DEPORTES

ATLETISMO

ÁLEX SIERPES PEREIRA DEBUTOU COAS CORES DO SPORT LISBOA E BENFICA

• Na proba de 2.000 metros obstáculos, logrando a medalla de ouro, e ás mínimas para súa participación nos campionatos nacionais e europeos 

Álex Sierpes Pereira - no centro do podio - logo de lograr impoñerse na proba dos 2.000 metros obstáculos

Sociedade Atlética do Trega / Redacción Deportes

 Álex Sierpes Pereira vén de debutar coas cores das aguias do Sport Lisboa e Benfica. O atleta de A Guarda, participou na proba dos 2.000 metros obstáculos, e fíxoo ao grande. Dese xeito, logrou a medalla de ouro, e a súa vez, a marca mínima para súa participación nos campionatos nacionais e europeos, respectivamente.

Álex Sierpes nun momento da proba celebrada nas instalacións do Parque Desportivo de Ramalde, na cidade de Porto

  Álex Sierpes, de 15 anos de idade, que milita este ano na categoría Sub18, enfrontouse por primeira vez a esta nova distancia e fíxoo enormemente ben, parando o crono en 5´59"40, marca que lle sitúa neste momento como líder da clasificación española e 2ª marca europea da modalidade no que levamos de tempada ao aire libre. 

 A proba disputouse este pasado día 1 maio nas instalacións do Parque Desportivo de Ramalde, na cidade de Porto, onde se celebrou a Meeting Atletismo do Porto - António Ferreira, englobada e marcada en Global Calendar, que en galego vén sendo Calendario global do atletismo mundial. 

 Lamentablemente o seu irmán Christian tamén debería haber feito o seu debut, pero unha desafortunada escordadura de nocello que se propinou a semana pasada, polo mal estado do tartán nas pistas de A Mata (O Rosal) propiciou súa baixa a última hora. Esperamos que chegue unha pronta remodelación da pista e que tomen nota os nosos responsables políticos, xa que  polo seu actual estado, nos últimos meses véñense producindo desgraciadamente, numerosos incidentes doutros atletas. 

Felicidades Álex!