A GUARDA

SEGUNDA EDICIÓN DO TARDEO

ACTIVIDADES DIVERSAS PARA A MOCIDADE

 Infogauda / A Guarda

 Para os meses de maio e xuño sae á rúa a segunda edición do programa Tardeo, unha acción que, coordinada pola Oficina Municipal Información Xuvenil (OMIX) do Concello de A Guarda, presenta diferentes actividades levadas a cabo polas asociacións da vila, para dinamizar o tempo de ocio da poboación nova - principalmente - do municipio.  

 As actividades propostas son tan diferentes como as propias entidades xa que contamos cun nutrido abanico de tecido asociativo, con ganas de participar e ofertar á poboación novas alternativas e propostas atractivas.  

As accións programadas son:  

- MAQUILLAXE E CARACTERIZACIÓN - SAN XEROME- AULA NO CENTRO SAN XEROME - 10 MAIO 19:00 A 21: 00 HORAS. 

- OBRADOIRO ESCRITURA CREATIVA - FOCO - CENTRO CULTURAL - 24 DE MAIO - HORARIO 18:30 A 20:00 HORAS. 

- APLICACIÓNS EN CROCHÉ - VENTO MAREIRO- AULA ANTIGO SINDE SEGUNDA PLANTA (ENCIMA DO ALBERGUE MUNICIPAL) - 25 MAIO HORARIO 16:30 A 18:00 HORAS. 

- BOLSIÑO DE MACRAMÉ- ENREDÉMONOS - ÉRGUETE BAIXO MIÑO - AULA SITUADA NO CONCELLO - 1 XUÑO - 17:00 A 20:00 HORAS. 

- EMBÁRRATE! CREA A TÚA PEZA EN CERÁMICA - AVELAÍÑA - SEDE AVELAÍÑA - 8 XUÑO 10:00 A 13:00 HORAS.  

 As actividades son todas de balde dirixidas principalmente a persoas de entre 14 e 30 anos, aínda que se quedan prazas libres poderán ocuparse por poboación doutros tramos de idade.    

 Levaranse a cabo nas sedes das entidades agás as de Érguete e FOCO que utilizarán espazos municipais.  

 A inscrición nos obradoiros terá que facerse na OMIX da Guarda preferiblemente por correo electrónico ao enderezo informacion@aguarda.es  deixando os datos persoais e de contacto e indicando as actividades nas que se solicita praza por orde de preferencia.   

 Máis información na OMIX da Guarda