O ROSAL

A DEPUTACIÓN ADXUDICA A NAROM SL POR 390.439 € A MELLORA DUN TRAMO DO TRAZADO DA EP TABAGÓN-O ROSAL QUE CONECTARÁ ESTA VÍA COA AUTOVÍA TUI-A GUARDA

Infogauda / O Rosal

 A Deputación de Pontevedra adxudicou hoxe, na súa xunta de goberno, a obra de mellora do trazado da estrada provincial Tabagón-O Rosal-Portocelo, entre os puntos kilométricos 1,9 e 2,6, á empresa Narom SL na cantidade de 390.439 euros.

 Ao concurso presentaranse 16 empresas. O traballo hoxe adxudicado a Narom SL tén un prazo de execución de tres meses.

 A obra está financiada mediante un convenio entre o Concello de O Rosal e a Deputación de Pontevedra, que aporta  381.040 €. Servirá para realizar a conexión da estrada provincial Tabagón-O Rosal coa vía de alta capacidade Tui-A Guarda ao seu paso polo Concello.

 As obras incluirán a dotación de servizos a todo o tramo e permitirán realizar reparacións, mellorar o trazado do actual tramo e a súaseguridade viaria.