A GUARDA

1º DE MAIO, DÍA DA CLASE OBREIRA, ADICADO A JOSÉ DE LA SANTÍSIMA TRINIDAD ARMÁN

Cando ainda leva pouco tempo funcionando e as súas carencias son moitas, o MOVEMENTO SINDICAL 1º DE MAIO, vai celebrar esta data, rindindo unha homenaxe, a unha persoa que o longo do tempo, demostrou a honestidade e esforzo, dando o mellor de si para conquerir novas metas para os traballadores do Baixo Miño en xeral, e de A Guarda en particular, dende unha das centrais sindicais máis significativas da nosa comarca.

Tralo acordo levado a cabo na súa derradeira xuntanza, por maioría dos séus componentes, o MOVEMENTO 1º DE MAIO, acordou adicar esta data emblemática a JOSE DE LA SANTÍSIMA TRINIDAD ARMÁN, xa que consideraron que era un traballador que o longo da súa vida activa, destacou participando na creación e posta en marcha de CC.OO. cando embarcarse nesa idea, conlevaba a incomprensión e o aillamento de moitos veciños, pero co seu tesón colaborou a que anos despois poideran dispor dun local en condicións para levar adiante a información e asesoría dos traballadores, deixando atrás o ter que subir a sede inicial con lámparas de camping  para ter iluminación e caldeiros para recoller a auga que entraba entre as tellas e “lavaba” o local cada vez que chovía.

Este acto, vai celebrarse o vindeiro 1º de maio, as 12 da mañán no local da Casa dos Alonso, na Praza do Reló

Por medio destas liñas, o Movemento Sindical 1º de Maio, quer invitar a tódolos/as sindicalistas, traballadores, amigos/as e veciños/as de A Guarda para que celebren  e festexen este día internacional do traballo, así como participar na homenaxe ao esforzo aportado ao colectivo sindical, por este bó e xeneroso veciño do Baixo Miño.

Este acto, que consideramos breve en canto a duración pero intenso no significado, terá a participación do Presidente deste Colectivo, abrindo o acto, a continuación, facendo unha semblanza do homenaxeado, Ricardo Rodríguez Vicente, e unha intervención musical, a cargo de Fran Estévez e José Manuel González Peniza.

Dende o Movemento Sindical 1º de Maio, queremos agradecer o Concello por facilitarnos o local, a Adegas Xesteiro por aportar o viño que se servirá o remate do acto e a Invernadeiros Toxal polo seu aporte en flores.

A Guarda a 29 de abril do 2.014

  

 Eloi Gómez Mariño  

     Presidente

(R.)