DEPORTES

PIRAGÜISMO

CINCO MEDALLAS PARA OS TEIXUGOS NA III COPA GALEGA DE PROMOCIÓN DE SLÁLOM

O Club Deportivo Miño-Teixugos, acudiu cun reducido equipo de tan só tres piragüistas, que dominaron nas súas respectivas categorías

Roque Olveira nun dos podios que logrou ao gañar en C1 e K1, respectivamente, da categoría alevín

Informa (fotografías e redacción): Rosa Fernández Carrera

 O pasado domingo as augas do río Cabe, ao seu paso por Monforte acolleron a III Copa Galega de Promoción de Slálom. Participaron deportistas galegos das categorías infantil, alevín e benxamín. O Club Deportivo Miño-Teixugos, acudiu cun reducido equipo de tan só tres piragüistas, que dominaron nas súas respectivas categorías.      

 Rita Olveira foi ouro tanto en caiac como en canoa infantil feminina. Seu irmán Roque Olveira tamén foi o gañador en C1 e K1 pero da categoría  alevín. Iria Álvarez en benxamín tamén gañou en caiac, non dobrando participación ao non haber canoa ata categoría alevín.      

 Impresionante balance, con tres participantes e cinco medallas de ouro para os pequenos teixugos.  

 Na clasificación por equipos  o Club Deportivo Miño rematou quinto, con so 42 puntos, polo reducido do equipo participante.