ATLETISMO
A canteira da Escola da Sociedade Atlética do Trega reafirma, un ano máis, o seu dominio no zonal do Cros Escolar do Val Miñor
• Logrando once podios individuais e un por equipos
Sociedade Atlética do Trega / Redacción Deportes
A inesgotable entidade tomiñesa non se cansa, ano tras ano, de descubrir o potencial e fomentar o desenvolvemento na formación de novos talentos para a modalidade de cros.
Esta fin de semana celebrouse, na praia da Ladeira - antigo campo de fútbol Santa Marta (Sabarís) - o zonal clasificatorio para obter billete para o próximo provincial, que terá lugar o día 13 deste mes, dentro do programa Xogade en idade escolar.
O noso club desprazou unha vintena de atletas, quen demostrou con fartura o seu alto nivel, arrasando e mandando en case todas as categorías. Fixeron unha auténtica exhibición de poderío atlético, lucindo as nosas cores e comandando sempre os primeiros postos das probas, obtendo un magnífico resultado final.
Os máis destacados nesta ocasión foron:
Ouros:
• Sergio Silva Souto, sub-16 cadete masculino.
• Alba Vasconcelos Rodríguez, sub-16 cadete feminino.
• Hugo Rodríguez Gómez, sub-14 infantil masculino.
• Nadia Conejo Bascoy, sub-14 infantil feminino.
• Ainoa Conejo Bascoy, sub-10 benjamín feminino.
• Rosalía González Pérez, sub-8 prebenjamín feminino.
Prata:
• Xoel Pérez Montero, sub-14 infantil masculino.
Bronces:
• Nerea Gándara Prol, sub-16 cadete feminino.
• Lucas González Pérez, sub-10 benxamín masculino.
Cuartos e quintos postos:
• Martín Rodríguez Castro, cuarto clasificado sub-14 masculino.
Adela Vasconcellos Rodríguez, cuarta clasificada sub-12 alevín feminino.
Por equipos:
Primeiro posto para o conxunto formado por Hugo Rodríguez Gómez, Xoel Pérez Montero, Martín Rodríguez Castro, Moncho Carreiro Pérez e Martín Piñeiro Casaleiro.
Moitas felicidades a todos e aos adestradores Javier Sierpes e Patricia Pereira.
Moita sorte para o provincial.
Ningún comentario:
Publicar un comentario