A GUARDA

XORNADA DEPORTIVA IES – SAN XEROME

Carlos G. Blanco / A Guarda

O pasado martes dia 27 de maio tivo lugar nas instalacións deportivas do Centro San Xerome Emiliani, a 3ª edición do torneo “Fútbol e integración”, organizado polo IES A Sangriña e o Club deportivo San Xerome; patrocinado nesta ocasión pola Consellería de Sanidade, con motivo do “Día sen tabaco” (31 de maio).
Participaron 4 equipos de 10 xogadores/as (5 do IES e 5 do San Xerome). A normativa sinala a obligatoriedade de que en tódolos partidos participen todo o tempo, como mínimo, 2 xogadores/as do San Xerome en cada equipo.
Os equipos participantes eran o “Boca”, adestrado por David Parada, o “Atlético” dirixido por Manolo, a “Juve”, adestrado por Mario Lomba e “Os rojos” de Pacheco.
Nunha disputadísima final, venceu por penaltis a “Juve” de Mario cunha destacada actuación da porteira Raquel.
Houbo agasallos para todos/as, nun ambente festivo e de amizade, cumplindose así o obxectivo principal do encontro.
Graciñas os 4 adestradores, a Amalio Verd (IES) e a Rubén, árbitro do Torneo que non tivo que utilizar as tarxetas.
Na fotografía adxunta, os participantes no encontro lúdico – deportivo, antes de comenzar os partidos.

NOVAS do Club San Xerome:

· O pasado mércores dia 28 de maio tivo lugar nas pistas de Balaídos en Vigo, a segunda xornada da Liga Galega de Fútbol Sala organizada pola FEGADDI (Federación Galega de Deporte para Discapacitados Intelectuais). O noso Club nun impresionante partido, venceu por 11 goles a 0, o Club Prioriño do Ferrol; sendo nestes momentos líderes da clasificación xeral.
· Este próximo mércores dia 3 de xuño, partirán cara Benidorm, as diferentes seleccións galegas para participar no Campionato de España de Selecciones Autonómicas. Na expedición figuran 7 deportistas do noso Club (Mingos, Borja, Javi, María, Maite, Amparo e David), xunto con deportistas dos Clubes: Esclavas (Mos), Saladino , San Rafael, Aspanaex (Vigo, Prioriño e Carmen Polo (Ferrol), e Apader (Cedeira).