A GUARDA

A Guarda acolleu o curso de formación europeo ACMIT 

Os participantes (de España, Albania, Alemaña, Bulgaria, Xeorxia, Italia, Portugal, Polonia e Turquía) reuníronse para explorar como aplicar a Teoría das Intelixencias Múltiples 

O alcalde e membros do goberno municipal de A Guarda cos participantes do curso de formación impartido na vila

Foto: C.A.G.

Infogauda / A Guarda

 20 persoas de 8 países distintos participaron na nosa vila, no curso de formación ACMIT organizado pola asociación guardesa FOCO, no concello de A Guarda. Neste curso, os participantes de España, Albania, Alemaña, Bulgaria, Xeorxia, Italia, Portugal, Polonia e Turquía reuníronse para explorar como aplicar a Teoría das Intelixencias Múltiples combinada con actividades teatrais para facilitar a avaliación de competencias.  

 Este curso está cofinanciado pola Unión Europea a través do programa Erasmus+ e conta coa colaboración da Xunta de Galicia e o Concello de A Guarda. Durante este curso, ademais de realizar actividades teatrais para cada unha das intelixencias, visitaron o castro do monte Santa Trega e recibiron a visita do alcalde Antonio Lomba e demais membros do equipo de goberno, quen lles deu a benvida á Guarda.

Teoría das Intelixencias Múltiples

 Howard Gardner creou esa  teoría nos anos 80 do século XX. Distingue oito tipos de intelixencia (lingüística, espacial, lóxico-matemática, naturalista, corporal-kinestésica, musical, intrapersonal, interpersoal). O novo punto clave no concepto de intelixencia é que todos os tipos de intelixencia son equivalentes e participan na construción da imaxe intelectual xeneral do individuo.   

 O tipo de intelixencia vén determinado polo conxunto de habilidades biolóxicas do individuo para resolver problemas que non están directamente relacionados, é dicir, unha persoa pode ser moi capaz nun tipo e completamente incapaz noutro tipo de intelixencia.