A Casa dos Alonso vai acoller a cuarta sesión dos “Encontros en Familia”
• O vindeiro martes 24 de outubro de 19:30 ás 21:00h
Infogauda / A Guarda
“Encontros en familia” continúa o próximo martes día 24 de outubro, coa cuarta sesión: “O bo uso da tecnoloxía, Como controlar as últimas tecnoloxías e conseguir que non te controlen a ti”. Nesta ocasión tratarase sobre a importancia de saber traballar coas novas tecnoloxías e sacarlles o máximo partido nunha sociedade en continua evolución.
Esta proposta do Servizo de educación e apoio familiar (SEAF) pretende crear un espazo de reunión para achegar á cidadanía temas actuais que inviten ao debate e a reflexión sobre o papel da familia na sociedade actual e ao mesmo tempo ofrecer un formato máis práctico con recomendacións e orientacións ás familias, profesionais da educación e coidadores.
O obxectivo destes encontros é fortalecer as súas capacidades e habilidades parentais e de crianza, ofrecendo pautas positivas para consolidar os vínculos familiares e garantir a protección integral das crianzas e adolescentes.
Na súa organización tívose en conta as preocupacións e demandas das familias e profesionais do ámbito da educación e sanidade que traballan no municipio de A Guarda.
En total son 7 encontros. O primeiro deles tivo lugar no mes de xuño e xunto coa presentación do ciclo abordáronse temas tan importantes como a saúde mental, hábitos saudables e o tempo de ocio e familiar. A duración de cada un será de 90 minutos e estarán dirixidos por Esteban Figueirido, psicólogo especializado en terapia familiar e Beatriz Arroyo Moreno, traballadora social clínica, psicoterapeuta e tanatóloga.
PROGRAMA
OUTUBRO
24.10.23
• “O bo uso da tecnoloxía. Como controlar as últimas tecnoloxías e conseguir que elas non che controlen a ti” .
NOVEMBRO
07.11.23
• “Ruptura de parella. Moitas perdas e algunhas ganancias”.
21.11.23
• “O acoso escolar. Detección, prevención e intervención familiar”.
DECEMBRO
12.12.23
• “A afectación do duelo ás relaciones familiares. Ferramentas e comunicación para xestionar o duelo”.
Todas as charlas realizaranse os martes na Casa dos Alonso (planta baixa do Concello) en horario de 19:30 a 21:00h.
A entrada é libre ata completar aforo.
Para máis información chamar aos teléfonos:
680 197 937 Servizo de educación e apoio familiar (SEAF) e 986 614 507 Servizos sociais.
Enderezo electrónico: educadora@aguarda.es
Ningún comentario:
Publicar un comentario