BUXÁN (SALCIDOS) A GUARDA

BUXÁN CELEBRA AS FESTAS DE PASCUA

Baixo o lema "A tradición continúa"  terán seu apoxeo entre os días 30 de marzo e o 1 de abril 

Infogauda / Buxán

 Baixo o lema "A Tradición continúa", e coa celebración do XI Serán, que tivo lugar onte a noite na Praza de Buxán, deron comezo as tradicionais Festas de Pascua, que terán seu apoxeo entre os días 30 de marzo e o 1 de abril coa seguinte programación deportiva, gastronómica, lúdico e festiva:  

· Venres 30 de marzo: Ás 18:00 h., no Estadio Municipal da Sangriña, gran partido de fútbol Solteiros Vs Casados.  

· Sábado 31 de marzo: Desde ás 16:00 h., tradicionais xogos populares: Lanzamento de aixada, as mazás, a rá, carreira de culler e ovo.  

Dende ás 23:00 h., verbena coa orquestra América e o grupo Magical.  

· Domingo 1 de abril: Dende ás primeiras horas da mañá, pasarrúas con Airiños do Folón.  

 A partir das 11:00 h., XXª Gran Zorzada.

 Ás 15:30 h. Concurso do Pau enceirado co xamón arriba.

 Ás 16:00 h. Concurso e degustación da XXIª Festa do Biscoito.

 Ás 19:30 h. Atardecer folk co Coro Fuscalheiro.