OURENSE

A DEPUTACIÓN DE OURENSE PARTICIPA NAS III XORNADAS DE MEDIO AMBIENTE E DEREITO AMBIENTAL

A Deputación de Ourense participa nos relatorios que se están a desenvolver nas 3ª Xornadas de Medio Ambiente e Dereito Ambiental, que reúnen no salón de actos da Facultade de Ciencias de Ourense a expertos en medioambiente, académicos e políticos.

Infogauda / Ourense

Hoxe , ás 16.00 horas, tivo lugar a conferencia de Javier Bobe Vázquez, xefe de Servizo de Augas e Medio Ambiente da Deputación provincial, que falou sobre a xestión supramunicipal dos servizos municipais. O relator foi presentado por Sidonia Martínez, vicedecana da Facultade de Ciencias.

Asemade, mañá xoves, 22 de outubro, ás 16.45 horas, terá lugar na Facultade de Ciencias a conferencia “A liña medioambiental do PP”, a cargo de Carlos Floriano, portavoz nacional do Partido Popular no Congreso, quen será presentado polo presidente da Deputación de Ourense, José Luis Baltar Pumar.