A CIG concentrarase este mércores contra a dobre escala salarial en IKF
Nos xulgados de Vigo coincidindo coa celabración do xuízo contra a empresa
Infogauda / A Guarda
A CIG ten convocada unha concentración para mañá, mércores 17 de xullo, ás 10:45 horas, diante dos xulgados de Vigo, coincidindo coa celebración do xuízo contra a empresa Imerys Kiln Furniture (IKF) “pola dobre escala salarial que aplica e que afecta ao persoal de nova incorporación”.
IKF, sitada nas Cachadas (A Guarda) dedícase á fabricación de materiais refractarios e “despois de anos de loita contra a dobre escala salarial e ante a imposibilidade de chegar a un acordo no plan de igualdade para rematar con esta discriminación, a CIG presentou unha demanda contra a empresa pola aplicación deste sistema retributivo que xera grandes discriminacións e desigualdades entre o cadro de persoal”.
“Esta fenda salarial supón que haxa persoal na empresa facendo exactamente o mesmo traballo pero cobrando até un 30% menos”.
Ningún comentario:
Publicar un comentario