VIGO

CIG-Saúde reclama o uso sanitario do edificio da antiga cafetería do Hospital Xeral

O edificio da antiga cafetería do Hospital Xeral non está incorporado ás obras de reforma  do antigo edificio do Hospital Xeral e do anexo I

Foto: CIG-Saúde da comarca de Vigo

CIG-Saúde da comarca de Vigo

 O edificio da antiga cafetería do Hospital Xeral non está incorporado ás obras de reforma  do antigo edificio do Hospital Xeral e do anexo I que se están a rematar para a construción da Cidade da Xustiza. 

 O espazo ocupado pola antiga cafetería e os espazos anexos no mesmo edificio están a  ser usados polo SERGAS para labores de almacenamento de material, desaproveitando unha gran parte das instalacións, sen un plan claro sobre o seu futuro. 

 Desde CIG-Saúde da comarca de Vigo reclamamos que se consolide o uso sanitario dese  edificio e non se perdan máis infraestruturas sanitarias na trama urbana de Vigo. 

 Reclamamos que se faga un estudo das posibilidades da instalación para reforzar o papel  do Centro integral de saúde Taboada Leal, onde conviven instalacións de Atención  Primaria e de Atención Hospitalaria. 

 Na situación actual, onde quedou claro que as infraestruturas sanitarias da nosa área  son insuficientes, non podemos perder a oportunidade de sacar partido dun edificio  dese volume e nesa localización.