A GUARDA

O xadrez volve á praza do Reló coa XXV edición do Campionato de Xadrez ao aire libre  

•  O vindeiro xoves, 6 de agosto entre ás 16:00 e ás 20:00 horas

Ricardo Rodríguez Vicente/A Guarda

 O xadrez será protagonista o vindeiro xoves, 6 de agosto, na praza do Reló, coa celebración do XXV Campionato de Xadrez ao aire libre, unha cita xa consolidada no calendario deportivo e cultural da localidade.  

 O evento está organizado polo Club de Xadrez Albatros e a Comisión de Festas do Monte Santa Trega, que un ano máis unen esforzos para achegar este deporte a veciños e visitantes nunha xornada aberta á participación de xogadores de todas as idades e niveis.  

 A competición desenvolverase entre ás 16:00 e ás 20:00 horas, nun espazo emblemático como é a praza do Reló, que acollerá taboleiros, estratexias e partidas nun ambiente pensado para gozar do xadrez ao aire libre.

 A organización anima tanto a afeccionados con experiencia como a persoas que se están iniciando nesta disciplina a participar nun campionato que pretende fomentar o xogo, a convivencia e a difusión do xadrez entre públicos diversos.  

 O XXV Campionato de Xadrez ao aire libre conta coa colaboración da Xunta de Galicia, a Deputación de Pontevedra e o Concello de A Guarda, entidades que apoian unha iniciativa que, tras vinte e cinco edicións, continúa reunindo deporte, tradición e participación cidadá.