A Gándara prepárase para unha nova edición do Torneo Cachiza
Ricardo Rodríguez Vicente/A Gándara
A Gándara xa conta as horas para vivir unha das citas deportivas máis tradicionais das súas festas. O vindeiro sábado, 5 de setembro, a partir das 16:00 horas, a rúa As Pozas acollerá o XVII Torneo Cachiza, unha competición que volverá reunir deporte, tradición e compañeirismo no marco da Festa das Mercedes 2026.
O torneo disputarase por parellas, cunha inscrición de 10 euros, que poderá formalizarse ata as 15:30 horas do propio sábado, pouco antes do comezo da competición. As persoas interesadas poden obter máis información ou inscribirse a través de Tebi (669 031 798) ou Roge (680 340 784).
Ademais da emoción propia da competición, os participantes terán como incentivo os premios previstos pola organización: trofeo e cea para as parellas clasificadas nos tres primeiros postos.
O cartel desta XVII edición tamén serve para lembrar aos campións e subcampións da edición de 2025, nunha cita que ano tras ano vai consolidando o seu carácter festivo e deportivo.
O XVII Torneo Cachiza está organizado por Asociación de Veciños O Percamino, de A Gándara, coa colaboración do Concello da Guarda, a Xunta de Galicia e a Deputación de Pontevedra, ademais do financiamento da Unión Europea.
Todo está preparado, polo tanto, para que a rúa As Pozas se converta este sábado nun punto de encontro para afeccionados e participantes. Unha tarde para competir, si, pero tamén para compartir, desfrutar do ambiente das festas e manter viva unha tradición que chega xa á súa decimoséptima edición.
O sábado, ás 16:00 horas, a cita está na rúa As Pozas (A Gándara). O Torneo Cachiza espera por vós!
Ningún comentario:
Publicar un comentario