O ROSAL

A AGRUPACIÓN MUSICAL DO ROSAL ORGANIZA UN FESTIVAL DE NADAL

Será o domingo día 20 de decembro, ás 18:00 h., no Auditorio do Rosal

Participarán o Coro Infantil, Minibanda, Banda Infantil e nenas/os de Iniciación Musical da Escola de Música

Cartel anunciador, debuxo de Uxía Cividanes Pérez, primeiro premio do Concurso

Agrupación Musical do Rosal / O Rosal

 Con motivo do fin de trimestre e das festas do Nadal a Agrupación Musical do Rosal organiza os seguintes actos que terán lugar no Auditorio Municipal do Rosal este fin de semana:  

- Venres día 18 de decembro, 20,00 h.: Audición de alumnos da escola  

- Sábado día 19 de decembro, 20,30 h.: Audición de alumnos da escola  

- Domingo 20 decembro, 18,00 h.: Festival de Nadal no cal participarán o Coro Infantil, Minibanda, Banda Infantil e nenas/os de Iniciación Musical da Escola de Música, que nos ofrecerán un concerto moi entretido para o público. 

 Durante o transcurso do acto realizarase a entrega dos premios do I Concurso de Carteis de Nadal. Na entrada principal do auditorio estarán expostos os debuxos gañadores e finalistas do concurso. O concurso foi organizado pola asociación dentro da Escola de Música.