A GUARDA

O Concello de A Guarda asinou un convenio de colaboración con Acougo 

  

O alcalde e o primeiro tenente de alcalde, con dúas representantes de Acougo e unha funcionaria do Concello de A Guarda, no acto de sinatura do acordo

Foto: C.A.G.

Infogauda / A Guarda 

 O Concello de A Guarda asinou un convenio de colaboración con Acougo, a Asociación Galega de Familias de Acollida. “O obxectivo é fomentar programas de atención, formación e difusión en materia de protección de menores, así como medidas específicas para o acollemento familiar. 

 Con esta colaboración preténdese crear novas oportunidades de formación e sensibilización tanto para profesionais no sector como para novas familias locais interesadas no acollemento familiar”, indican desde o Goberno municipal. 

 Pola súa parte, as representantes de Acougo, referiron que “esta entidade  defende como obxectivo principal da súa acción o achegar á sociedade a realidade dos nenos e nenas en situación de desprotección e, a partir de aí, tratar coas familias acolledoras ou potencialmente acolledoras para ofrecer a preparación, a orientación, o acompañamento e o apoio para dotalas de competencias no manexo das dificultades e necesidades específicas dos menores acollidos.” 

 Finalmente, desde o executivo local relembraron que “un primeiro paso para dar a coñecer o labor desta asociación na Guarda, foi a súa participación na V Mostra Asociativa no pasado mes de setembro, onde moitos descubriron a importante acción social de Acougo.”