OURENSE

ORFEON E A ESCOLA DE ARTES DA DEPUTACIÓN, XUNTOS NUN PROXECTO PARA NENOS

Infogauda / Ourense

A Escola de Artes da Deputación de Ourense colaborará cun proxecto do Orfeón Unión Ourensana destinado a nenos de entre 5 e 13 anos e que consistirá na realización de “master class” a cargo de artistas ourensáns nas instalacións da escola, dirixidas aos máis novos.

Este fermoso proxecto de master class do Orfeón principiará o vindeiro día 17 de outubro, sábado, coa presenza do pintor Manuel Zapata, que aportará aos rapaces diferentes visións da arte e realizará con eles un mural. Será entre as 10:30 e as 13:30 horas.A segunda master class terá lugar o sábado 14 de novembro. Neste caso o artista convidado será César Prada, que lles falará aos nenos da luz e da cor, para realizar posteriormente un segundo mural.Este proxecto de master class está aberto a futuras ampliacións, coa participación de outros pintores, escultores e artistas da cidade e dos propios profesores da Escola de Artes da Deputación que desexen sumarse ao proxecto.As master class realizaranse nas instalacións da Escola de Artes e Oficios da Deputación, na rúa Doutor Marañón.

Os interesados poden contactar co Orfeón Unión Orensana nos teléfonos:

988 233 587 - 653 903 742