RIBADAVILA (A GUARDA)

Vento Mareiro organiza o Serán da Guía 

• Este sábado, día 4 de outubro, a partir das 21:30 horas na praza da Guía

Infogauda / A Guarda

 A Agrupación Folclórica Vento Mareiro organiza o Serán da Guía, este sábado, día 4 de outubro, a partir das 21:30 horas na praza da Guía. 

 Esa nova data chega tras a suspensión pola chuvia do serán que se ía celebrar a finais de agosto. Agora, en caso de chuvia, o serán trasladarase ao pavillón Antonino Torrón, nas Solanas.  

 A praza da Guía acollerá as actuacións de grupos tradicionais, como a Murga Airiños do Cereixo, e a Agrupación Folclórica Vento Mareiro, desde a cal invitan a toda persoa que queira participar a traer o seu instrumento e unirse á foliada. 

 Todos os grupos que queiran participar neste serán están invitados.  

 Ademais, haberá sorteos de lotes de produtos durante o serán entre o público.