A GUARDA

Aviso de corte no subministro de auga  

· Este venres día 21 de setembro, dende primeira hora da mañá

Infogauda / A Guarda

 O executivo municipal do Concello da Guarda informa a cidadanía dun corte de auga programado para a mañá deste venres, día 21 de setembro, por mor da instalación e conexión das novas tubaxes do abastecemento de auga nas obras da Rúa Concepción Arenal.

  

Vista parcial das obras que están desenvolvéndose na rúa Concepción Arenal

Foto: C. A.G.

 Está previsto que os operarios realicen este corte no abastecemento de auga dende primeira hora da mañá e a previsión e que, o subministro de auga, sexa restablecido ao longo da mesma mañá.  

 O corte de auga afectará ás vivendas e locais das rúas Domínguez Fontela, Concepción Arenal e o primeiro tramo da rúa Malteses.  

 Dende o Concello da Guarda agradécese a comprensión dos veciños, pedindo de antemán desculpas polas molestias que se podan xerar. 

 O subministro será establecido á maior brevidade posible.