PONTEVEDRA

Axenda do BNG para este xoves 9 de xuño 2016  

     

10.00 h. A GUARDA. Luis Bará, cabeza de lista do BNG-Nós ao Congreso pola provincia de Pontevedra, reúnese coa patroa maior da Confraría de Pescadores de A Guarda, Silvia Crespo. Estará acompañado do portavoz municipal do BNG, Ángel Baz, así como do membro do consello local, mariñeiro reformado e portavoz da plataforma de emigrantes retornados da comarca, Benito Alonso ‘Mansa’. Confraría da Guarda. Rúa Baixo Muro 32. 

Despois do encontro baixarase ata o porto para coñecer as novas instalacións.

12.00 h. O ROSAL. Luis Bará, realiza unha visita aos viveiros e plantacións de aguacates do Grupo Eurobanan, dentro do proxecto Cultivos Baixo Miño, promovidos por Xaquín Álvarez e Santos Rodríguez. Parcelas de Eurobanan. Tabagón.

22.45 h. PONTEVEDRA. Festa de inicio de campaña e pegada de carteis coa participación (por orde de intervención) da alcaldesa en funcións, Carme da Silva; o cabeza de lista ao Congreso, Luis Bará; a candidata Olalla Obelleiro; e o vicepresidente provincial, César Mosquera. A música correrá a cargo de ‘Zurrumallada’. Praza de Ourense.23.30 h. 

BUEU. Acto central de apertura de campaña de BNG-Nós no que participará a portavoz nacional, Ana Pontón, e o candidato por Pontevedra, Luis Bará, arroupados por responsables políticos -como o alcalde de Bueu e a alcaldesa de Moaña-, militantes e simpatizantes da formación nacionalista. A pegada de cartaces (00:00h) terá lugar nun barco de pesca no peirao de Bueu, no que embarcarán os candidatos e responsables políticos, para facer un breve percorrido ao longo do porto e volver a atracar no peirao. Barco “O Purro” no peirao de Bueu diante do edificio da lonxa.

(R.)