitindo os binomios que garanten a seguridade dos bombeiros/as.  

 Neste senso, queren deixar moi claro que esta situación non está relacionada coa convocatoria de folga, xa que ningún traballador/a pode acollerse a este dereito tendo en conta os elevados servizos mínimos decretados. “Resulta evidente que esta situación forma parte do que a concelleira denomina funcionamento normal do servizo”, critican, ao tempo que se preguntan se “normal” é non cubrir nin os mínimos. 

 Actuación temeraria  

 No escrito presentado diante da Inspección tamén alertan que se está a poñer en perigo as dotacións “obrigando a realizar función de superior categoría a bombeiros/as que carecen da formación axeitada”. Lembran que o decreto de mínimos imposto para a folga non recolle a obriga de realizar funcións de superior categoría aos bombeiros/as no parque de Teis, “algo que si se está a facer na práctica”.  

 No caso do parque de Balaídos si que figura esta obriga, “o que supón un agravio comparativo”. Ademais, este parque non é un parque auxiliar, senón de zona, polo que o responsábel da dotación ten que ter a categoría de sarxento. “Poñer ao mando a un bombeiro/a compromete non só ao equipo de saída, senón tamén a toda a dotación do parque, polo que supón unha temeridade”.  

Reparto informativo  

 Ademais da denuncia da Inspección, membros do comité de folga levaron a cabo un reparto informativo nas inmediacións do consistorio para explicar os motivos da convocatoria indefinida. Para iso elaboraron un panfleto que recolle os principais argumentos:  

-Porque ao Concello nos últimos anos non lle preocupou incorporar persoal.  

-Porque nos últimos anos resultoulle máis rendíbel cubrir a falta de persoal con horas extras.  

-Porque a pesar dos reiterados avisos de colapso do servizo en lugar de incrementar persoal incrementaron as horas extras.  

-Porque cando o servizo colapsou por falta de persoal en lugar de negociar unha solución impuxo por decreto a obriga de facer horas extra.  

-Porque, abusando da nosa condición de servizo esencial, vulnera os nosos dereitos como traballadores/as.  

-Porque non respecta os períodos mínimos de descanso que ten que ter un traballo perigoso.  

-Porque, vulnerando este principio, está a poñer en perigo a seguridade e saúde dos traballadores/as.  

-Porque compromete en último termo o servizo prestado ao cidadán.  

-Porque non quere negociar a aplicación do decreto para tentar garantir o servizo sen comprometer a seguridade dos traballadores/as.  

-Porque non quere negociar datas concretas e xeitos urxentes de incorporar persoal.  

-Porque coa actual oferta de emprego público non se soluciona o problema da falta de persoal.  

 Por todo isto, instan ao Goberno local a abrir un proceso de negociación sobre a base da aplicación do decreto “que non comprometa a operatividade do servizo e que garanta os dereitos laborais e a seguridade dos traballadores/as”. 

 No que ten que ver coa substitución de funcionarios/as de carreira por funcionarios/as en prácticas, feito que xa fora denunciado diante da autoridade laboral ao comezo da folga, sinalan que actuar deste xeito en base a un decreto de mínimos “pon en perigo ao traballador/a e ao equipo pola falta de pericia”. De feito, sosteñen que durante as últimas xornadas o 75% do equipo de primeira intervención estaba formado por traballadores/as en prácticas.

LABORAL

A CIG reclámalle a Zona Franca Vigo que corrixa as deficiencias que ameazan a seguridade dos traballadores 

Delegados/as sindicais da central recolleron nun informe as principais problemáticas en materia viaria

O rexistro do escrito tivo lugar ao mediodía no edificio do Consorcio situado na área portuaria de Bouzas por parte do secretario comarcal da CIG de Vigo, Alberto Gonzalves, que estivo acompañado por algúns dos delegados/as con cuxas achegas se elaborou o informe que recolle as deficiencias
Foto: CIG

Infogauda / Vigo

 A CIG rexistrou hoxe un escrito dirixido ao delegado do Consorcio Zona Franca Vigo solicitándolle unha xuntanza para abordar unha solución ás problemáticas en materia de seguridade viaria existentes no polígono de Balaídos e os riscos que supoñen para os traballadores/as. Delegados/as da central nas principais empresas elaboraron un informe que recolle as numerosas deficiencias detectadas, xa que constitúen unha grave vulneración tanto en materia de seguridade viaria como en seguridade e saúde laboral das persoas empregadas neste polígono.  

 O rexistro do escrito tivo lugar ao mediodía no edificio do Consorcio situado na área portuaria de Bouzas por parte do secretario comarcal da CIG de Vigo, Alberto Gonzalves, que estivo acompañado por algúns dos delegados/as con cuxas achegas se elaborou o informe que recolle as deficiencias.  

 No documento saliéntanse, entre outras cuestións, os problemas derivados da falta de aparcamento, estacionamento indebido de vehículos en carrís de circulación, escasa ou nula iluminación nalgúns tramos, ausencia de accesos peonís seguros, inexistencia de marquesiñas para esperar o transporte público, sinalización deficiente ou as malas condicións do firme nalgunhas zonas.  

 Ao mesmo tempo, lémbrase que como consecuencia destas eivas xa se produciron ao longo deste ano numerosos incidentes e algúns accidentes nas vías de acceso e nos arredores do recinto da Zona Franca de Balaídos.  

 Por iso, a CIG solicítalle ao delegado unha reunión urxente para abordar estas cuestións, analizar posíbeis solucións e que se apliquen as medidas correctoras oportunas para garantir así un acceso seguro aos centros de traballo. Neste senso, a a central insta a que sexa o propio Consorcio quen tome a iniciativa de poñerse de acordo coas distintas administracións que teñen as competencias para resolver cada unha das deficiencias denunciadas.  

 Finalmente, reclama que se aproveite esta necesaria interlocución para demandar tamén a adecuación do acceso peonil dende o polígono de Navia até Zona Franca e a habilitación dun carril-bici tanto de acceso para estas zonas como de mobilidade dentro do propio polígono.  

 O informe foi elaborado coas achegas dos delegados/as de prevención e das seccións sindicais das empresas GKN Driveline, PSA Citroën, Gefco, Maviva, Clece, Senior, Avanza, ESC Servicios Auxiliares, Prosegur e Ilunion.  

Aumento dos accidentes laborais  

 Dende a CIG lembran que a raíz da aprobación das últimas reformas laborais non fixo máis que aumentar o número de accidentes no traballo, sendo precisamente os accidentes in itinere os máis habituais. Neste senso, lembran que as compañías do sector da automoción -as que teñen maior presenza no polígono de Balaídos- contratan os servizos de empresas de transporte dos países do leste. Isto provoca a chegada de numerosos condutores que veñen até Galiza tras xornadas de traballo prolongadas e moitos quilómetros.  

 Ademais, os contratos a tempo parcial ou o abuso das ETT provocan que o trasfego de traballadores/as sexa incesante a todas as horas do día, non só nos cambios de quenda, coincidindo con eses camións mal estacionados. O elevado número de horas extras sen control tamén fai que os traballadores/as saian moi cansos despois de longas xornadas de traballo a altos ritmos de carga física, polo que os traxectos do domicilio ao traballo, e viceversa, son cada vez máis perigosos. “A isto hai que sumar a falta de empatía e de responsabilidade da Zona Franca e do seu novo delegado cos traballadores/as e coa súa seguridade”, rematan.

VIANA DO CASTELO

Dos Suicidados? O vício de humilhar a imortalidade

26 e 27 de setembro, 21h30, Teatro Municipal Sá de Miranda

ARCOS DE VALDEVEZ

APOIO ECONÓMICO PARA TODOS OS ALUNOS DO 1º E 2º CICLO EM ARCOS DE VALDEVEZ 

María Joâo Brito / Arcos Valdevez

 Em Arcos de Valdevez a educação é uma prioridade. No âmbito de uma política orientada para o sucesso educativo, a igualdade de acesso à educação e o apoioàs famílias, o Município de Arcos de Valdevez procedeu à atribuição de apoios económicos aos alunos do 1º e 2º ciclo, para o ano letivo de 2019/2020, através da celebração de protocolos, para comparticipara aquisição dos livros de fichas de atividades, dos alunos beneficiários da ação social escolar, em 100%e dos restantes alunos, em 50%. 

 Este protocolo foi assinado com o Agrupamento de Escolas, a Associação de Pais e Encarregados de Educação e cinco livrarias do concelho.  

 Este apoio visou também dinamizar o comércio local, através da aquisição destes materiais, às livrarias do concelho. Neste sentido, os encarregados de educação devem dirigir-se a uma das livrarias aderentes a esta iniciativa (Académica, Agrafo, Arco Íris, Pelourinho e Versus), entre os dias 2 e 30 de setembro de 2019, para assim beneficiarem deste apoio, apresentando o vale “O Recontro”, distribuído por todos os alunos do 1º e 2º ciclo. 

 Para além destes auxílios, o Município arcuensetambém apoia a componente de apoio à família no pré-escolar;as refeições escolares; os transportes escolares, que são gratuitos para todos os alunos do pré-escolar ao ensino secundário; projetos como o “Schooll 4All”, que visam combater o insucesso escolar; e ainda a melhoria de instalações, mobiliário e equipamentos, como foi o caso recente das obras na EB 2,3/S, no valor 4,1 milhões de euros. 

 É com esta política de incentivo àeducação, que a Câmara Municipal e os seus parceiros pretendem promover a igualdade de oportunidades, o sucesso escolar e a qualidade no ensino emArcos de Valdevez.

ARCOS DE VALDEVEZ

“CHARUTOS DOS ARCOS” NA FINAL  DAS 7 MARAVILHAS DOCES DE PORTUGAL  

  

María Joâo Brito / Arcos de Valdevez

 Arcos de Valdevez é Finalista do Concurso “7 Maravilhas Doces de Portugal”.  

 Os “Charutos dos Arcos”, eleitos anteriormente o melhor doce do Alto Minho, passaram à Final do concurso "7 Maravilhas Doces de Portugal”. Para o Município de Arcos de Valdevez e para os arcuenses é um orgulho ter o reconhecimento nacional de Arcos de Valdevez e da sua doçaria.   

 A final está marcada para 7 de setembro de 2019, em Montemor-o-Velho, às 21h45, onde serão eleitas as 7 Maravilhas Doces de Portugal, numa transmissão em direto da RTP 1 e da RTP Internacional.   

 A votação nesta fantástica iguaria arcuense é possível entre o dia 01 de setembro (a partir das 17h) e o dia 07 de setembro, ligando para o efeito o número de telefone 760 107 003.   

 Os “Charutos dos Arcos” são apadrinhados pelo escritor Jacinto Lucas Pires, familiarmente ligado a Arcos de Valdevez, também ele um apreciador da gastronomia e sobretudo da doçaria tradicional do concelho.  

 Para o Presidente da Câmara Municipal “esta iniciativa promove o nosso património, reforça a identidade e revitaliza a doçaria como “símbolo” nacional, sendo um estimulo à inovação e valorização dos produtos tradicionais e à dinamização económica e sociocultural dos territórios. Os doces representam a história e a tradição de cada território e são uma mostra do bom quem temos e do bem que fazemos.”  

 João Esteves solicita “o apoio de todos para eleger os “CHARUTOS DOS ARCOS” como uma das 7 Maravilhas de Portugal”.   

 Vamos todos VOTAR em “ARCOS DE VALDEVEZ” 

 Vamos todos VOTAR nos “CHARUTOS DOS ARCOS”  

 LIGUE 760 107 003

A PASAXE (CAMPOSANCOS) A GUARDA

Horario semanal do transbordador A Guarda – Caminha  

Do martes 3 de setembro ao domingo 8 de setembro de 2019

O ferry boat "Santa Rita de Cássia" comunica por vía fluvial ás localidades de Caminha e A Guarda

Foto: Infogauda 

Infogauda / A Pasaxe (Camposancos) 

 A Oficina Municipal de Turismo do Concello de A Guarda ven de facer público que esta semana as saídas do transbordador veranse afectadas pola marea baixa. Polo tanto, achégase a táboa cos horarios confirmados ata o domingo 8 de setembro coas saídas confirmadas e aquelas que sofren algunha variación están marcadas. 

 Para máis información, recoméndase chamar ao despacho de billetes (Teléfono: 986 611 526) no horario de atención ao público, de 10:00 a 13:00 e de 15:00 a 20:00 horas.  

SEMANA DO MARTES 3 DE SETEMBRO AO DOMINGO 8 DE SETEMBRO DE 2019:

SAÍDAS DENDE A GUARDA – CAMINHA                                       (Horario peninsular de ESPAÑA)
MARTES 3	10:30	(non)	(non)	(non)	(non)	16:30	17:30	18:30	19:30	20:15
MÉRCORES 4	10:30	11:15	(non)	(non)	(non)	(non)	17:45	18:30	19:30	20:15
XOVES 5	10:30	11:30	12:15	(non)	(non)	(non)	(non)	18:45	19:30	20:15
VENRES 6	10:30	11:30	12:30	13:30	(non)	(non)	(non)	(non)	19:45	20:15
SÁBADO 7		11:30	12:30	13:30	15:15	(non)	(non)	(non)	(non)	(non)
DOMINGO 8		11:30	12:30	13:30	15:30	16:15	(non)	(non)	(non)	(non)

SAÍDAS DENDE CAMINHA  - A GUARDA                                      (Horario peninsular de ESPAÑA)
MARTES 3	10:00	(non)	(non)	(non)	(non)	16:00	17:00	18:00	19:00	20:00
MÉRCORES 4	10:00	11:00	(non)	(non)	(non)	(non)	17:30	18:00	19:00	20:00
XOVES 5	10:00	11:00	12:00	(non)	(non)	(non)	(non)	18:30	19:00	20:00
VENRES 6	10:00	11:00	12:00	13:00	(non)	(non)	(non)	(non)	19:30	20:00
SÁBADO 7		11:00	12:00	13:00	15:00	(non)	(non)	(non)	(non)	(non)
DOMINGO 8		11:00	12:00	13:00	15:00	16:00	(non)	(non)	(non)	(non)

Observacións:                                                                                                

A falta de visibilidade coa néboa pode provocar algunha cancelación cando o transbordador teña que navegar fora do canal.

- Debido á marea baixa variase o horario de saída e así non se cancela o servizo.