O PORRIÑO

FILATELIA

ANTONIO PALACIOS: DESDE O PORRIÑO PARA O MUNDO

• Unha fermosa homenaxe por medio do correo postal

Momento da intervención da xefa territorial de Cultura, Lingua e Xuventude, María Isabel Couselo, no acto de presentación do cuño turístico coa imaxe da Casa Consistorial e o busto de perfil de Antonio Palacios, xunto coa tarxeta enteiropostal onde aparece a Casa Consistorial  do O Porriño

Fotos: Marila Abad Suérez e Concello de O Porriño

Vistas do público que asistiu ao evento

Marta Verde Rodríguez / O Porriño

 Onte á mañá, na Praza Arquitecto Antonio Palacios, presentouse o cuño turístico coa imaxe da Casa Consistorial e o busto de perfil de Antonio Palacios, xunto coa tarxeta enteiropostal onde aparece a Casa Consistorial como protagonista. Simultáneamente, no marco da 55 edición da Feira Nacional do Selo en Madrid, presentouse outro cuño turístico e outra tarxeta enteiropostal, pero co Palacio de Cibeles, obra tamén do arquitecto porriñés Antonio Palacios; ámbalas catro pezas son para homenaxear a éste.

 A idea de filatelizar a obra de Palacios xurde da biblioteca municipal “co obxetivo de recuperar a maxia da correspondencia escrita”.

 Tanto o alcalde, Alejandro Lorenzo Alonso; como a xefa territorial de Cultura, Lingua e Xuventude, María Isabel Couselo; como o xefe de Correos, Borja Otero e a presidenta da Comisión de Filatelia Aberta de FESOFI, Marta Verde, concordaron na mesma mensaxe: voltar a pór en valor a correspondencia escrita. 

 A quén non lle gusta recibir unha carta ou postal de alguén coñecido?

 Deste xeito, o concello pon a disposición da veciñanza, tarxetas enteiropostais para que sexan escritas e enviadas. Desta maneira, o legado de Antonio Palacios percorrerá o mundo enteiro.

 Para animar máis a veciñanza, ó entregar no Concello a tarxeta escrita, participarán no sorteo dunha cesta de productos do Nadal.

 No acto, ademáis de filatélicos de distintas partes de Galicia e da veciñanza que non se quixo perder o evento, participaron máis de 200 escolares de 5º de primaria dos colexios de O Porriño, onde escribiron postais que irán dirixidas aos distintos centros educativos de toda España. 

 O acto de presentación concluíu coa cancelación conxunta de membros de filatelia e autoridades. 

De der. á esq.: María Elisa Abad Suárez, vicesecretaria de FESOFI; María Isabel Couselo, xefa territorial de Cultura, Lingua e Xuventude; Alejandro Lorenzo Alonso, alcalde de O Porriño; Marta Verde Rodríguez, presidenta da Comisión de Filatelia Aberta de FESOFI; Borja Otero, xefe da oficina técnica de Correos de O Porriño, e Vanessa Ucha Fernández, concelleira de Trismo do concello de O Porriño 

O alcalde de O Porriño xunto con escolares, introducindo as tarxetas no buzón de Correos

 O rematar, os máis de 200 nenos de 5º de primaria de distintos centros educativos de O Porriño, levaron as súas tarxetas ao buzón máis próximo, acompañados polo alcalde.