TUI

Aberto o prazo de presentación de solicitudes para a instalación de atraccións de feira e outros postos no Recinto Feiral durante as festas de San Telmo 

Atraccións de feira

Foto: C.T.

Infogauda / Tui

 Dende hoxe mércores, 26 de febreiro, ábrese o prazo de solicitude para a instalación de atraccións de feira e outros postos no espazo coñecido como Recinto Feiral (sito na rúa Mártires de Sobredo), durante as festas patronais de San Telmo en Tui que se celebrarán entre os días 19 e 28 de abril de 2025.  

 As persoas interesadas dispoñen dun prazo de 10 días naturais, dende o mércores 26 de febreiro de 2025, ata o venres, 7 de marzo de 2025, para a presentación das solicitudes xunto coa documentación necesaria a través do rexistro electrónico do Concello de Tui, no rexistro xeral de documentos do Concello.  

 Finalizado o prazo de presentación de solicitudes, procederase á revisión da documentación presentada.O criterio de selección principal será a orde de rexistro de entrada no Concello de Tui coa documentación completa, aínda que sobre este criterio, terase en conta a non reiteración de atraccións ofertadas, as atraccións novidosas, a estética das atraccións, todo isto debidamente motivado, e que redunde no beneficio das Festas de San Telmo 2025 e o interese público.  

 A montaxe das atraccións realizarase entre os días 14 e 15 de abril. O 16 de abril as atraccións deberán estar montadas para proceder á revisión das condicións técnicas das atraccións por parte dunha ECCOM.  

 Os titulares dos postos e das atraccións deberán obrigatoriamente engancharse ao fío musical instalado polo concello, para evitar un impacto acústico fora dos decibelios permitidos pola normativa.  

 Os horarios establecidos serán os seguintes:   

• Os días 16, 17 e 18 de abril a hora de peche establécese as 23:00 h 

• Os días 19 e 20 de abril a hora de peche establécese as 02:00 h 

• Os días 21, 22, 23 e 24 de abril a hora de peche establécese as 23:00 h 

• Os días 25, 26, 27 e 28 de abril a hora de peche establécese as 02:00 h 

 A continuación poden consultarse o procedemento, a documentación requirida e os anexos.  

SAN TELMO 2025 - Procedemento e Anexos  

SAN TELMO 2025 - Declaración responsable alimentos modelo (pdf)  

SAN TELMO 2025 Anexo I - Modelo declaración responsable (pdf)  

SAN TELMO 2025 Anexo I - Modelo declaración responsable (word)  

SAN TELMO 2025 Anexo II - Declaración responsable exención doc atraccións sen público (pdf)  

SAN TELMO 2025 Anexo II - Declaración responsable exención doc atraccións sen público (word)