CULTURA

"ERÓTICA", NOVO POEMARIO DE FRANCISCO ÁLVAREZ KOKI

Será presentado o martes día 15 de marzo, ás 19:00 horas, na Biblioteca Pública Municipal Eugenio Trías, de Madrid

Portada do novo poemario de Francisco Álvarez Koki

Ricardo Rodríguez Vicente / A Guarda

 O poeta, activista cultural, escritor e dramaturgo Francisco Álvarez Álvarez (Koki) volta a acreditar unha acrisolada e perseverante vontade de legarlle ao seu lectorado un amplo rexistro poético, inspirado na ars amandi (a arte de amar). Proba diso, ademais de gran parte da súa bibliografía poética precedente, é seu novo poemario Erótica, publicado en edición bilingüe - español e inglés -, por Ondina Ediciones, na súa Colección Verdemar.

 A presentación desta nova obra de Francisco Álvarez Koki será o vindeiro martes día 15 de marzo, ás 19:00 horas, na Biblioteca Pública Municipal Eugenio Trías  - Paseo Fernán Núñez, 24 (Antiga Casa de Fieras del Retiro), de Madrid. evento cultural, que ademais da presenza do autor, contará coa intervención de Antonino Nieto Rodríguez (Verín - Ourense, 1955),  poeta,  e artista multidiscicplinar.

 

 Ademais dos poemas de Francisco Álvarez Koki, Erótica conta cun prólogo da autoría do escritor e xornalista Antonio Muñoz Molina (Úbeda - Jaén, 1956). do cal extraemos os seguintes parágrafos: 

  “Como un músico que tocara con soltura varios instrumentos, Francisco Álvarez Koki se mueve igual de ágilmente por los más variados tonos de la expresión poética, que son todo, al fin y al cabo, partes de un mismo arrebato. Leer los poemas en el orden en el que se publican es como seguir el trazo sostenido y cambiante de los estados de una pasión, en la que nada está seguro, en la que no hay más certeza que la propia entrega; leer los poemas uno tras otro es asistir al retrato de un alma y a los episodios de una historia de amor”. 

 

Francisco Álvarez  Koki  

 Escritor galego (A Estivada - A Guarda, 1957) e animador cultural. Autor trilingüe (galego, castelán e inglés), que residiu en New York, onde fundou o colectivo Celso Emilio Ferreiro, para difundir a cultura galega. Entre os seus libros publicados en galego destacan Un  neno na emigración (narrativa infantil; Ed. Cumio, 2014); Vasoiras Barreiro (literatura infantil; Ed. Fervenza, 2018); A memoria das palabras (poesía; Ed.  Fervenza, 2018);  Maruxía (poesía; Ed. Deputación Provincial, 2010); Ratas en Manhattan (narrativa; Ed. Sotelo Blanco, 2007);  Mais  aló de Fisterre (poesía; Deputación de Pontevedra, 1999).  

 En castelán publicou, entre outros, El libro de Lourenzo (narrativa infantil; Ed.  Sial  Pigmalión, 2018);  Sombra de Luna (poesía social; Ed.  Sial  Pigmalión, 2015). Premio Escriduende da Feira do Libro de Madrid, 2016. Así mesmo, participou nos libros Escritores españoles en los Estados Unidos (Edición de Gerardo Piña. Academia Norteamericana de la lengua española. 2007); Seis narradores españoles en Nueva York (Narrativa; Ed.  Dauro, Selecta, 2006); Geometría y angustia. Poetas españoles en Nueva York; Edición de Julio Neira. Fundación José Manuel Lara. Sevilla, 2012) e Miradas de Nueva York (Ed. Cuadernos del Vigía, Selecta, 2000). 

 

 Foi editor dos seguintes libros: Piel Palabra. Poetas españoles en Nueva York (Ed. Consulado Xeral de España en Nova York, 2003); Al fin del siglo, 20 poetas hispanos en Nueva York (Ed.  Ollantay  Press, Nova York, 1999); Luna y Panorama sobre los rascacielos (Poetas españoles en Nueva York). Consulado Xeral de España en New York, 2019).