CULTURA

A Deputación convida aos visitantes a descubrir os vínculos co Entroido nas obras de arte do Museo de Pontevedra 

• Do 1 ao 9 de marzo as persoas que visiten o Museo poderán participar nun xogo de observación para atopar referencias a máscaras, disfraces e bailes na pezas da colección

Joven con antifaz, un óleo sobre táboa firmado polo pintor Raimundo de Madrazo, deica 1880, pertencente á antiga colección de D. José Fernández López e actualmente propiedade do Museo de Pontevedra

Foto: D.PO.

Infogauda / Pontevedra

 O Museo de Pontevedra recibe o entroido programando un xogo de observación dirixido ás persoas de todas as idades que visiten a exposición permanente nestas datas. Do 1 ao 9 de marzo, os visitantes terán á súa disposición un xogo que os guiará polas diferentes salas do Museo, nas que atoparán obras que remiten a elementos típicos desta festa como as máscaras, os disfraces ou os bailes.  

 A actividade estará dispoñible en todo o horario de apertura do Museo. O persoal de atención entregará ao público interesado  un impreso que servirá como guía para atopar, nas salas da exposición, dez obras que se poden vincular ao tempo de entroido, de artistas como Arturo Souto, Laxeiro, Narciso Pérez Rey, Castelao ou Raimundo de Madrazo, entre outros.  

 Cada persoa participante levará un diploma e un pequeno agasallo. Rematada a actividade o 9 de marzo, sortearanse entre todas as persoas que participaron tres lotes de agasallos e publicacións do Museo, para público de todas as idades.