A GUARDA

A Xunta de Galicia analiza coa confraría de pescadores da Guarda a situación do sector 

E as necesidades dos profesionais da súa área de influencia

O conselleiro do Mar, Alfonso Villares, visitou hoxe a confraría de pescadores da Guarda e mantivo un encontro cos seus representantes

Fotos: X.G.

O conselleiro do Mar, Alfonso Villares tamén visitou á nave das redeiras Atalaia

Infogauda / A Guarda

 O conselleiro do Mar, Alfonso Villares, visitou hoxe a confraría de pescadores da Guarda e mantivo un encontro cos seus representantes no que analizaron a situación do sector marítimo-pesqueiro e as necesidades dos profesionais da súa área de influencia. O titular de Mar, que estivo acompañado polo delegado territorial da Xunta en Pontevedra, Agustín Reguera, e pola directora xeral de Desenvolvemento Pesqueiro, Susana Rodríguez, así como polo alcalde Roberto José Álvarez Carrero e membros da corporación municipal de A Guarda, abordaron distintas cuestións de interese para a actividade marítimo-pesqueira como as melloras que está a acometer Portos de Galicia no peirao local co obxectivo de mellorar as condicións de traballo dos distintos operadores portuarios. 

 Esta é a primeira xuntanza que mantén o conselleiro cos responsables da confraría da Guarda desde que asumiu o cargo e enmárcase nos contactos que está a manter con distintas entidades do sector para coñecer as súas inquedanzas e preocupacións co obxectivo de buscar posibles solucións. Estes encontros son especialmente relevantes para resolver cuestións da operativa diaria dos traballadores da pesca e do marisqueo, así como para coñecer a evolución da actividade nas distintas zonas tendo en conta o impacto que tivo a pandemia pola covid-19, as dificultades derivadas da guerra en Ucraína ou a espiral inflacionista na que está inmersa a economía nos últimos meses.

CAMINHA

Vilas People abre com Augusto Canário em Vila Praia de Âncora, já na sexta-feira

Infogauda / Caminha

 O Vilas People está de regresso às noites de verão do concelho de Caminha, com quatro concertos. Pelos palcos de Vila Praia de Âncora e de Caminha vão passar: Augusto Canário, com o Coro Vozes do Concelho, Orquestra da Academia de Música Fernandes Fão e Etnográfico de Vila Praia de Âncora; Ópera na Academia e na Cidade e Orfeão de Vila Praia de Âncora; Paulo Baixinho e Banda Musical Lanhelense e Zezé Fernandes.

 O Vilas People faz parte da programação de verão no Município de Caminha. Para além das praias marítimas e fluviais, das esplanadas, ecovias, parques, trilhos que o concelho oferece a quem o visita e a quem cá vive, a Câmara Municipal prepara um cartaz de animação diversificado, de modo a completar a oferta turística. Os concertos vão decorrer nos meses de julho, agosto e setembro.

 Assim, o Vilas People arranca sexta-feira, dia 7 de julho, na Praça da República em Vila Praia de Âncora, com o concerto de Augusto Canário, com o Coro Vozes do Concelho, Orquestra da Academia de Música Fernandes Fão e Etnográfico de Vila Praia de Âncora. Este concerto também está inserido nas comemorações do 99º aniversário de Vila Praia de Âncora a Vila. O concerto conta com o apoio da Academia de Música Fernandes Fão e Etnográfico de Vila Praia de Âncora.

 Ainda em julho, o Vilas People apresenta o concerto “Antologia de Zarzuela”, protagonizado pela Ópera na Academia e na Cidade e Orfeão de Vila Praia de Âncora. Este momento está inserido na Comemoração da Outorga do Foral a Caminha – 24 de julho de 1284, que terá lugar no dia 24 de julho, pelas 22H00, no Largo Calouste Gulbenkian, em Caminha.

 Em agosto, o Vilas People faz-se com prata da casa, com Paulo Baixinho e Banda Musical Lanhelense. Este concerto está inserido no programa das festas de Santa Rita de Cássia, e terá lugar no dia 13 de agosto, pelas 22H00, na Praça Conselheiro Silva Torres, em Caminha. Este momento é organizado pela Câmara Municipal de Caminha, Junta de Freguesia de Caminha e Vilarelho e Comissão de Festas em Honra de Santa Rita de Cássia.

 Vilas People encerra a 9 de setembro, pelas 22H00, com Zezé Fernandes, na Praça da República, em Vila Praia de Âncora. Este concerto está inserido no programa das festas de Nossa Senhora da Bonança.

Programa

Sexta, 07 julho | 22H00

VILAS PEOPLE

CONCERTO

Augusto Canário com o Coro Vozes do Concelho, Orquestra da Academia de Música Fernandes Fão e Etnográfico de Vila Praia de Âncora

Local: Praça da República, Vila Praia de Âncora

Organização: Câmara Municipal de Caminha

Apoio: Academia de Música Fernandes Fão e Etnográfico de Vila Praia de Âncora

Segunda, 24 julho | 22H00

VILAS PEOPLE

CONCERTO “ANTOLOGIA DE ZARZUELA”

Comemoração da Outorga do Foral a Caminha – 24 de julho de 1284

Ópera na Academia e na Cidade, Porto e Orfeão de Vila Praia de Âncora

Local: Largo Calouste Gulbenkian, Caminha

Organização: Câmara Municipal de Caminha

Domingo, 13 agosto | 22H00

VILAS PEOPLE

CONCERTO

PAULO BAIXINHO E BANDA MUSICAL LANHELENSE

Local: Praça Conselheiro Silva Torres, Caminha

Organização: Câmara Municipal de Caminha, Junta de Freguesia de Caminha e Vilarelho e Comissão de Festas em Honra de Santa Rita de Cássia

(Inserido no programa das festas de Santa Rita de Cássia)

Sábado, 09 setembro | 22H00

VILAS PEOPLE

CONCERTO

ZEZÉ FERNANDES

Local: Praça da República, Vila Praia de Âncora

Organização: Câmara Municipal de Caminha

(Inserido no programa das festas de Nossa Senhora da Bonança)

O ROSAL

O Concello do Rosal aproba a súa organización municipal  

O pleno aprobou onte martes as atribucións dos concelleiros e concelleiras e as diferentes dedicacións do Goberno municipal  

A alcaldesa destacou o compromiso do equipo de Goberno para mellorar a calidade de vida da veciñanza e que “O Rosal sexa o lugar elixido por moitas persoas para desenvolver o seu proxecto de vida”  

A alcaldesa Ánxela Fernández Callís xunto coa concelleira e concelleiros da Xunta de Goberno Local do concello do Rosal

Foto: C.O.R.

Infogauda / O Rosal

 O Concello do Rosal aprobou onte martes en pleno a organización e funcionamento da Corporación municipal para o mandato que acaba de comezar, no que se abordaron cuestións como as competencias de cada concelleira e concelleiro, as dedicacións, a composición e atribucións da Xunta de Goberno Local ou a periodicidade das sesións plenarias.  

 Como sinalou a alcaldesa, Ánxela Fernández Callís, a estrutura do equipo de Goberno municipal responde ao obxectivo de poñer á veciñanza e as súas necesidades no centro da acción política e facelo “cun equipo preparado, diverso, capacitado e con moitas ganas e ilusión para seguir mellorando a calidade de vida de rosaleiros e rosaleiras”. “Traballaremos para que O Rosal se converta no lugar elixido por moitas persoas para desenvolver o seu proxecto de vida”, salientou.  

 Neste camiño, dende Alcaldía manterase tamén a coordinación das áreas de Economía e Facenda, Formación e Emprego, Proxectos, Mobilidade, Participación Veciñal e Comunicación e Transparencia. En canto aos concelleiros e concelleiras delegadas do equipo de Goberno establécense as seguintes atribucións: 

- Germán Fernández Rodríguez levará Vías e Obras, Tráfico, Protección Civil, Saneamento e redes de subministro. 

- Beatriz Rodríguez Alfonso estará ao fronte de Medio Ambiente, Benestar Social, Igualdade, Voluntariado, Montes e augas. 

- José Carlos Martínez Crespo asumirá as áreas de Deportes, Educación e Turismo. 

- Roxelio Fernández Portela levará Urbanismo. 

- Carlos Villanueva Domínguez coordinará Cultura, Patrimonio, Sanidade e Transporte. 

- Alejandro González Martínez collerá as rendas das áreas de Comercio, Novas Tecnoloxías e Dixitalización, Xuventude e Persoal. 

 Respecto ás dedicacións e retribucións, o Concello do Rosal mantense a mesma dedicación exclusiva de 38.500 euros ao ano da Alcaldía e establécense dúas parciais ao 75% de 28.000 euros e unha parcial a media xornada de 18.000 euros, que exercerán Germán Fernández, Beatriz Rodríguez e José Carlos Martínez Crespo, respectivamente. Pola súa banda, outros tres edís desempeñarán o seu cargo sen dedicación.  

 Ademais, durante o pleno acordouse a periodicidade das sesións plenarias ordinarias, fixada para os últimos xoves dos meses impares ás 20.30 horas, e a composición, atribucións e funcionamento da Xunta de Goberno Local, que permitirá unha maior eficacia e celeridade na resolución de determinados asuntos de interese público. 

TOMIÑO

Tomiño capta un millón de euros do Plan PON2030 para a rehabilitación enerxética da Casa da Cultura e melloras na contorna  

O proxecto, que terá un custe de 1,3 millóns de euros, suporá a integración total dos equipamentos a través do espazo público   

O proxecto ‘Integra Tomiño’ non só abarcará a rehabilitación enerxética da Casa da Cultura, senón tamén a mellora e acondicionamento de todo o espazo adxacente situado diante do edificio de Benestar Social, na rúa República Arxentina e na vía situada tras a Casa de Cultura, ata o Centro de Día

Fotos: C.T.

Infogauda / Tomiño

 Tomiño vén de conseguir unha subvención dun millón de euros do PON2030, un plan extraordinario da Deputación de Pontevedra co que se busca transformar os concellos para seguir avanzando na execución da Axenda 2030. A través do proxecto beneficiado, denominado ‘Integra Tomiño’, o Concello levará a cabo a rehabilitación enerxética da Casa da Cultura e implementará melloras no espazo público de toda a contorna. 

 Dentro do proceso de avaliación dos proxectos presentados, a proposta de Tomiño acadou a oitava mellor puntuación entre as 40 iniciativas finalmente subvencionadas. Deste xeito, o Goberno municipal continuará transformando Tomiño para convertelo nun concello máis sostible a través desta axuda que “representa un importante impulso para o desenvolvemento e revitalización do municipio”. 

 Cun investimento total de 1,3 millóns de euros, o proxecto ‘Integra Tomiño’ non só abarcará a rehabilitación enerxética da Casa da Cultura, senón tamén a mellora e acondicionamento de todo o espazo adxacente situado diante do edificio de Benestar Social, na rúa República Arxentina e na vía situada tras a Casa de Cultura, ata o Centro de Día. A proposta busca a integración de equipamentos a través do espazo público co obxectivo de crear unha contorna cohesionada e funcional para desfrute da veciñanza.  

 A alcaldesa de Tomiño, Sandra González, amosou a súa satisfacción “por este importante investimento no noso concello, que nos permitirá levar adiante un proxecto que mellorará e modernizará a infraestrutura existente e creará un espazo máis accesible e atractivo para a veciñanza”.

TUI

Este venres inaugurarase en Tui a mostra pictórica de Chuny Vázquez “Un canto á cor, á vida” 

Será ás 20.30 h na Sala Municipal de Exposicións. Poderase visitar durante todo este mes de xullo de 8.30 a 14.30 h

Redacción / Tui

 Este venres, 7 de xullo, terá lugar, ás 20.30 h, a inauguración da exposición pictórica  “Un canto á cor, á vida” de Chuny Vázquez, unha referencia artística na comarca do Baixo Miño. Será na Sala Municipal de Exposicións do Concello de Tui, no edificio Francisco Sánchez.  

 Nesta exposición Chuny Vázquez realiza un percorrido pola súa traxectoria artística a través de máis dunha trintena de cadros de diversas temáticas e técnicas. En palabras da propia autora “ningunha pintura fala de si mesma, gardan silencio, prefiren que sexa o público quen teña no seu poder as preguntas ou respostas ante cada unha delas, porque senten a necesidade da súa atención, da súa linguaxe e sentimentos, porque levaron moito tempo agochadas entre as penumbras ao longo do peor da pandemia e agora piden a luz de todas as miradas, para volverse a sentir vivas”.  

 Chuny Vázquez posúe un longo e acreditado percorrido no ámbito artístico cunha dilatada traxectoria con numerosas exposicións en salas de Galicia e diversos lugares de España, pero a súa inquedanza levouna a publicar preto dunha ducia de libros de poemas así como a unha intensa colaboración con asociacións e entidades de todo tipo no ámbito socio-cultural.  

 O acto de inauguración deste venres contará coa presentación do xornalista Ricardo Rodríguez e a interpretación de diversas pezas musicais pola cantautora guardesa María José Baz.  

 Para a concelleira Sonsoles Vicente Solla, a celebración desta exposición é unha “magnífica oportunidade para achegarse á produción de Chuny Vázquez que destaca pola calidade artística e pola calidade humana que transmite”.  

 Esta exposición poderase visitar até o 28 deste mes de xullo de luns a venres en horario de 8.30 a 14.30 h.

VALENÇA DO MINHO

Valenciana Rosário Pereira, nos Picos do Mundo  

Rosário Pereira

Foto: C..M.V. do M.

Infogauda / Valença do Minho

 A valenciana Rosário Pereira, é uma aventureira que tem  no trekking e no trepar às grandes montanhas um dos desígnios da sua vida. As montanhas do Atlas, no norte de África, a cordilheira dos Pirenéus,  entre a Espanha e a França, qualquer pico e uma parte significativa dos trilhos e lugares icónicos da Península Ibérica não têm segredos para esta valenciana. 

 A mais recente aventura foi a subida, estes dias, à Brecha de Roland, aquele ponto mítico dos Pirenéus, a 2804 metros com uma fenda natural icónica  entre Aragão, em Espanha e Hautes-Pyrénées, em França. Uns dias de aventura que não ficaram, por aqui e permitiram, ainda, a subida  à Faja de las Flores, no alto do Vale de Ordesa, com os seus 2400 metros no Parque Nacional de Ordesa e Monte Perdido, em Aragão, Espanha. 

 Mas, a sua grande aventura foi em 2021 a subida ao topo do Toubkal, com os seus respeitáveis 4167 mts altitude, o pico mais alto da Cordilheira do Atlas e do norte da África.  A marca de uma vida foi, para esta valenciana, ver o nascer do sol no topo do Toubkal entre as linhas do horizonte da cordilheira marroquina do Atlas. 

 À paixão pelo trekking, o seu hobbie favorito, junta-se o desígnio de registar tudo em fotografia e em papel. A fotografia e a escrita acompanham Rosário Pereira há já muitos anos. Como blogger  “Cansar as Botas” é uma verdadeira fonte de inspiração para quem ama a natureza, o trekking e a descoberta de trilhos e lugares icónicos em Portugal e Espanha. A arte de escrever traduziu-se já na publicação de dois livros “Sentimentos”  e “Poeta Bandida”. 

NIGRÁN

A CIG logra a maioría absoluta en Hormigones Valle Miñor 

Fíxose con 4 dos 5 representantes que se escollían no comité de empresa 

Infogauda / Nigrán

 A federación da Construción e Madeira da CIG de Vigo logrou a maioría absoluta nas eleccións sindicais que se veñen de celebrar en Hormigones Valle Miñor, empresa con sede na Ramallosa (Nigrán) pero centros de traballo en varias localidades da provincia de Pontevedra. A central fíxose con 4 dos 5 delegados/as do comité, aumentando deste xeito a representación obtida no anterior proceso.  

 Nas eleccións sindicais que tiveron lugar o pasado luns a candidatura da CIG sumou un total de 47 votos (4 representantes) e a da UGT 16 (1 representantes). Contabilizáronse tamén 2 papeletas en branco entre o total de 68 persoas traballadoras con dereito a voto, todas elas no colexio de especialistas. Este resultado supón mellorar o obtido pola central no anterior proceso, no que lograra 3 representantes, por 2 da UGT.  

 Dende a CIG-Construción agradecen a confianza depositada polo cadro de persoal de Hormigones Valle Miñor no seu proxecto sindical e adiantan a disposición da representación da central na empresa a continuar loitando pola mellora das condicións de traballo e na defensa dos dereitos laborais de todas as persoas traballadoras da empresa. 

VIGO

A CIG advirte de posíbeis responsabilidades penais ás empresas que incumpran a xornada intensiva na construción 

Considera un éxito a medida na provincia de Pontevedra, pero denuncia que nalgúns casos non se está a aplicar e pídelle celeridade á Inspección 

Infogauda / Vigo

 A CIG advírtelle ás empresas do sector da construción da provincia de Pontevedra que están a incumprir a xornada intensiva durante o mes de xullo pactada en convenio que se poderían enfrontar a responsabilidades penais no caso de que se produza un accidente laboral ou de que un operario/a se vexa afectado por un golpe de calor. Dende a central consideran un éxito a implantación dunha medida que están a aplicar a maioría das compañías, pero denuncia que noutros casos fanse horas extras máis alá das catro da tarde, polo que reclama celeridade nas actuacións da Inspección de Traballo.  

 Na CIG-Construción salientan o feito de que as principais empresas están a respectar o acordado por primeira vez na historia do sector en Galiza, aínda que noutros casos estase a incumprir o convenio en materia de xornada laboral mediante a realización de horas extra que ou ben se pagan fóra de nómina ou directamente non se pagan. “Isto constitúe unha fraude á Seguridade Social e está a ser utilizado como un mecanismo para limpar diñeiro negro”, censuran.   

 Ademais, esta conduta podería dar lugar a actuacións penais no caso de que se produza un accidente laboral ou algún/ha traballador/a sufra un accidente laboral ou se vexa afectado por un golpe de calor fóra da xornada establecida por convenio: de 7:00/8:00 a 15:00/16:00 horas. “Todas as empresas que traballan fóra deste horario sen causa xustificada están a incumprir o pactado, polo que xa estamos poñendo algúns casos en coñecemento da Inspección de Traballo, á que lle pedimos celeridade nas actuacións para que se respecten os dereitos das persoas traballadoras”.    

 Dende a central sindical lembran que a medida estará vixente até o luns 31 de xullo, período durante o que se realizará xornada intensiva de 7:00 a 15:00 horas, sendo de obrigado cumprimento para todas as empresas. En caso de que por causa administrativa xustificada houbese que atrasar o inicio da xornada “en ningún caso será despois das 8:00 horas”. 

 A pretensión da CIG-Construción é ampliar a xornada continuada a todo o período estival para pro-texer a saúde dos traballadores/as e garantir o dereito á conciliación da vida laboral e familiar. De feito, no propio documento recóllese a posibilidade de ampliar a medida aos tres meses do verán. Aínda que a central sindical márcase como obxectivo para o próximo convenio que a xornada intensiva se estableza de xeito obrigatorio durante o período estival.

CELANOVA (OURENSE)

Saúde Mental FEAFES Galicia atende a persoas con problemas de saúde mental no rural de Ourense 

• A través do programa Senda pola Saúde Mental, que conta coa financiación de Fundación “la Caixa”, Saúde Mental FEAFES Galicia presta apoio e acompañamento a 20 persoas con problemas de saúde mental e 35 familias en concellos de Baixa Limia e Terras de Celanova. 

• Hoxe, 5 de xullo realizouse un acto de peche do primeiro ano de traballo neste proxecto, que tivo lugar ás 11:30 na Fundación Curros Enríquez (Celanova) e contou coa presenza de representantes de Fundación “la Caixa”, dos concellos participantes e das persoas usuarias da entidade.  

Participantes no acto de peche do primeiro ano de traballo do programa Senda Pola Saúde Mental

Elena Rodríguez Pérez /  Celanova (Ourense)

 Este mércores 5 de xullo, a Fundación Curros Enríquez, en Celanova acolleu o acto de peche do primeiro ano de traballo do programa Senda Pola Saúde Mental, un proxecto financiado por Fundación “la Caixa” e desenvolvido por Saúde Mental FEAFES Galicia que dá resposta ás necesidades de atención, apoio e acompañamento que teñen as persoas con problemas de saúde mental nas zonas rurais, concretamente nas comarcas da Baixa Limia e Terras de Celanova.   

 O acto deu comezo ás 11:30 e contou coa presencia de Susan Santos Morales, xestora territorial de Fundación “la Caixa” en Galicia; Jaime Sousa Seara, Presidente da Mancomunidade de Celanova e Alcalde de cartelle; Teresa Barge Dapía, Concelleira de Igualdade e Integración Social de Celanova; e de Xosé Ramón Girón, presidente de Saúde Mental FEAFES Galicia.  

Participantes na mesa redonda

 Tamén tivo lugar unha mesa redonda na que interviñeron Félix Alonso, técnico de Saúde Mental FEAFES Galicia; María José Traba Rivera, traballadora social do Hospital de Piñor; e dúas persoas usuarias do programa; María José Ferro e Guillermo Fernández. Neste coloquio, as catro persoas contaron, dende os seus distintos papeis no programa Senda Pola Saúde Mental, en que consiste este proxecto e que vantaxes aporta ás persoas con problemas de saúde mental que se benefician del. Tras a celebración do acto, todas as persoas asistentes disfrutaron duns petiscos. 

A saúde mental no rural, unha realidade desatendida 

 A realidade xeográfica de Galicia provoca que existan territorios rurais afastados nos que o acceso e a conexión aos servizos é moi limitada ou inexistente. Isto implica un gran problema para as persoas con problemas de saúde mental que viven nestas zonas, tanto por estar alonxadas dos servicios de apoio como pola soidade que sofren na maioría dos casos. 

 Por iso, desde xullo de 2022, Saúde Mental FEAFES Galicia desenvolve o programa Senda Pola Saúde Mental en colaboración coa Fundación “la Caixa”. O seu obxectivo é prestar apoio e acompañamento a persoas con problemas de saúde mental que residen nas zonas rurais, traballando en rede cos recursos e profesionais implicados no proceso individual de cada unha delas. 

 No primeiro ano de implantación do programa, traballouse con 20 persoas en concellos da Baixa Limia (Lobios, Entrimo, Muíños, Bande e Lobeira) e na Mancomunidade de Celanova (Cartelle, Celanova, Gomesende, A Merca, Pontedeva, Quintela de Leirado, Ramiráns e Verea). Este traballo implica un achegamento do persoal de Saúde Mental FEAFES Galicia ás zonas nas que residen estas persoas, podendo atendelas así na súa contorna. 

 Co programa Senda Pola Saúde Mental avanzamos no obxectivo de achegar os recursos e servizos ás persoas que viven en núcleos de poboación afastados, ofrecerlles atención individualizada e defender o uso efectivo dos dereitos tanto das persoas participantes como das súas familias e persoas achegadas. Tamén facilita a implicación das usuarias e usuarios coa súa contorna, mellorando a súa vinculación inclusiva, positiva e activa na comunidade.  

 Saúde Mental FEAFES Galicia é unha entidade sen ánimo de lucro constituída en 1995 coa misión de representar e defender os dereitos e necesidades das persoas con problemas de saúde mental. De carácter social, esta entidade ten como obxectivo principal a mellora da calidade de vida destas persoas e das súas familias. Actualmente agrupa a 12 asociacións repartidas por toda a comunidade galega con centros e servizos en preto de 30 localidades.   

ARCOS DE VALDEVEZ

Oficinas de Criatividade Himalaya - Centro Ciência Viva dos Arcos  

𝐕𝐚𝐦𝐨𝐬 𝐝𝐞𝐬𝐜𝐨𝐛𝐫𝐢𝐫 𝐚 𝐕𝐚𝐜𝐚-𝐋𝐨𝐮𝐫𝐚

 

Vaca-Loura, o maior escaravelho de Portugal

Fotos: C.M. A. de V.

María Joâo Brito / Arcos de Valdevez

 No passado sábado, as Oficinas de Criatividade Himalaya - Centro Ciência Viva dos Arcos partiu à descoberta do maior escaravelho de Portugal, a Vaca-Loura, na floresta de Miranda. Pelo caminho, os participantes ainda encontraram outros lucanídeos e descobriram a importância de florestas maduras e autóctones para a continuação destas espécies.  

O objetivo destas iniciativas passa por sensibilizar os cidadãos para a importância destes insetos e dos seus habitats.  Esta é a primeira iniciativa de um conjunto alargado de atividades de verão, levada a cabo por este Centro de Ciência Viva do Município de Arcos de Valdevez, com o objetivo de promover a ciência, a ecocidadania e a educação ambiental junto das pessoas. 

ARCOS DE VALDEVEZ

Campo do Trasladário volta a acolher a iniciativa Domingos Saudáveis   

María Joâo Brito / Arcos de Valdevez

 A iniciativa “Domingos Saudáveis”, realizada pelo Município de Arcos de Valdevez, em parceria com “Studio 601”, vai regressar ao Campo do Trasladário todos os Domingos, entre as 10h00 e as 12h30, no período compreendido de 09, 16, 23 e 30 de julho, 20 e 27 de agosto, 03 de setembro de 2023. 

 Esta ação corresponde a atuações públicas, gratuitas de aulas de atividade física. Todas as iniciativas têm acesso livre, sendo que aqueles que queiram participar apenas terão de comparecer equipados com fato de treino e ténis, sendo também aconselhável levarem água e protetor solar. 

 Com esta iniciativa a Câmara Municipal pretende promover a prática desportiva e proporcionar momentos de lazer, bem-estar e boa disposição aos arcuenses e aos visitantes.

A GUARDA

A música blues arrolará A Guarda esta fin de semana  

• O Festival de Música A Guarda Mar de Blues traerá á vila artistas como Tommy Castro & The Painkillers, Javier Turnes & The Hake Men, Mingo Balaguer & Pablo Sanpa ou Julián Maeso 

• A banda americana “Tommy Castro & The Pankillers”, dará na Guarda o seu único concerto en Galicia.  

Infogauda / A Guarda

 A Guarda prepárase para acoller esta fin de semana a terceira edición do festival musical “A Guarda Mar de Blues”, que chegara á Praza do Reloxo os días 7 e 8 de xullo, organizado polo concello de A Guarda en colaboración con Onme Producciones - Mais que Blues e patrocinado por Cervezas Alhambra.  

Julián Maeso

 A programación arrancará o venres día 7 de xullo ás 22:30h co concerto de Julián Maeso, un dos pratos fortes desta edición. Trátase dun dos músicos máis versátiles que existen no noso país, cualificado por moitos como o “Dr. John” español ou mesmo a reencarnación do gran “Jimmy Smith”, grazas ao dominio e manexo do órgano Hammond. Deleitaranos cun concerto cheo de momentos funk indescriptibles, soul, R&B,... que quedarán gardados para sempre na retina e na memoria de todas ás persoas que se acheguen ao primeiro evento do Mar de Blues, 2023.

  

Javier Turnes & The Hake Men

 As actividades continuarán o sábado 8 de xullo ás 12:00h, cunha sesión vermú  con "Javier Turnes & The Hake Men".

 Javier Turnes estará na Guarda presentando o seu novo proxecto musical. Trátase dun dos grandes estudosos do blues en Galicia, e xunto a The Hake Men ofrecerán un precioso percorrido polo son de Chicago ata as beiras do río Mississippi.  

Mingo Balaguer & Pablo Sanpa

 O prato forte chegará o sábado ás 22:30h con "Mingo Balaguer & Pablo Sanpa".

 Mingo Balaguer é un dos grandes mestres da armónica no país. Un veterano músico con máis de 30 anos enriba dos escenario, que ten tocado xunto a  lendas do blues como Hubert Sumlin, Johnny Winter ou Magic Slim, entre outros moitos. Contará co apoio de Pablo Sanpa, un dos  guitarristas con máis recoñecemento no panorama nacional do blues.  

Tommy Castro  

Tommy Castro & The Painkillers

 

 "Tommy Castro & The Painkillers" subirán ao palco do Mar de Blues sobre as 23:30h cheos de  blues, soul, R&B, rock…. Todo iso e moito máis é esta banda procedente de San Francisco. 

 Tommy Castro ten mais de tres décadas de carreira profesional, infinidade de premios como o recente "Blues Music Award" á mellor banda en directo do ano, milleiros de concertos, unha suculenta e ampla discografía e infinidade de colaboracións xunto a grandes nombres como Carlos Santana, Bob Weir, Greg Alman, Dr. John, Willie Nelson, Jeff Beck, Joe Bonamassa, Elvin Bishop, Charlie Musselwhite, Magic Dick of J Giles, Taj Mahal, Los Lobos ou John Lee Hooker, que fixo a súa última  aparición pública, para gravar o disco «Guilty of Love» de Tommy Castro.    

 Tommy  será el encargado de pechar esta terceira edición do Mar de Blues.   

 Tal e como manifestou o alcalde, Roberto José Álvarez Carrero, na presentación de A Guarda Mar de Blues “é un festival cunha organización impecable e que traerá á Guarda a artistas moi recoñecidos que promoverán a música blues no municipio.”  

 O concelleiro Fernando Reyes González indicou que este festival axudará a converter A Guarda nun punto de referencia musical, cun evento cultural que se celebrará nun espazo patrimonial tan importante para a vila como é a Praza do Reloxo, dinamizando tamén a economía local en todos os seus ámbitos, posto que traerá á Guarda a numerosos asistentes de varios puntos de Galicia, España e Portugal. 

 Óscar Martínez Martínez, membro da organización do festival, destacou os grandes músicos que visitarán A Guarda os días 7 e 8 de xullo, que farán as delicias dos asistentes coa súa calidade e experiencias musicais, coma é o caso de Tommy Castro & The Painkillers, Javier Turnes & The Hake Men, Mingo Balaguer & Pablo Sanpa ou Julián Maeso.  

LUGAR: Praza do Reloxo - A Guarda     

VENRES 7 XULLO  

22:30 H

CONCERTO:

JULIÁN MAESO.                         

SÁBADO 8 XULLO 

12:00 H

SESIÓN VERMUT: 

JAVIER TURNES & THE HAKE MEN.                 

CONCERTOS:

22:30 H

MINGO BALAGUER & PABLO SANPA. 

23:30 H  

TOMMY CASTRO & THE PAINKILLERS.

A GUARDA

O concello de A Guarda vai realizar unha recepción oficial ao atleta Álex Sierpes Pereira  

• Será o xoves día 6 de xullo ás 19:30h na Casa dos Alonso  

Álex Sierpes Pereira nunha das súas entradas triunfais en liña de meta

Foto: S.A. do T.

Infogauda / A Guarda

 O concello de A Guarda, a través da concellería de Deportes, organiza este xoves día 6 de xullo ás 19:30h unha recepción oficial ao atleta local Álex Sierpes Pereira, integrante da Sociedade Atlética do Trega e actual campión de España nos 1.500 metros obstáculos en pista ao aire llibre na categoría Sub-16.  

 A traxectoria deportiva de Álex Sierpes é digna deste recoñecemento, polo seu esforzo, traballo e sacrificio ao longo destes anos, no cal tivo unha evolución imparable no mundo do atletismo.  

 O concello de A Guarda convida a toda a cidadanía a participar nesta recepción, a un deportista que leva o nome da Guarda alí onde compite, e que estará acompañado dos seus familiares, compañeiros e compañeiras do seu clube, autoridades locais e demais convidados. 

O ROSAL

Virtuosismo, música e diversión con Tonichi&Pacheco no Rosal  

O dúo levará a súa proposta artística este venres 7 de xullo á Praza do Calvario. Será ás 21.00 horas con entrada de balde  

Tonichi&Pacheco

Foto: C.O.R.

Infogauda / O Rosal 

 A axenda cultural do Rosal trae moita música para o mes de xullo. Este venres 7 de xullo é a quenda de Tonichi&Pacheco, un dúo con máis de 20 anos de experiencia ás súas costas que presentará unha proposta artística na que se mestura o virtuosismo musical centrado nas grandes figuras da guitarra cunha ampla selección de cancións e toque de humor.   

 Será ás 21.00 horas na Praza de Calvario cunha actuación de balde na que o público poderá desfrutar da música de Paco de Lucía, Djando Reinhardt, Zorba the Greek... e dunha gran selección de temas de jazz, bossa nova, rumba e rancheira nun concerto para bailar dende principio a fin. 

 Unidos por unha grande amizade e despois de compartir distintas bandas, Tonichi&Pacheco deciden dar vida a este proxecto co que percorreron escenarios por todo o mundo e compartiron táboas con artistas como Manu Chao, James Brown, Emir Kusturika, Kiko Veneno, Coque Malla, Raimundo Amador, Los Enemigos ou Los Secretos.  

 Despois da actuación a música continuará na Praza do Calvario da man de Roberto Caco nun concerto organizado por Daordaria e o Bar Tapería A Plaza.

OIA

"I Simposio Serra da Groba e Argallo”, este sábado na Casa Forestal de Oia  

Patricia Muñoz Raña / Oia

 A plataforma Turonio organiza o "I Simposio Serra da Groba e Argallo-Patrimonio natural, etnográfico e cultural", o cal se desenvolverá na Casa Forestal de Santa María de Oia na tarde do vindeiro sábado 8 de xullo.  

 Diferentes relatores dende o mundo académico, o da investigación ou o activismo ambiental e cultural exporán, en diversas intervencións, os principais valores naturais e culturais que agochan os nosos montes. Ao remate realizarase unha mesa redonda na que as persoas encargadas dos relatorios abordarán diferentes cuestións.  

 Este evento é o primeiro paso dun proceso que ten como obxectivo a declaración da Serra da Groba e Argallo como Espazo Natural Protexido.  

 A xornada comezará as 18:00h na Casa Forestal de Santa María de Oia, (coordenadas: 41.999232, -8.855919). A entrada é de balde.  

DETALLE DO PROGRAMA:  

-“Un patrimonio natural a conservar: matogueiras e turbeiras da Serra da Groba”. 

César A. Blanco Arias. Técnico de investigación do proxecto RURALtXA! Universidade de Santiago de Compostela.  

-“Os cabalos salvaxes da Serra da Groba: Un patrimonio natural, etnográfico e cultural”.  

Laura Lagos Abarzuza. Investigadora asociada do proxecto RURALtXA! Centro Interdisciplinar de Química e Bioloxía, Universidade da Coruña.  

-“Biodiversidade ameazada da Serra da Groba”. 

Manuel A. Pombal Diego. Profesor da Universidade de Vigo e membro de ANABAM.  

-“Serra da Groba. Arqueoloxía, etnografía e patrimonio vivo”. 

Xosé Lois Vilar e Xilberte Manso. Membros do Instituto de Estudos Miñoráns e SOS Groba.  

-“A Serra da Groba como clave para a sostibilidade do territorio. Unha proposta para un espazo protexido”. 

Juan Hermida. Director do Instituto de Estudos Miñoráns. 

TOMIÑO

O ciclo ‘Música e Románico’ arranca este verán cun concerto na igrexa de Santa María de Tebra  

Caamaño&Ameixeiras inaugura a segunda edición deste programa co que Tomiño pon en valor o seu patrimonio histórico artístico  

Será este venres 7 de xullo ás 20.30 h con entrada de balde  

Infogauda / Tomiño

 Tras o éxito do pasado verán, Tomiño acolle no mes de xullo a segunda edición do ciclo ‘Música e Románico’, un programa co que o Concello pon en valor o importante patrimonio histórico artístico que representan as igrexas da época románica situadas nas parroquias de Santa María de Tomiño, San Salvador de Tebra, Santa María de Tebra e Barrantes. 

 Caamaño&Ameixeiras inauguran este novo ciclo este venres 7 de xullo cunha actuación ás 20.30 horas na igrexa de Santa María de Tebra. Unha actuación que estará precedida por unha breve explicación ao público participante das principais elementos románicos do templo que serve nesta ocasión de escenario.  

 “Este ciclo é unha oportunidade única para mergullarse na riqueza cultural e patrimonial de Tomiño combinando historia, arquitectura e música. Un encontro co importante legado do noso concello ao son do melodías excepcionais que nos farán desfrutar dunha experiencia enriquecedora e única”, salienta a alcaldesa, Sandra González. 

 Caamaño&Ameixeiras é un dúo ligado á música e ao baile de raíz. Ao son do acordeón diatónico, o violín e a voz, Sabela Caamaño e Antía Ameixeiras achégannos a esta música cun toque moderno e fresco a través do seu primeiro traballo ‘Aire!’, no que participan diversas figuras de reputación internacional como Abraham Cupeiro ou Silvia Pérez Cruz. Estas dúas mozas acadaron dous dos premios máis importantes do panorama musical en España: o 1º Premio Martín Códax da Música 2021 e o 1º Premio no Folkez Blai 2021.