PONTEVEDRA

AS OFICINAS DE TURISMO DE PONTEVEDRA REXISTRARON MÁIS DE 265.000 TURISTAS DURANTE A ETAPA ESTIVAL

·        O 75% dos visitantes foron españois chegados de Madrid, Castela e Andalucía; mentres que un 25% foron estranxeiros, sobre todo portugueses, franceses e orientais.

As oficinas de turismo da provincia de Pontevedra rexistraron un total de 265.275 turistas no presente verán, unha cifra lixeiramente superior á rexistrada o pasado ano, que rondou os 248.000. Os datos foron extraídos das 43 oficinas de Pontevedra que a Deputación tivo abertas durante os 3 meses da etapa estival.

Perfil do turista

Cunha media de 2.947 persoas cada día, os datos amosan que o 75% dos visitantes que se achegaron para demandar todo tipo de información eran de procedencia nacional (maioritariamente procedentes de Madrid, Asturias, Castela e León e Andalucía), e o 25% estranxeiros, sobre todo con nacionalidade portuguesa, francesa e italiana, aínda que tamén se rexistrou unha significativa presenza de visitantes do continente oriental.

Entre os motivos para achegarse á provincia están presentes tanto guías ou Internet (35%), clima e paisaxe (30%), o Camiño de Santiago (15%), a gastronomía (15%) ou familia ou os amigos (5%). Os que se decidiron polo destino Rías Baixas o fixeron movidos por cultura e ocio nun 45%, e paisaxe e natureza un 35%.

Os datos tamén reflicten que a idade media do visitante das oficinas foi de 35-60 anos; o xeito de viaxar foi dun 39% en parella, 29% en familia, e un 20% con amigos; e a estancia media declarada de 1 semana.

En canto ao tipo de aloxamento un 45% descansou en hotel; un 19% en albergue, e o 25% eran turistas de paso. Para desprazarse, un 61% decantouse polo emprego do autobús, e un 25% o seu propio vehículo.

Volume de visitantes

•No Salnés: Armenteira (12.202), O Grove (20.423), Sanxenxo (10.385), Cambados (5.684), Vilagarcía (5.311), A Illa (4.302)

•En  Pontevedra: oficiña de TRB 9.136; Pontevedra (Casa da Luz, Plaza España e Vialia) 17.461; Poio, 7.089

•No Morrazo: Cangas, 15.756; Marín, 2.759, Bueu 2.855

•Zona de Vigo: Baiona, 25.388; Nigrán 5.189; e Arcade 2.879

•Baixo Miño: Tui, 20.335, A Guarda 2.480, Oia 1.867

•Caldas, Ulla-Umia: Caldas, 1.991, Cuntis 366

•Deza, Tabeirós, Montes: Silleda, 2.879, Lalín 750, Estrada 472

Atención personalizada

As 43 oficinas estiveron atendidas por  56 bolseiros e bolseiras, dos cales 20 posuían un contrato de un ano como principal novidade; 16 cun contrato de 6 meses; e outras 20 persoas contratadas por tres meses. Todos eles ofreceron información práctica, consellos e formas de disfrutar de todos os recursos da provincia do xeito máis satisfactorio posible.