O CONCELLO DO ROSAL QUÉDANSE SEN PRESUPOSTOS POLA FALLA DE COMPROMISO DO ALCALDE COS AFECTADOS DE PREFERENTES E SUBORDINADAS
Os afectados polas estafas bancarias colocaron unha pancarta na fachada principal do concello de Rosal, demandándolle ó alcalde, solución á problemática que lles afecta, ou que dimita. Fotografía: Ana Belen Álvarez Cerqueira
Plataforma Baixo Miño de Afectados polas Preferentes e Subordinadas
Hoxe, sábado día 26, os afectados polas preferentes e
subordinadas impediron que se celebrase o pleno ordinario convocado para asinar
os presupostos.
Chegouse até este punto porque o rexedor do Concello do
Rosal segue sen comprometerse cos afectados do Baixo Miño.
A plataforma fai saber que, no momento que o alcalde asine
un compromiso público de que os afectados van a recuperar a totalidade dos seus aforros, e de non ser así, pon o seu
cargo a dispor, volveránse a celebrar plenos neste concello. Namentras
seguiremos facendo presión até acadar una solución política.
Lembramos que continuamos cos peches no Concello do Rosal,
e, de Tui. Pois, seguimos sen ver resultados nen compromisos. Na plataforma hai
afectados que están no paro, con hipotecas, sen recursos para chegar a fin de
mes, e que non poden recuperar os seus aforros secuestrados en preferentes e
subordinadas, e, que agora máis ca nunca precisan deles, e cada vez a súa
situación é máis precaria, polo que é
entendible de que a presión vaia en aumento.
Dende o Baixo Miño, facemos un chamamento á sociedade para
que, o día dous de febreiro se solidarice con nos, e nos acompañe na
manifestación que imos levar a cabo en Compostela na que imos pedir a
devolución dos aforros da Galiza.
Ningún comentario:
Publicar un comentario