DEPORTES

HOCKEY LIÑA

DÚAS VICTORIAS DO A GUARDA HOCKEY LIÑA NA ESTREA DA LIGA GALEGA DE HOCKEY LIÑA

A xornada foi especialmente reivindicativa, xa que o equipo guardés segue sen poder xogar na vila da Guarda por carecer esta de Pavillón polideportivo municipal e non ter ningún pavillón na Guarda coas medidas mínimas de seguridade tanto para os deportistas coma para o público

Os compoñentes do equipo A Guarda Hockey Liña despregaron unha pancarta reivindicativa no pavillón deportivo de Bouzas (Vigo)

Foto: A Guarda HL 

A Guarda HL / A Guarda

 A Guarda HL acadou o pleno de victorias na primeira sede da Liga Galega de Hockey Liña disputada o domingo día 13 de decembro, no pavillón de Bouzas.  

 O equipo guardés venceu con solvencia os seus dous compromisos cos seguintes resultados:  

ADC Alquimia InLine 0 - A Guarda HL 5 

A Guarda HL 3 - CPL Brigantium 0 

 A xornada foi especialmente reivindicativa, xa que o equipo guardés segue sen poder xogar na vila da Guarda por carecer esta de Pavillón polideportivo municipal e non ter ningún pavillón na Guarda coas medidas mínimas de seguridade tanto para os deportistas coma para o público. Esta situación ven de lonxe e parece ser que vai para largo. Os deportistas da Guarda asistiron ás mostras de solidariedade de tódolos equipos participantes en esta competición que fan propios os problemas dos guardeses.