A GUARDA

CHEGA O MES DE ABRIL E CON ÉL  ACTIVIDADES DA OMIX A GUARDA  

Infogauda / A Guarda

 A Oficina Municipal de Información Xuvenil (OMIX) do Concello de A Guarda abre a inscrición para as dúas actividades programadas para este mes de abril. 

 As actividades van dirixidas principalmente a mocidade, pero naturalmente pode solicitar praza toda persoa que esté interesada.  

 As accións propostas son, por unha banda, unha clase mestra de oratoria: Como ser influente a través da palabra, na que a través dunha conferencia  moi dinámica e divertida da man de Santiago Martínez, da escola de oratoria Elocuencia, obteremos ferramentas e técnicas que nos axudarán tanto no ámbito persoal como profesional, para grandes e pequenas reunións, coas que proxectaremos seguridade, elaboraremos mensaxes eficaces e dominaremos o espazo tanto dixital como presencial.  A xornada será o día 11 de abril dende ás 17:00 ás 20:00  horas, para a que será necesario inscribirse previamente na OMIX.  

 A segunda das accións ofertadas é Cociña de supervivencia, un obradoiro para aquelas persoas que están pensando en emanciparse ou xa o están, e non queren sobrevivir a base de bocadillos, nin procurar ingredientes imposibles. Neste caso serán dúas xornadas, os días 19 e 26 de abril, dende ás 18:00 ata ás 20:00 horas nas que elaboraremos e degustaremos receitas ricas e sinxelas.  

 Para os dous obradoiros haberá que inscribirse na OMIX da Guarda a través do enderezo electrónico informacion@aguarda.es ou no teléfono 986 610 000 extensión 7.