A nova Xunta Directiva do Atlético Guardés dimite en bloque
• O presidente Fernando Reyes e os demais membros da Xunta Directiva do Club, constituída hai apenas dúas semanas, dimitiron en bloque este luns
• Proximamente convocarase aos socios a unha nova Asemblea Extraordinaria para buscar a un novo presidente
Redacción Deportes/A Guarda
O presidente do Club Balonmán Atlético Guadés, Fernando Reyes González, xunto cos demais membros da súa Xunta Directiva, presentaron cadansúas dimisións este luns 27 de xullo.
Alegando motivos persoais, desfaise a nova organización que o Club conseguira conformar hai apenas dúas semanas despois dun mes de incerteza trala saída previa de Jesús López González.
Nos vindeiros días o Club convocará á súa masa social e afeccionados a unha nova Asemblea Extraordinaria coa que iniciar o camiño para buscar un novo presidente que tome as rendas da entidade.
Ningún comentario:
Publicar un comentario