A GUARDA

DEPORTES

O REMEIRO DAMIÁN ALONSO ALONSO SOLICITA AXUDA ECONÓMICA O CONCELLO 

Para poder participar no Campionato de Europa e no Campionato do mundo de Remo ergómetro

Damián Alonso: "(...) Esta é a terceira vez. O terceiro ano que solicito axuda o concello. Agardo que este ano sí se me conteste a esta solicitude, e non caia no esquecemento como ás dúas anteriores".

Damián Alonso Alonso

Infogauda / A Guarda

 O remeiro Damián Alonso Alonso, presentou o pasado día 10 de decembro, no Concello de A Guarda (rexistro de entrada nº 8.053), unha solicitude de "axuda económica por parte do concello para poder participar unha vez máis, no Campionato de Europa e o Campionato do Mundo de Remo ergómetro (...)".

A imaxe reflicte á solicitude que o remeiro guardés presentou o pasado xoves día 10 de decembro no rexistro de entradas do Concello de A Guarda

 No seu escrito, Damián Alonso relembra que nos últimos tres anos conqueriu dous terceiros postos (2013 e 2014) e un segundo (2015) no Campionato do Mundo, ademáis de dous Campionatos de Europa (2013 e 2014) e un segundo posto (2015).

 Asemade, na súa solicitude Damián Alonso afirma o seguinte: "Gustaríame poder participar unha vez máis no Mundial e intentar conquerir o título que me falta, ser Campión do Mundo.

 Miña participación no Campionato de Europa, en xaneiro de 2016 téñoa asegurada. Eu mesmo correrei cos gastos, pero en febreiro o Campionato do Mundo é no EEUUe non poderei facer fronte a eses gastos.

 Esta é a terceira vez. O terceiro ano que solicito axuda o concello. Agardo que este ano sí se me conteste a esta solicitude, e non caia no esquecemento como ás dúas anteriores".