GONDOMAR

PRESENTACIÓN DA REVISTA DE ESTUDOS MIÑORÁNS (REM), Nº 22

• Este mércores día 26 de abril, ás 20:30 horas, na Aula Ponte de Rosas - Avda. da Feira, nº 10 - Gondomar

Infogauda / Gondomar

 O Instituto de Estudos Miñoráns (I.E.M), vai presentar o número 22 da Revista de Estudos Miñoráns (REM). Será este mércores día 26 de abril, ás 20:30 horas, na Aula Ponte de Rosas - Avenida da Feira, nº 10 -, de Gondomar.

 Neste novo número da publicación do I.E.M., figuran varios traballos de investigación, como: Evidencias do cambio climático na contorna do Val Miñor; Estudio biométrico do garrano Equus caballus L.,; O prestixio social na prehistoria a través dos petróglifos de armas; A peste en Baiona; A Baiona de Ariosto; Planta municipal, funcionarios da administración e aspectos militares de Baiona a mediados do século XVIII; No trixésimo aniversario do Clube Espeleolóxico Maúxo;..., entre outros.