A GUARDA

"FÉLIX", A BORRASCA QUE PUXO A NOSA VILA NA CABECEIRA DOS INFORMATIVOS

Un mar de escuma burdou desde á Praia do Carreiro ata o Monumento o Mariñeiro

Así estaba o domingo día 11 de marzo, pola mañá, o Monumento o Mariñeiro

Foto: Santi Baz Lomba

Ricardo Rodríguez Vicente / A Guarda

 Tal e como se prevía, a borrasca "Félix", que azoutou con vento e chuvia toda á madrugada do pasado sábado, truxo o porto da Guarda un mar de escuma que desde á Praia do Carreiro e A Camboa, asulagou de escuma a Vía e os arredores do Monumento o Mariñeiro. Foi, segundo dixeron algúns expertos, a última borrasca deste inverno, que está sendo "como os de antes". Veremos se realmente "Félix" foi á última borrasca ou non, que nisto da climatoloxía non sempre é unha ciencia certa.

 En todo caso, na mañá do domingo día 11 de marzo, o porto da Guarda era todo un espectáculo, que motivou que moitas persoas se achegasen, mesmo de xeito imprudente nalgúns casos - e non sería porque non huberan avisado previamente os que tiñan o deber de facelo  -, ata as proximidades do Monumento o Mariñeiro e "inmortalizar" en imaxes fotográficas e de vídeo, ese agasallo natural que segundo algúns homes de mar, xa é un clásico do inverno na Guarda.

 O espectáculo visual mesmo motivou que algunhas canles de TV de ámeto estatal emitisen esas imaxes nos informativos do domingo, e puxesen, unha vez máis, A Guarda no foco da noticia, divertida e positiva, para disfrute de toda a audiencia.

 Tamén houbo moitos curiosos e afeccionados á fotografía que se achegaron ata a Praia Area Grande, onde o mar tamén deixou un mar de escuma que mesmo semellaba nata montada, na que os máis atrevidos non tiveron reparo en meter seus coches, como si tal cousa. 

GALERÍA DE IMAXES DA AUTORÍA DE SANTIAGO BAZ LOMBA