DEPORTES

ATLETISMO

Os irmáns Sierpes Pereira fichan polo Sport Lisboa e Benfica, de Lisboa 

• Defenderán as cores do club luso en todas as competicións oficiais da xeografía portuguesa, da presente tempada 2024

Os irmans Sierpes Pereira coa equipación do Sport Lisboa e Benfica, de Lisboa

Sociedade Atlética do Trega / Redacción Deportes

 Os atletas guardeses, Álex e Christian Sierpes Pereira defenderán as cores do Sport Lisboa e Benfica, de Lisboa en todas as competicións oficiais da xeografía portuguesa, da presente tempada 2024. 

 Despois de manter varias conversacións, o acordo foi mutuo, por ambas as partes. O bo entendemento foi clave para pechar as súas fichaxes, cun trato próximo e cordial. 

 Á entidade lusa gustoulles moito as súas proxeccións como atletas, por iso non deixaron de mostrar o seu interese en fichalos, coa intención de axudarlles a reforzar e potenciar os seus equipos, sobre todo, nos seus respectivos nacionais de Portugal. 

 Desde a directiva da Sociedade Atlética do Trega (Tomiño) non pode sentirse máis que satisfacción por este feito, xa que é un orgullo para a nosa escola de atletismo, que dous atletas da nosa entidade recalen e acaben vestindo a camiseta de renome no país veciño.