A GUARDA

HABERÁ QUE IR PENSANDO EN INTRODUCIR O TOXO DO PAÍS

Esa é a lamentable imaxe que ofrecía este sábado unha das xardineiras da rúa Concepción Arenal

Fotos: Infogauda

Infogauda / A Guarda 

 Esta semana, un redactor deste xornal dixital transfronteirizo presenciou dunhas uns segundos, como unha persoa xoven, que atopábase sentada nun dos bancos de pedra existentes na rúa Concepción Arenal, fronte a Chán de Conde, namentras falaba por teléfono, estaba arrincando - como se fose algo normal para ela - unha por unha, as follas dunha planta ubicada na xardineira contigua, que estaba ao alcance das súas mans. O redactor detívose a un par de metros desa xoven - era unha moza de uns 25 anos, aproximadamente - e logo de observar súa acción durante un breve espazo de tempo, dirixiuse a ela decíndolle: "Ola. Que fas?".

 A xoven respostou: "Perdón, perdón".

 E aí rematou, que nós saibamos a incidencia. Non temos constancia de que posteriormente continuase cóa súa particular "poda dixital".

 En todo caso, a referida xoven non demostrou o debido respecto non soio á planta que foi obxecto da súa acción, probablemente inconscente, senón a un ben que forma parte do patrimonio municipal de toda á veciñanza.

  

 Por outra banda, na mañá deste sábado, observamos como unha das xardineiras da rúa Concepción Arenal presentaba - como se pode apreciar nas fotografías desta crónica - unha fermosa planta que fora tronzada. E alí estaba pousada na xardineira como un exemplo do incivismo de alguén que visto o feito, semella non ser amiga/o da Natureza, ou cando menos, nada respectuosa coas plantas.

 Visto o visto, tal vez sería convinte que desde o Equipo de Goberno Municipal do Concello de A Guarda, se fose pensando en introducir nas xardineiras da rúa Concepción Arenal, plantas de toxo (Ulex europaeus). Polas súas características (folla perenne, espiñento,...), seguramente tería moi boa acollida, sobor de todo nos meses en que amosan súas fermosas flores de intensa cor amarela, que mesmo contan coa súa correspondente copla:

                     Alecrín, alecrín dourado 
                     que naceu no monte 
                     sen ser sementado (bis)  

                     Ai, meu amor 
                     quen che dixo a ti 
                     que a flor do campo 
                     era o alecrín? (bis)  

                     Alecrín do meu corazón 
                     por causa de ti 
                     fixen esta canción (bis) 

                     Ai, meu amor 
                    quen che dixo a ti 
                    que a flor do campo