Membros da directiva do Centro Galego ‘O Noso Lar’ de República Dominicana visitaron hoxe o Concello de A Guarda
Infogauda / A Guarda
O presidente do Centro Galego “O Noso Lar”, da República Dominicana, Antonio Sánchez, acompañado do vicepresidente, Eduardo Pahino e do tesoureiro, Manuel Otero, visitou o Concello de A Guarda esta mañá.
Durante esta visita institucional, a directiva de “O Noso Lar” reuniuse co alcalde e varios concelleiros do goberno municipal de A Guarda para intercambiar opinións e ver a posibilidade de realizar proxectos e liñas de colaboración no futuro.
Este Centro Galego conta coa sede principal en Santo Domingo, mais ten representantes en varias zonas, como Punta Cana. Deste xeito, A Guarda poderase achegar máis a República Dominicana, onde residen preto de 3.000 galegas/os. Ademais, non hai que esquecer a conexión de guardesas/es con ese país, desde hai máis de 150 anos.
Ningún comentario:
Publicar un comentario