A GUARDA

O BARRIO DA CRUZADA HONROU A SAN QUEITANO, PADROEIRO DA PROVIDENCIA

Fotografías: Lalo Rodríguez Pereira / A Guarda

Infogauda / A Guarda

Os veciños do barrio da Cruzada e moitos devotos procedentes doutros lugares da vila de A Guarda e mesmo doutros pobos do Baixo Miño acudiron esta fin de semán até o santuario de San Queitano.

Dentro do programa de actividades que xa escomenzou o pasado venres, como informamos oportunamente neste xornal dixital, coas actuacións do grupo de gaitas A Boalleira, de A Gándara, así como coa verbena amenizada polo grupo Arena e a orquestra Mediterráneo, e continou na noite da onte con París Latino e Laberinto; chegou o día de hoxe no que compre salientar o pasarrúas da Banda de Música Agrupación Musical de A Guarda, e logo da misa solemne no santuario de San Queitano, cantada polo Coro Parroquial de A Guarda, a procesión coa participación de moitas persoas de tódalas edades, e da devandita banda de música.

Para a tarde deste domingo, desde ás 19.00 h. haberá as tradicionais poxas, e deseguido ás actuacións dos Grupos de Pandereteiras Carainas-Xamarainas e Coiro Vello, de A Guarda.

Premer eiquí para acceder á galería de imaxes da autoría de Lalo Rodríguez Pereira.