A GUARDA

A VECIÑANZA DO BAIXO MURO ESIXE AO ALCALDE DA GUARDA QUE CUMPRA  COS SEUS COMPROMISOS E ABRA A RÚA   

Pancarta colocada no balcón dunha vivenda sita na rúa Ireira

Foto: Cedida

 

Infogauda/A Guarda

 A veciñanza da rúa Baixo Muro e das vías contiguas, reunida en asemblea, denuncia publicamente o incumprimento dos prazos de execución comprometidos polo alcalde para a apertura da rúa. 

 Os residentes cualifican de "indignante" que este proxecto volva quedar adiado. Segundo explican, o goberno local decidiu desviar os fondos da Deputación Provincial cara á compra da casa de Don Eloi, relegando así o compromiso previo de abrir a rúa Baixo Muro para conectala e darlle saída á rúa Ireira. 

 Ante este malestar xeral, a veciñanza anunciou o inicio dunha campaña de mobilizacións e denuncia pública e advirten de que a campaña continuará con firmeza ata que as máquinas comecen a traballar na rúa.