A GUARDA

CASTELAO grafista, na Casa dos Alonso

• Unha mostra de facsímiles da Colección de Arte Afundación e debuxos do álbum Cousas da vida, de Castelao

O alcalde de A Guarda e o concelleiro de Cultura e Deportes, cos representantes de Afundación e de ABANCA, no acto de inauguración da exposición Castelao grafista

Fotos: C.A.G.

Infogauda / A Guarda

 Na mañá deste venres 6 de setembro de 2024, na Casa dos Alonso  - praza do Reló 5, (Concello de A Guarda) -, inaugurouse a exposición Castelao grafista. Acto que estivo presidido polo alcalde de A Guarda, Roberto José Álvarez Carrero, e ao que tamén asistiron Celso Rodríguez Fariñas, concelleiro de Cultura e Deportes de A Guarda; María Teresa Cores Fernandez, coordinadora da Área Cultural de Afundación; José Luis Romero Quiroga e Juan Jesús González Fernández, coordinador institucional,  e  director da oficina de ABANCA, de A Guarda, respectivamente.

 A mostra reúne reúne 19 facsímiles da Colección de Arte Afundación e 89 debuxos do álbum Cousas da vida, de Castelao.

 A exposición manterase aberta de luns a venres de 9:00 a 15:00 horas ata o día 4 de outubro. Ademais, a exposición ten un carácter solidario coa iniciativa Cultura por Alimentos, pola cal se recollerán doazóns de alimentos á entrada do Concello.  

 A mostra abrirase tamén ás visitas dos colexios, aos cales se lles porá en disposición material didáctico desta exposición.