A GUARDA

O Partido Popular de A Guarda aposta por buscarlle continuidade e viabilidade ao GES (Grupo de Emerxencias Supramunicipais)

Conchi Ortega Martínez - no centro da imaxe - xunto cos demais concelleiros do Grupo Municipal do Partido Popular no Concello de A Guarda

 Con data 2 de xullo de 2015, o Partido Popular de A Guarda presenta no Concello, con rexistro de entrada nº 4278 a súa primeira moción desta lexislatura sobre a ORDENANZA FISCAL REGULADORA DAS CONTRIBUCIÓNS ESPECIAIS.

 Como dixemos con anterioridade, dende a oposición queremos traballar por A Guarda, intentando achegar posturas con outros partidos presentes no consistorio. Non pensamos que estar discutindo entre os grupos municipais todo o tempo, sexa o que queren os cidadáns, que xa están fartos de tanto enfrontamento. Nós a través do nosos traballo de oposición presentaremos tantas mocións, preguntas e rogos como os guardeses nos trasladen, e intentaremos consensuar con outros grupos no goberno ou na oposición.

 Esta moción en concreto trata de buscarlle viabilidade ao Grupo de Emerxencias Supramunicipais, un dos servizos máis necesarios no Concello e na Comarca. Ninguén dúbida da súa necesidade, xa que é un dos GES mais activos con mais de 900 intervencións nun ano. Non esquezamos que o GES intervén en incendios, accidentes, rescates e en todas aquelas situacións onde ocurra unha incidencia grave, aparte de outras moitas onde o risco ou a prevención de incidentes o requira , que son moitas máis das que nós poidamos imaxinar. Si non facemos algo pola súa continuidade, seremos responsables de que algún incidente poda acabar en traxedia, por falta duns medios como temos agora as 24 horas do dia tan preto de A Guarda. Hai que pensar que o noso concello está lonxe de calquera outro GES, como o de O Val Miñor ou os Bombeiros de Porriño.

 Por outra banda, hai que fixarse nas condicións xeográficas da nosa vila, non só está alonxada, senón que ademáis ten moita liña de costa, praias, rochas, o río Miño, zonas de monte, un casco urbán bastante complexo e unha rede viaria e de sendas e camiños moi complicada. Estas características dispersan aínda máis as zonas de risco, e se ampliamos o sector a os concellos de O Rosal, Oia e Tomiño, xa temos máis que xustificada a presenza na Guarda do GES.

 Buscar a viabilidade o GES  é unha obriga para todos os grupos políticos, xa que o custo é alto nos orzamentos municipais, a pesares  que é cofinanciado pola Xunta de Galicia e a Deputación de Pontevedra.  Se hai algunha forma de rebaixar este custo, o Partido Popular temos a  obriga de propoñela.

 Pensamos os populares  que a través de unha modificación da ordenanza fiscal se podería recuperar parte do custo das intervencións a través de unha taxa a cobrarlle aos  seguros, en función das horas invertidas e o material empregado. Este é o sentido da moción presentada que esperamos podamos consensuar cos outros grupos.

 Esta mesma semana e a seguinte presentamos máis mocións, como é o noso deber de oposición.

(R.)