PIRAGÜISMO
OS TEIXUGOS LUÍS FERNÁNDEZ, ALBA SOUTELO E EMILIO RODRÍGUEZ, CAMPIÓNS GALEGOS DE SLÁLOM
Informa (fotografías e redacción): Rosa Fernández Carrera
A pasada fin de semana, as augas do río Tea acolleron o Campionato Galego de Slálom, a última, e, máis importante, competición da Liga Galega de Slálom da tempada 2025. Máis de setenta deportistas das categorías júnior e sénior mediron forzas e intentaron facerse co título de campións galegos.
Luís Fernández Pereira dominou con claridade a súa modalidade, C1 sénior, gañando as clasificatorias e as finais, e proclamándose campión galego. Luís tamén se aventurou a competir en K1, onde logrou o pase a final, rematando noveno.
Alba Soutelo, experta en canoa, conseguiu o título de campioa galega de C1 ao impoñerse na final as súas competidoras. En K1 rematou cuarta.
.jpeg)
Emilio Rodríguez, en K1 veterano, acadou a terceira das medallas de ouro dos Teixugos.
En K1 júnior Brais Álvarez conseguiu o pase á final, rematando en sétimo lugar. Na mesma categoría Iván Cruz foi décimo.
Na clasificación final por equipos, a pesares dos bos resultados, o Club Deportivo Miño-Teixugos rematou cuarto, quedando sen podio, por mor do reducido equipo participante.
Ningún comentario:
Publicar un comentario