A GUARDA

A Guarda ofrece dous faladoiros sobre a muller  e a súa saúde  

• Que tratarán sobre a endometriose e a menopausa  

Infogauda / A Guarda

 A Guarda ofrece para o xoves, 11 de decembro, na Casa dos Alonso, dous faladoiros sobre a saúde da muller, que serán impartidos pola enfermeira-matrona Diana Ayude.  

 De 11:30 a 13:30h a charla dará a coñecer que é a endometriose, os seus principais síntomas e as opcións de tratamento dispoñibles. Búscase informar sobre esta enfermidade crónica e infradiagnosticada, que provoca dor en moitas mulleres.  

 Ademais, explicaranse os posibles síntomas e tratamentos, así como o procedemento de diagnóstico e as medidas de apoio existentes.  

 Do mesmo xeito, esa tarde, de 17:00 a 19:00h, o faladoiro tratará sobre a menopausa, para poder comprendela mellor. A charla busca reducir os mitos e medos sobre esta etapa vital, así como informar de hábitos saudables para afrontar esta etapa con máis positividade.  

 Con estes faladoiros, organizados co Centro de Información da Muller (CIM) de A Guarda, búscase dar información e resposta ás mulleres sobre a súa saúde diaria.