TOMIÑO

A PLATAFORMA EN DEFENSA DA SANIDADE PÚBLICA DE TOMIÑO INFORMA QUE O CONSULTORIO DE GOIAN ABRIRÁ O VINDEIRO LUNS 22 DE XANEIRO

O xerente do Sergas Xabier Puente; co delegado da Xunta Agustin Reguera; a alcaldesa Sandra González; Ruben Muñoz, integrante da Plataforma en Defensa da Sanidade Pública de Tomiño; e concelleiras/os da corporación, diante do Consultorio Médico de Goián

                                             

Plataforma en Defensa da Sanidade Pública de Tomiño 

 A Plataforma en Defensa da Sanidade Pública de Tomiño, quere manifestar a súa satisfacción pola nova que hoxe xoves,  18 de xaneiro de 2024, nos trasladou o xerente da área sanitaria de Vigo: 

 O CONSULTORIO DE GOIÁN ABRIRÁ O VINDEIRO LUNS 22 DE XANEIRO. 

 Foi moito traballo, moitas recollidas de sinaturas, de concentracións, de manifestacións en Tomiño, na comarca e en comarcas veciñas. Moitas viaxes, reunións, notas de prensa, e entrevistas radiofónicas. Moitas mocións presentadas ao Pleno municipal, e mesmo un velorio e un vía crucis.

 En definitiva, moitas, moitísimas horas investidas por este grupo de mulleres e homes que de maneira absolutamente desinteresada e altruista traballaron arreo polo ben común, e que hoxe comenza a dar os seus froitos, polo que nos sentimos felices e satisfeitas/os.          

 Somos conscientes de que estamos en período preelectoral, pero está claro que sin a mobilización e a presión da Plataforma en Defensa da Sanidade Pública de Tomiño, a reapertura do Consultorio non sería hoxe unha realidade, e por suposto  que seguiremos loitando porque sabemos que hai moito que mellorar.                     

 Non nos queda mais que dar as grazas a todas e todos os veciños polo voso apoio e alento e por crer coma nós, que era posible.           

 A partir de mércores 24 de xaneiro, os/as pacientes poderán por fin, acudir ó seu médica/o a Goián.