VIGO

A CIG CONVOCA A TODO O PERSOAL DE POVISA, A UNHA ASEMBLEA INFORMATIVA E POSTERIOR CONCENTRACIÓN 

Este xoves, día 10 de febreiro de 2022, ás 14:00 horas, na entrada principal do Hospital Povisa, de Vigo

Infogauda / Vigo

 O comité de empresa de Povisa convoca para este xoves día 10 de febreiro de 2022, ás 14:00 horas, na entrada principal do Hospital Povisa, de Vigo, a todo o persoal do centro sanitario vigués a  unha asemblea informativa e posterior concentración na que se abordará o estado das  negociacións do convenio colectivo. 

 Dende a representación sindical adiantaran hai 15 días a  súa intención de convocar protestas no caso de que non se producisen avances na negociación.  Neste senso, lembran que o cadro de persoal do centro médico privado leva 11 anos sen suba  de soldos e co acordo laboral caducado a pesar do cambio de dirección.